Astan Şahverdiyev
Astan Şahverdiyev (15 fevral 1947, Qaryagin – 15 aprel 2018, Çiləgir, Qusar rayonu) — Texnika elmləri doktoru, professor. Azərbaycan Respublikası Milli Məclisinin III,[1] IV və V çağırış deputatı.
| Astan Şahverdiyev | |
|---|---|
| Şahverdiyev Astan Nüşrəvan oğlu | |
 | |
| Doğum tarixi | 15 fevral 1947 |
| Doğum yeri | |
| Vəfat tarixi | 15 aprel 2018 (71 yaşında) |
| Vəfat yeri | |
| Dəfn yeri | |
| Təhsili | |
| Fəaliyyəti | siyasətçi |
| Elmi dərəcəsi | |
| Partiyası | |
Həyatı
redaktəŞahverdiyev Astan Nüşrəvan oğlu 15 fevral 1947-ci ildə Füzuli şəhərində anadan olmuşdur.[2]
1964-cü ildə Cəbrayıl rayonunun Böyük Mərcanlı kənd orta məktəbini bitirmiş və həmin ildə də Azərbaycan Neft və Kimya İnstitutuna qəbul olmuş, 1970-ci ildə institutu bitirmişdir.[3]
1972–1974-cü illərdə hərbi xidmətdə olmuşdur.[3]
1978-ci ildə Azərbaycan Texniki Universitetinin aspiranturasına daxil olmuş və 1981-ci ildə İstilik fizikası üzrə namizədlik dissertasiyası müdafiə etmişdir.
1982-ci ildə müsabiqə yolu ilə Azərbaycan Texniki Universitetinin "İstilik texnikası və istilik qurğuları" kafedrasına assistent vəzifəsinə seçilmişdir.[3]
Şahverdiyev elmi fəaliyyətimi davam etdirərək 1992-ci ildə Moskva Energetika İnstitutunda doktorluq dissertasiyası müdafiə edib, texnika elmləri doktoru alimlik dərəcəsi və 1994-cü ildə professor elmi adı alıb.[3] 1995-ci ildə Nyu-York Elmlər Akademiyasının həqiqi üzvü seçilmişdir.[3]
2001-ci ildə Azərbaycan Texniki Universitetinin "İstilik və soyuqluq texnikası" kafedrasının müdiri vəzifəsinə seçilmişdir.[3]
Dünyanın aparıcı jurnallarında ingilis, türk və rus dillərində çap olunmuş 300-dən çox elmi əsərin, o cümlədən Moskva və Londonda çap olunmuş 5 monoqrafiyanın, 2 ixtiranın, 10 dərslik və dərs vəsaitinin müəllifidir. Elmi rəhbərli altında 9 namizədlik və 3 doktorluq dissertasiyası müdafiə olunub.[3]
1998-ci ildən 2003-cü ilə kimi Birləşmiş Millətlər Təşkilatının Ətraf Mühit və İnkişaf Proqramının Azərbaycan ofisində koordinator vəzifəsində işləmişdir.[3] 2004-cü ildən UNESCО-nun EURONETRES bərpa olunan enerji resursları üzrə işçi qrupun və idarəedici Komitənin üzvü olmuşdur.[3] Avropa ölkələri universitetləri üçün nəzərdə tutulan "Günəş enerjisi" dərsliyinin müəlliflərindən biridir.[3]
ABŞ, Kanada, Hindistan, Misir, İsveçrə, Almaniya, İngiltərə, İtaliya, Şotlandiya, Portuqaliya, Çin, Rusiya, Türkiyə, Slovakiya, Yunanıstan, Özbəkistan, Belarus, Ukrayna, Fransa və s. ölkələrdə keçirilən Beynəlxalq konfrans, simpozium və assambleyalarda məruzələrlə çıxış etmişdir.[3]
Azərbaycan Texniki Universitetinin nəzdində fəaliyyət göstərən Doktorluq Müdafiə Şurasının sədr müavini və bir neçə il Azərbaycan Respublikası Prezidenti yanında Ali Attestasiya Komissiyasının Ekspert Şurasının üzvü olmuşdur.[3]
İngilis və rus dillərini bilirdi.[3]
2003-cü ildən Yeni Azərbaycan Partiyasının üzvü idi.[3]
2005-ci ildə Milli Məclisə seçkilərdə iştirak edib və 120 saylı Cəbrayıl-Qubadlı seçki dairəsindən deputat seçilib.[3] Daha sonra 2010 və 2015-ci il seçkilərində də eyni dairədən parlamentə seçilmişdir.[3]
2018-ci ildə aprelin 15-də Qusarın Çiləgir kəndində ürək tutmasından vəfat edtmişdir[4]. Bakıda "Qurd qapısı" qəbiristanlığında dəfn edilib.[5]
Mükafatları
redaktəElm sahəsində Z. Tağıyev adına mükafatın laureatıdır.
Ailəsi
redaktəEvli idi. 2 övladı var.
İstinadlar
redaktə- ↑ Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az Arxivləşdirilib 2017-08-09 at the Wayback Machine (az.)
- ↑ "Şahverdiyev Astan Nuşrəvan oğlu". 2021-06-09 tarixində arxivləşdirilib. İstifadə tarixi: 2013-02-11.
- ↑ 1 2 3 4 5 6 7 8 9 10 11 12 13 14 15 16 Dünyasını dəyişən deputat Astan Şahverdiyev kimdir? (DOSYE) Arxivləşdirilib 2021-11-06 at the Wayback Machine. qaynarinfo.az, 15.04.2018 (az.)
- ↑ "Milli Məclisin deputatı qəfil vəfat edib". 2018-04-17 tarixində orijinalından arxivləşdirilib. İstifadə tarixi: 2018-04-15.
- ↑ Deputat Astan Şahverdiyev dəfn edildi Arxivləşdirilib 2021-11-04 at the Wayback Machine. qaynarinfo.az, 15.04.2018 (az.)
Şəxs və ya bioqrafiya haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin. |