Asim Bayramov
Asim Yusif oğlu Bayramov (11 mart 1952, Nərimanlı, Basarkeçər rayonu) — Azərbaycanlı polkovnik, Birinci Qarabağ Müharibəsi iştirakçısı.
| Asim Bayramov | |
|---|---|
| Şəxsi məlumatlar | |
| Doğum tarixi | 11 mart 1952 (72 yaş) |
| Doğum yeri | |
| Vətəndaşlığı | |
| Atası | Yusif Bayramov[d] |
| Təhsili | |
| Hərbi fəaliyyəti | |
| Döyüşlər | |
| Təltifləri |
           |
Həyatı redaktə
Asim Bayramov 11 mart 1952-ci ildə Basarkeçər rayonunun Nərimanlı kəndində müəllim ailəsində anadan olmuşdur. 1958-ci ildə Nərimanlı kənd orta məktəbinin birinci sinfinə daxil olmuş, 1968-ci idə həmin məktəbin onuncu sinfini bitirmişdir. 1968-ci ildə M. Əzizbəyov adına Azərbaycan Neft və Kimya İnstitutunun Energetika fakultəsinin əyani şöbəsinə daxil olmuş, 1973-cü ildə isə institutu mühəndis elektromexanik ixtisası üzrə bitirmişdir.[1]
SSRİ Silahlı Qüvvələrindən tərxis olunduqdan sonra 1975-ci ilin avqust ayından 1977-ci ilin 10 fevralına kimi Gəncə şəhərində elektrik quraşdırma idarəsində mühəndis işləmişdir.
Hərbi xidməti redaktə
1973-cü ilin 1 iyul tarixində Bakı şəhər Nərimanov rayonu hərbi komisarlığından ehtiyatda olan zabit kimi iki illik həqiqi hərbi xidmətə çağırılmış, hərbi xidmətini 21 avqust 1973-cü ildən 58818 saylı hərbi hissdə rabitə bölüyünün komandiri vəzifəsindən başlamışdır.
1974-cü ilin 10 oktyabr-20 dekabr tarixlərində hərbi hissənin məxfi rabitə aparatı tağımının redoreleyni-kabelni bölüyünün komandiri olmuş, 1974-cü ilin 20 dekabrından 1975-ci ilin 5 iyul ayına kimi 58818 saylı hərbi hissənin qərargah rəisinin səfərbərlik işi üzrə köməkçisi vəzifəsində hərbi xidmətini davam etdirmişdir.
5 iyun 1975-ci ildə xidmət müddəti başa çatdığına görə, Zaqafqaziya hərbi dairəsinin komandanlığının 25 may 1975-ci il tarixli 079 saylı əmri ilə baş leytenant hərbi rütbəsi verilməklə SSRİ Silahlı Qüvvələrindən tərxis olunmuşdur.
10 fevral 1977-ci ildə SSRİ Müdafiə Nazirinin 02 saylı 4 yanvar 1977-ci il tarixli əmri ilə yenidən hərbi xidmətə çağırılmış, 3 mart 1977-ci ildən Gəncə şəhər hərbi komisarlığında 1-ci şöbə rəisinin köməkşisi, 18 noyabr 1978-ci ildən 16 noyabr 1982-ci ilə kimi isə 2-ci şöbə rəisinin baş köməkçisi vəzifəsində xidmət etmişdir.
1979-cu ildə Bakı Ali Ümumqoşun Komandirlər Məktəbini bitirmişdir.
1982-ci ilin noyabr ayının 16-dan Mingəçevir şəhər hərbi komisarlığının 2-ci şöbəsinin rəisi vəzifəsinə təyin olunmuş, 1983-cü ildə Saratov şəhərində SSRİ Silahlı Qüvvələrinin səfərbərlik üzrə mərkəzi təkmilləşdirmə kursunu qurtarmışdır.
7 sentyabr 1987-ci ildən Mirgəçevir şəhər hərbi komissarlığının müavini (1-ci şöbə rəisi) vəzifəsinə təyin olunmuş, 1992-ci il 27 iyulunda Gəncə şəhər Kəpəz rayon hərbi komisarının müavini (qeydiyyat səfərbərlik şöbəsinin rəisi) təyin edilmişdir. Sonra xidmətini 888 saylı hərbi hissədə xüsusi təyinatlı taborda davam etdirmişdir. Daha sonra 703 saylı "N" saylı hərbi hissədə tabor komandiri vəzifəsində xidmət etmiş, Laçında, Qubadlıda, Ağdərədə gedən döyüşlərdə iştirak etmişdir.
1995-ci ilin mart ayının 25-dən Qazax şəhər qarnizonuna Hərbi Polis şöbəsinin rəisi, 1995-ci ilin iyulundan isə Şəmkir rayon Hərbi Komisarı təyin olunmuşdur.
2001-ci ildən Azərbaycan Respublikası Müdafiə Nazirliyində Səfərbərlik şöbəsinin rəisi vəzifəsində çalışmış, 2005-ci ildə isə təqaüdə çıxmışdır.
Təltifləri redaktə
— "SSRİ Silahlı Qüvvələrinin 60 illiyi" yubiley medalı
— "SSRİ Silahlı Qüvvələrinin 70 illiyi" yubiley medalı
— "Azərbaycan Respublikası Silahlı Qüvvələrinin 10 illiyi (1991-2001)" yubiley medalı
— "Azərbaycan Silahlı Qüvvələrinin 90 illiyi (1918-2008)" yubiley medalı
— "Azərbaycan Respublikası Silahlı Qüvvələrinin 95 illiyi (1918-2013)" yubiley medalı
— "Azərbaycan Ordusunun 100 illiyi (1918-2018)" yubiley medalı
— "Qüsursuz xidmətə görə" 3-cü dərəcəli medalı
— "Azərbaycan Silahlı Qüvvələri Veteranı" medalı
İstinadlar redaktə
- ↑ Gülsəfa Ayvazova. "Polkovnik ASİM BAYRAMOV (1952)" (az.). zim.az. 2021. 2021-10-25 tarixində arxivləşdirilib. İstifadə tarixi: 2022-04-29.