Arif İbrahimli

Arif İbrahimli — Azərbaycan Respublikası Təhsil Şurasının İcra Aparatının rəhbəri, Bakı Mühəndislik Universitetinin müəllimi, şair.

Arif İbrahimli
İbrahimov Arif Gürşad oğlu
Arif İbrahimli
Arif İbrahimli
Doğum tarixi (43 yaş)
Doğum yeri Mişni, Laçın rayonu, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Təhsili Bakı Dövlət Universiteti
Fəaliyyəti tarixçi

HəyatıRedaktə

İbrahimov Arif 2 avqust 1978-ci ildə Laçın rayonunun Mişni kəndində anadan olub[1]. 1984-cü ildə Mişni kənd orta məktəbində 1-ci sinifə getmiş, 1995-ci ildə Qaradağ rayonunda yerləşən 7 saylı Laçın şəhər orta məktəbini bitirib. 1998-2000 illərdə hərbi xidmətdə olmuşdur. 2002-ci ildə Bakı Dövlət Universitetinin tarix fakultəsinə qəbul olunmuşdur. 2006-2008 illərdə BDU-nin magistratura pilləsində təhsil almış, "XV əsr Azərbaycan tarixi (Əbubəkr Tehraninin "Kitabi Diyarbəkriyyə" əsəri üzrə) mövzusunda dissertasiya müdafiə etmiş və fərqlənmə diplomu ilə bu pilləni bitirmişdir.

Hal-hazırda BDU-nun tarix fakultəsinin Azərbaycan tarixi kafedrasının doktorantıdır. "Azərbaycanın Qazax, Borçalı və Şəmşəddil torpaqları (XVIII əsrin ikinci yarısında, XIX əsrin birinci 30 ilində) adlı dissertasiya işi üzərində işləyir.

Azərbaycan Texniki Universitetinin İctimai fənnlər kafedrasının baş müəllimidir.

1 noyabr 2013-cü ildə Azərbaycan Respublikası Təhsil Şurasının İcra Aparatının rəhbəri təyin olunmuşdur.

"Həsrət yağışı" adlı şeirlər kitabının, bir sıra elmi, publisistik məqalələrin müəllifidir.

İstinadlarRedaktə

  1. "Arif İbrahimli", "Laçın yurdu" jurnalı, №1 (12), Bakı, "Bəxtiyar-4" nəşriyyatı, 2014. səh.20-21.

MənbəRedaktə