Avropa adası

Avropa adası (fr. Europa) — Hind okeanında yerləşən yaşayışı olmayan ada. Ada Mozambik boğazında, Afrika ilə Madaqaskar adası arasında yerləşir.

Avropa adası
fr. Europa
Ümumi məlumatlar
Sahəsi	28 km²
Uzunluğu	7 km
Eni	6 km
Hündür nöqtəsi	7 m
Əhalisi	0 nəfər (2012-ci il)
Yerləşməsi
22°20′44″ c. e. 40°21′57″ ş. u.
Ölkə	Fransa
Vilayət	Fransanın Cənub və Antarktika əraziləri
Akvatoriya	Hind okeanı
Avropa adası
Vikianbarda əlaqəli mediafayllar

Ada Fransanın mülkiyyəti olaraq Fransa Dənizaşırı Bölgələr Birliyinin bir parçası olan Fransanın Cənub və Antarktika əraziləri bölgəsinin Eparse adaları zonasına daxildir. Adaya Madaqaskar iddia edir.

Coğrafiya

adaya təyyarədən baxış

Adanın sahəsi 28 km², sahil xəttinin uzunluğu 22,2 km-dir. Koordimnatı 22° 20′ c. e., 40° 22′ ş. u. Ada sahilində buxta və liman yoxdur. Ada ətrafında mərcan çimərlikləri və sahil mərcanları vardır. Mərcanlarla ada arasında olan bölgədə laqun yerləşir. Bu laqunun sahəsi 9 km²-dir. Laqu və unun ətrafı manqrov bitkiləri ilə örtülüdür. Manqrovlardan əlavə burada quru meşələri, kolluqlar, südləyən brelə vardır. Az miqdarda olsa belə Kokos palması bitir.

Ada təbiət qoruğudur. Dəniz quşlarından susüpürənlər və oluşalar adada yuva qurur. Avropa adası Yaşıl tısbağaların mühüm töerəmə ərazilərindən sayılır. Onlar burada yumurta qoyurlar. Adada yüzlərlə Afrika keçisi vardır ki, onlarda adaya XVIII yüz illikdə gətirilmişdir.

Bassas da İndiya adaları ilə birlikdə iqtisadi zonanın ərazisi 127 300 km²-dir.

Tarixi

Ada onu 1774-cü ildə ziyarət etmiş "Avropa" adlı ingilis gəmisinin şərəfinə adlandırılmışdır. Ada 1897-ci ildən Fransaya məxsusdur. Bununla belə Madaqaskar adaya iddia edir. Onların fikrinə görə ada fransızlar tərəfindən qəsdən Madaqaskar müstəmləkəsinin tərkibindən inzibati şəkildə ayrılmışdır. Adanın 1860-cı və 1920-ci illərdə uğursuz məskunlaşdırılmasının acı nəticələrini bu gündə görmək olar.

İqtisadiyyat

Adada yaşayış yoxdur. Adanı əsasən alimlər ziyarət edir. Burada avtomatik fəaliyyətdə olan stansiyalar vardır. burada 1000 metr uzunluğu olan torpaq uçuş-eniş zolağı vardır. Sahillərində gəmilərin yan alması üçün buxtalar yoxdur. Adada Reyunyondan olan kiçik fransız qarnizonu vardır.

Qalereya

• 
• 
• 
•