Ata (film, 1988)

Ata qısametrajlı sənədli filmi rejissor Ayaz Salayev tərəfindən 1988-ci ildə çəkilmişdir. Film "Debüt" Yaradıcılıq Birliyində istehsal edilmişdir. Filmdə görkəmli maarifçi və xeyriyyəçi, Bakı milyonçusu, kapitalist Hacı Zeynalabdin Tağıyevin qızı Sara xanımın acınacaqlı taleyi fonunda keçmişimizə nəzər salınır, ədalətin qələbəsinə, haqqın zəfər çalacağına inam motivləri əks etdirilir.

Ata
Janr	sənədli qısametrajlı bioqrafik
Rejissor	Ayaz Salayev
Ssenari müəllifi	Ayaz Salayev
Operator	Yuri Varnovski
İstehsalçı	"Debüt" Yaradıcılıq Birliyi
İlk baxış tarixi	1988
Filmin növü	qısametrajlı sənədli film
Müddət	49 dəq.
Ölkələr	Azərbaycan SSR
Dil	rusca
İl	1988
Texniki məlumatlar	5 hissə 1380 metr
Rəng	rəngli

Məzmun

Publisistik araşdırmalar üzərində qurulmuş film bədii və sənədli kinonun sintezindən ibarət olan, bu günümüzlə səsləşən ekran əsəridir. Filmdə görkəmli maarifçi və xeyriyyəçi, Bakı milyonçusu, kapitalist Hacı Zeynalabdin Tağıyevin qızı Sara xanımın acınacaqlı taleyi fonunda keçmişimizə nəzər salınır, ədalətin qələbəsinə, haqqın zəfər çalacağına inam motivləri əks etdirilir.

Kinolentdə atasının maarifçilik fəaliyyəti ilə bağlı söhbətlər qızının xatirələri əsasında qurulmuşdur.

Festival və mükafatlar

• 1991-ci ildə Bakıda Azərbaycan filmlərinin I festival-müsabiqəsində film ən yaxşı debütə görə mükafat və prizə layiq görülmüşdür.
• 1992-ci ildə film kinorejissor Arif Babayev adına Respublika "Bilik" Maarifçilik Cəmiyyətinin Diplomuna layiq görülmüşdür.

Filmin üzərində işləyənlər

Ssenari müəllifi: Ayaz Salayev
Rejissor: Ayaz Salayev
Operator: Yuri Varnovski

Mənbə

Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 320–321.

Həmçinin bax

Azərbaycan filmlərinin siyahısı
1988-ci ilin Azərbaycan filmləri
1980-ci illər Azərbaycan filmlərinin siyahısı