Asif Məlikov
Asif Məlikov (13 aprel 1971, İsmayıllı, Azərbaycan SSR) — Azərbaycanı təmsil edən ağır atlet.[2]
| Asif Məlikov | |
|---|---|
 | |
| Şəxsi məlumatlar | |
| Tam adı | Asif Məmməd oğlu Məlikov |
| Vətəndaşlığı |
 Azərbaycan |
| Doğum tarixi | |
| Doğum yeri | İsmayıllı, Azərbaycan SSR |
| İdman növü | Ağır atlet |
| Karyera illəri | 1986—2004 |
| Məşqçisi | Nusrət Abdullayev |
| Boyu | 164 sm. |
| Çəkisi | 62 kq[1] |
Həyatı Redaktə
Asif Məlikov 1971-ci il aprelin 13-də İsmayıllı şəhərində anadan olub. 1986-cı ildən idmanla məşğul olur. Şəxsi məşqçisi Nusrət Abdullayev idi.
Karyerası Redaktə
Asif Məlikov Azərbaycanı 1996-cı ildə Birləşmiş Ştatların Atlanta şəhərində baş tutan XXVI Yay Olimpiya Oyunlarında təmsil edib.[3] Asif Məlikov birdən qaldırma mərhələsində birinci cəhdində 125.0 kiloqramlıq ştanqın öhdəsindən gələ bilmədi.[3] Onun növbəti cəhdi də uğursuz alındı.[3] Sonuncu cəhdində mütləq ştanqı qaldırmalı olan Asif Məlikov bu səfər də onun öhdəsindən gələ bilmədi.[3] Bununla da Asif Məlikov birdən qaldırma mərhələsində nəticə göstərə bilmədiyi üçün Atlanta Olimpiadasında mübarizəsini başa vurdu.[3]
Asif Məlikov 1997-ci ildə Tailandda baş tutan Dünya Çempionatının bürünc medalına sahib oldu.
2004-cü ilin aprelində isə Asif Məlikov Kiyev şəhərində baş tutan Avropa Çempionatını bürünc medalla başa vurdu.
Daha sonra Asif Məlikov Azərbaycanı 2004-cü ildə Yunanıstann Afina şəhərində baş tutan XXVIII Yay Olimpiya Oyunlarında təmsil edib. -62 Kq. turnirində çıxış edən Asif Məlikov mübarizə apardı.[4] Birdən qaldırma mərhələsində Asif Məlikov birinci cəhdində 150.0 kiloqramlıq ştanqın öhdəsindən gələ bilməsə də, növbəti cəhdində ştanqı qaldırmağı bacardı.[4] Üçüncü cəhdində 120.0 kiloqramlıq ştanqı sifariş versə də Asif Məlikov bunun öhdəsindən gələ bilmədi və birdən qaldırma turnirini başa vurdu (nəticəsi 115.0).[4] Təkanla qaldırma mərhələsində Asif Məlikov birinci cəhdində 145.0 kiloqramlıq, növbəti cəhdində isə 150.0 kiloqramlıq ştanqın öhdəsindən gəldi.[4] Sonuncu cəhsində 155.0 kiloqramlıq ştanqı sifariş versə də Asif Məlikov bunun öhdəsindən gələ bilmədi və mərhələni başa vurdu (nəticəsi 150.0).[4] Ümumi nəticədə isə Asif Məlikov 265.0-lıq (115.0+150.0) nəticə ilə olimpiadanı 16 atlet sırasında 12-ci pillədə başa vurdu.[4]
Asif Məlikov idmanla vidalaşandan sonra Daxili İşlər Nazirliyində çalışmağa başladı.
İstinadlar Redaktə
- ↑ Olympedia (ing.). 2006.
- ↑ Olympedia.org. "Asif MƏLİKOV". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
- ↑ 1 2 3 4 5 Olympedia.org. "1996 Summer Olympics / Weightlifting / Bantamweight (59 Kilograms) / Men". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
- ↑ 1 2 3 4 5 6 Olympedia.org. "2004 Summer Olympics / Weightlifting / Featherweight (62 Kilograms) / Men". www.olympedia.org (ingilis). 2022-08-30. 2022-05-30 tarixində arxivləşdirilib. İstifadə tarixi: 30.08.2022.