Aslanbek Abdulhacıyev
Aslanbek Abdulhacıyev (12 aprel 1962, Germençuk[d], Çeçen-İnquş MSSR – 26 avqust 2002, Şali, Çeçenistan) — İçkeriyanın hərbi lideri, Çeçen İçkeriya Respublikasının silahlı qüvvələrinin briqada generalı. Budyonnovskdakı basqının təşəbbüskarlarından və liderlərindən biri. Çeçen müqavimətinin ilk on liderindən biri, gürcü-abxaz və hər iki Çeçenistan müharibəsinin iştirakçısı.
| Aslanbek Abdulhacıyev | |
|---|---|
| Doğum tarixi | 12 aprel 1962 |
| Doğum yeri |
|
| Vəfat tarixi | 26 avqust 2002 (40 yaşında) |
| Vəfat yeri | |
Bioqrafiyası redaktə
Aslanbek Abdulhacıyev Çeçen-İnquş MSSR Şali rayonunun Qermençuk kəndində Böyük Vətən müharibəsi iştirakçısı Saypi Abdulhacıyevin ailəsində anadan olmuşdur. Aslanbek orta məktəbi bitirərək sovet ordusunda xidmət edir. Ordudan tərxis olunduqdan sonra müxtəlif işlərdə çalışır. 1991-ci ildə Çeçen inqilabında, 1992-ci ildə Qafqaz Dağlı Xalqları Konfederasiyasının qüvvələrinin tərkibində Abxaziyadakı silahlı münaqişədə iştirak etmişdir[1]. O, həmdə Çeçen İçkeriya Respublikasının "Briqada generalı" titulunu daşıyırdı[2][3][4]. 1994-cü ilin noyabr ayından Dudayev tərəfindən silahlı qarşıdurma zamanı təyin edilmiş Şali və Vedeno rayonunun komendantı, Çeçen İçkeriya Respublikası Silahlı Qüvvələrinin səhra komandiri və Şamil Basayevin nümayəndəsi olur. 1995-ci ildə Budyonnovskdakı terror aktında iştirak etmişdir. Bəzi məlumatlara görə, o, Raduyevin Kizlyara basqınında da iştirak edir. 1996-cı ilin avqustunda Aslambek Abdulhaciyev Qroznıya hücum edən dəstəyə komandanlıq etmiş və Çeçenistan paytaxtı yaraqlıların nəzarətinə keçdikdən sonra şəhərin komendantı təyin edilmişdir. O, İçkeriya parlamentinə seçildikdən sonra hətta onun spikeri olmaq istəmiş, lakin bu yeri Aslan Masxadovun dəstəklədiyi Ruslan Əlihacıyev tutmuşdur. Bir il parlamentin deputat olmuşdur.
1997-ci ilin aprelindən Çeçenkontrakt konserninin baş direktoru olur.
1999-2000-ci illərdə onun tabeliyində olan 60-80 nəfərlik bir dəstə Urus-Martan və Şali rayonunun qərbində yerləşdirilir. Qafqaz mücahidlərinin birləşmiş qüvvələrinin Ali Hərbi Məclisi Şurası adlı terror təşkilatının üzvü olmuşdur. 1999-2000-ci illərdə öz dəstəsi ilə Qroznı uğrunda döyüşdə iştirak edir.
Ölümü redaktə
2002-ci ilin avqustunda Şali sakinləri Çeçenistan Daxili İşlər İdarəsinə məlumat verir ki, yaxın zamanda dəstələrin rəhbərləri kəndə toplanacaqlar. Yaraqlılarla əlaqədə olanbütün evlərin sahibləri dərhal nəzarətə götürülür. 2002-ci ilin avqustun 26-na keçən gecə Kamuflyaj geyinmiş bir neçə nəfər Şali şəhərinin kənarındakı Zareçnaya küçəsindəki 7 nömrəli evə gəlir. Polis gecəni riskə atmayıb, əməliyyatı səhərə qədər təxirə salır. Silahlı dəstələrin bir qismi gecə vaxtı çıxıb gedir. Səhər saatlarında ordunun xüsusi təyinatlıları və Çeçenistan Daxili İşlər İdarəsinin zabitləri Zareçnayadakı evi mühasirəyə alır. İnsanları sakitcə yaxınlıqdakı evlərdən çıxarırlar. Polislərdən biri rus və çeçen dillərində meqafon vasitəsilə evi tərk etməyi və silahlarını təhvil verməyi təklif edir. Buna cavab olaraq Abdulhaciyev “Steçkin” tapançasından atəş açır. Atışma baş verir və tezliklə evdə atışma səsləri kəsilir. Bir neçə dəqiqə gözlədikdən sonra komandolar həyətə girərək qapı və pəncərələrdə mövqe tuturlar. Hücuma hazırlaşaraq pəncərələrə tüstü bombaları atılır. Komandolar qapını açıb pəncərələrdən içəri girəndə Abdulhacıyev onlara qumbara atır. Lakin pəncərənin qırağına dəyən qumbara geri sıçrayaraq onun ayağının altında partlayır. Aslanbek Abdulhacıyev bununlada ölür. Toplantı keçirilən evin sahibi isə saxlanılır[5].
İstinadlar redaktə
- ↑ Абдулхаджиев, Асламбек Сайпиевич Arxivləşdirilib 2011-10-31 at the Wayback Machine / Сост. О. П. Орлов и А .В. Черкасов. — М.: Мемориал (организация):Права человека, 2010. — С. 400. ISBN 978-5-7712-0420-8
- ↑ "В Чечне уничтожен так называемый «бригадный генерал» Асланбек Абдулхаджиев. Новости. Первый канал" (rus). 2021-02-25 tarixində arxivləşdirilib. İstifadə tarixi: 2020-12-21.
- ↑ "В Чечне убит соратник Басаева - "Большой Асламбек"". lenta.ru. 2021-10-25 tarixində arxivləşdirilib. İstifadə tarixi: 2020-12-21.
- ↑ "Секретарь Совета Безопасности Чечни Рудник Дудаев подтвердил факт уничтожения в Чечне полевого командира Асланбека Абдулхаджиева". РИА Новости (rus). 20020826T1347. 2021-10-25 tarixində arxivləşdirilib. İstifadə tarixi: 2020-12-24.
- ↑ В Шали уничтожен так называемый «бригадный генерал» Асламбек Абдулхаджиев Arxivləşdirilib 2014-11-29 at the Wayback Machine // Первый канал, 22.08.2002