Aslan Aslanov (jurnalist)
Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
Aslanov Aslan Əhməd oğlu (18 avqust 1951, Cəbrayıl rayonu) – Azərbaycanın tanınmış jurnalisti, Azərbaycan Dövlət İnformasiya Agentliyinin – AZƏRTAC-ın İdarə Heyətinin keçmiş sədri. Azərbaycan Respublikasının Əməkdar Mədəniyyət İşçisi (2000), "Tərəqqi" medalı (2005), "Vətənə xidmətə görə" ordeni (2010), "Şöhrət" ordeni (2011), "TÜRKSOY-un 20 illiyi" yubiley medalı (2014), Həsən bəy Zərdabi, "Qızıl qələm", "Ali Media", "MDB-nin yubiley gümüş medalı" mükafatları laureatı.
| Aslan Aslanov | |
|---|---|
| Aslanov Aslan Əhməd oğlu | |
| Doğum tarixi | |
| Doğum yeri | Cəbrayıl rayonu, Azərbaycan SSR, SSRİ |
| Vətəndaşlığı |
 SSRİ → Azərbaycan |
| Milliyyəti | azərbaycanlı |
| Təhsili | |
| Fəaliyyəti | jurnalist |
| Mükafatları |
    |
Tərcümeyi-hal Redaktə
Aslan Aslanov 1951-ci il avqustun 18-də Cəbrayıl rayonunda anadan olub. 40 ildən artıqdır ki, mətbuatda çalışır.
1975-ci il — Azərbaycan Dövlət Universitetinin jurnalistika fakültəsini bitirib.
1975–1992-ci illər – respublikanın müxtəlif qəzetlərində, o cümlədən "Kommunist" qəzetində işləyib.
1992-ci il — AzərTAc-da müxbir kimi işə başlayıb, sonra baş redaktorun müavini və baş redaktor vəzifələrində çalışıb.
1997-ci il — Azərbaycan Respublikasının Prezidenti Heydər Əliyevin Sərəncamı ilə AzərTAc-ın baş direktorunun birinci müavini təyin edilib.
2002-ci ilin oktyabrı — Azərbaycan Respublikasının Prezidenti Heydər Əliyevin Fərmanı ilə AzərTAc-ın baş direktoru təyin olunub[1].
1993-cü ildən 2002-ci ilədək Azərbaycan Respublikasının Prezidenti Heydər Əliyevin xarici ölkələrə səfərlərinin tam əksəriyyətində AzərTAc-ın xüsusi müxbiri kimi iştirak edib.
1979-cu ildən Azərbaycan Jurnalistlər Birliyinin üzvüdür.
2007-ci il dekabrın 12-dən Asiya və Sakit Okean Ölkələri İnformasiya Agentlikləri Təşkilatının (OANA) büro üzvüdür[2].
2004-cü ildən Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının, 2006-cı ildən Dünya Azərbaycanlılarını Əlaqələndirmə Şurasının, 2010-cu ildən Rusiya Elmlər Akademiyası Rusiya Fəlsəfə Cəmiyyətinin üzvüdür.
2008-ci ildən Türkdilli Xəbər Agentlikləri Birliyinə sədrlik edir[3].
2011-ci il iyunundan 2013-cü ilin martınadək Qara dəniz İqtisadi Əməkdaşlıq Təşkilatının üzvü olan 14 ölkənin informasiya agentlikləri alyansının – BSANNAnın prezidenti olmuşdur.
2013-cü ilin sentyabrında OANA-nın vitse-prezidenti seçilib.
2013-cü ildə "Dünya Reytinqi" üzrə Beynəlxalq Ekspert Şurasının üzvü seçilib.
2013-cü ilin noyabrında Dünya Xəbər Agentlikləri Konqresi Şurasının üzvü seçilib.
2015-ci il martın 10-da Azərbaycan Respublikası Prezidentinin Sərəncamı ilə YUNESKO üzrə Azərbaycan Respublikası Milli Komissiyasının üzvü seçilib[4].
2016–2019-cu illər üçün Dünya Xəbər Agentlikləri Konqresi və Asiya və Sakit Okean Ölkələri İnformasiya Agentlikləri Təşkilatının (OANA) prezidenti olub.[5]
2017-ci ildə İslam Əməkdaşlıq Təşkilatına üzv ölkələrin İnformasiya Agentlikləri Birliyinin İcraiyyə Şurasının üzvü seçilib.[6]
2018-ci il martın 15-də Azərbaycan Respublikasının Prezidenti İlham Əliyevin Sərəncamı ilə Azərbaycan Dövlət İnformasiya Agentliyinin İdarə Heyətinin sədri vəzifəsinə təyin edilib[7]
2019-cu il noyabrın 8-də Asiya və Sakit Okean Ölkələri İnformasiya Agentlikləri Təşkilatının vitse-prezidenti seçilib.[8]
19 noyabr 2022-ci ildə Azərbaycan Respublikasının Prezidenti İlham Əliyevin Sərəncamı ilə Azərbaycan Dövlət İnformasiya Agentliyinin İdarə Heyətinin sədri vəzifəsindən azad edilib.[9]
Ailəlidir, bir oğlu var.
Mükafatları Redaktə
- "Əməkdar Mədəniyyət İşçisi" fəxri adı (2000).
- "Tərəqqi" medalı (2005).
- 3-cü dərəcəli "Vətənə xidmətə görə" ordeni (2010).
- Azərbaycanın ictimai-siyasi həyatında fəal iştirakına görə "Şöhrət" ordeni (2011)[10]
- Rusiya Federasiyasının "Dostluq" ordeni (2011)[11]
- Jurnalistika sahəsində Həsən bəy Zərdabi, "Qızıl qələm" və "Ali Media" mükafatları laureatı.
- MDB iştirakçısı olan dövlətlərin inteqrasiyasının inkişafına verdiyi töhfəyə görə "MDB-nin yubiley gümüş medalı" (2013)[12]
- "TÜRKSOY-un 20 illiyi" yubiley medalı (10 yanvar 2014)[13]
- "Azərbaycan Xalq Cümhuriyyətinin 100 illiyi (1918-2018)" yubiley medalı
- Xarici İşlər Nazirliyinin, Ədliyyə Nazirliyinin, Dövlət Təhlükəsizlik Xidmətinin, Dövlət Sərhəd Xidmətinin və Bakı Dövlət Universitetinin 100 illik yubiley medalları
- 1-ci dərəcəli "Vətənə xidmətə görə" ordeni (2021)[14]
Kitabları Redaktə
- "Heydər Əliyev və AzərTAc". Bakı, 2005.
- "AzərTAc-dan AzərTAc-a mürəkkəb və şərəfli yol". Bakı, "Şərq-Qərb", 2008, 184 səh.
- "AzərTAc-90". Bakı, 2011.
- "Müasir dünyanın informasiya şəbəkəsində AzərTAc-ın yeri: təşəkkül tarixi və inkişaf mərhələləri". Bakı: "Azərnəşr", 2012, 224 səh.
- Dövlət siyasətinin informasiya təminatı. Bakı, "Şərq-Qərb", 2013, 620 səh.
- İnformasiya yaradıcılığı: Standartlar və yeni yanaşmalar. Dərslik. Bakı, "Şərq-Qərb", 2016, 200 səh.
- Media və zamanın çağırışları. Bakı, 2017, 477 səh.
- Haber oluşturma: Standartlar və yeni yaklaşımlar. Ankara, Bengü Yayınları, 2020, 190 səh.
İstinadlar Redaktə
- ↑ A. Ə. ASLANOVUN AZƏRBAYCAN DÖVLƏT TELEQRAF AGENTLİYİNİN (AZƏRTAC-ın) BAŞ DİREKTORU TƏYİN EDİLMƏSİ HAQQINDA AZƏRBAYCAN RESPUBLİKASI PREZİDENTİNİN FƏRMANI
- ↑ "OANA Executive Board". 2019-04-02 tarixində arxivləşdirilib. İstifadə tarixi: 2019-01-10.
- ↑ TÜRKDİLLİ ÖLKƏLƏRİN XƏBƏR AGENTLİKLƏRİ BİRLİYİ BAŞ MƏCLİSİNİN BAKIDA KEÇİRİLƏN VII İCLASI QURUMA YENİ ÜZVLƏRİN QƏBUL EDİLMƏSİ İLƏ BAŞA ÇATMIŞDIR
- ↑ ""YUNESKO üzrə Azərbaycan Respublikasının Milli Komissiyası ilə bağlı əlavə tədbirlər haqqında" Azərbaycan Respublikası Prezidentinin 2005-ci il 15 sentyabr tarixli 1006 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı". 2016-03-04 tarixində arxivləşdirilib. İstifadə tarixi: 2015-03-13.
- ↑ "AZƏRTAC noyabrın 17-dən Dünya Xəbər Agentlikləri Konqresinə sədrliyə başlayıb". 2017-03-25 tarixində arxivləşdirilib. İstifadə tarixi: 2016-12-10.
- ↑ "AZƏRTAC İƏT-ə üzv dövlətlərin Xəbər Agentlikləri Birliyi İcraiyyə Şurasının üzvü seçilib". 2018-04-04 tarixində arxivləşdirilib. İstifadə tarixi: 2019-12-14.
- ↑ "A.Ə.Aslanovun Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri vəzifəsinə təyin edilməsi haqqında". 2022-02-08 tarixində arxivləşdirilib. İstifadə tarixi: 2018-05-07.
- ↑ Asiya və Sakit Okean Ölkələrinin Xəbər Agentlikləri Təşkilatında sədrlik Yonhap agentliyinə keçib
- ↑ A. Ə. Aslanovun Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri vəzifəsindən azad edilməsi haqqında Azərbaycan Respublikası Prezidentinin Sərəncamı
- ↑ A. Ə. Aslanovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı
- ↑ "О награждении Орденом Дружбы Генерального директора "АзерТадж" А.А.Асланова". 2014-08-07 tarixində orijinalından arxivləşdirilib. İstifadə tarixi: 2013-10-07.
- ↑ "Генеральный директор АзерТАдж Аслан Асланов удостоен юбилейной "Серебряной медали СНГ"". 2019-01-10 tarixində arxivləşdirilib. İstifadə tarixi: 2019-01-10.
- ↑ Azərbaycanın tanınmış mədəniyyət, incəsənət və mətbuat xadimlərinə "TÜRKSOY-un 20 illiyi" yubiley medalı təqdim edilmişdir
- ↑ "A.Ə.Aslanovun 1-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı". 2021-10-23 tarixində arxivləşdirilib. İstifadə tarixi: 2021-08-28.