Arzu Cavadova
Bu məqalə böyük ölçüdə və ya tamamilə tək mənbəyə əsaslanır. |
Bu məqalədə yalnız ilkin və ya onunla əlaqəli mənbələrdən istifadə olunur. |
Arzu Sahib qızı Cavadova— Azərbaycan Respublikası Dövlət Neft Şirkətinin vitse-prezidenti.
| Arzu Cavadova | |
|---|---|
| Arzu Sahib qızı Cavadova | |
Vəzifədədir | |
| 28 iyul 2023-cü ildən | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 Azərbaycan |
| Təhsili | Azərbaycan Dövlət Neft və Sənaye Universiteti |
| Fəaliyyəti | dövlət rəsmisi |
| Elmi fəaliyyəti | |
| Elmi dərəcəsi | Geologiya/mineralogiya üzrə fəlsəfə doktoru-elmlər namizədi |
Həyatı
redaktəCavadova Arzu Sahib qızı 24 avqust 1967-ci ildə Bakı şəhərində anadan olub. 1984-cü ildə Azərbaycan Neft və Kimya İnstitutunun geoloji-kəşfiyyat fakültəsinə daxil olaraq, 1989-cu ildə fərqlənmə ilə bitirib. Geologiya/mineralogiya üzrə fəlsəfə doktoru-elmlər namizədi elmi dərəcəsini alıb.
Əmək fəaliyyətinə 1985-ci ildə Azərbaycan Neft və Kimya İnstitutunda başlayıb. 1985–1986-cı illərdə Azərbaycan Neft və Kimya İnstitutunun "Ümumi, tarixi geologiya və hidrogeologiya" kafedrasında, 1987–1988-ci illərdə isə "Geofiziki kəşfiyyat üsulları" kafedrasında 0.5 ştat laborant, 1989–1991-ci illərdə "Neft və qaz yataqlarının axtarışı və kəşfiyyatı" kafedrasında mühəndis vəzifələrində çalışıb. 1990-cı ildə "Neft və qaz yataqlarının axtarışı və kəşfiyyatı" kafedrası nəzdində aspiranturaya daxil olub, kafedrada təhsil zamanı 0.5 ştat, 1994-cü ildə bitirdikdən sonra 1996-cı ilə qədər isə tam ştat assistent vəzifəsində çalışıb. 1996–1997-ci illərdə ARDNŞ-nin "Azərineftinformatika" hesablama mərkəzində mühəndis, 1997-ci ildə Dənizdə neft və qazçıxarma İstehsalat Birliyinin mərkəzi laboratoriyasında geokimyaçı-qrup rəhbəri, Dənizdə neft və qaz yataqlarının işlənməsinə nəzarət ekspedisiyasının Neft geokimya qrupunun rəhbəri kimi çalışıb.
1997–1999-cu illərdə ABŞ "Frontera Resources" neft şirkətində baş geoloq, 1999–2003-cü illərdə "Salyan Oil" Ltd. şirkətində aparıcı və işlənmə üzrə geoloq, 2003–2007-ci illərdə isə "Delta Hess ACG" Ltd. şirkətində geoloji işlər üzrə baş mütəxəssis vəzifələrində çalışıb. 2007–2022-ci illərdə "BP Exploration" (Caspian Sea Ltd.) şirkətinin kəşfiyyat şöbəsində baş geoloq, qrup rəhbəri, geoloji kəşfiyyat üzrə menecer, karbohidrogen sistemləri üzrə analitik vəzifələrində çalışıb.
2022–2023-cü illərdə SOCAR-ın baş geoloqu vəzifəsində işləyib.
Azərbaycan Respublikasının Prezidenti İlham Əliyevin 28 iyul 2023-cü il tarixli Sərəncamı ilə Azərbaycan Respublikası Dövlət Neft Şirkətinin vitse-prezidenti təyin edilib.[1]
İstinadlar
redaktə- ↑ President.az. "A.S.Cavadovanın Azərbaycan Respublikası Dövlət Neft Şirkətinin vitse-prezidenti təyin edilməsi haqqında Azərbaycan Respublikası Prezidentinin Sərəncamı" (az.). President.az. 2023-07-28. 2023-07-31 tarixində arxivləşdirilib. İstifadə tarixi: 2023-07-28.