Axlyostışev adası

Axlyostışev adası — Yapon dənizində Ruskiy adasından şərqdə yerləşən kiçik ada. Şimaldan və şərqdən Ussuri körfəzinin, cənubdan isə dayaz Axlyostışev buxtasının suları ilə yuyulur. Ada M. A. Axlyostışevin şərəfinə adlandırılmışdır. 1895–1912-ci illərdə ada Luçenko adını daşıyırdı. İnzibati baxımdan Rusiya Ferederasiyası Primorsk diyarı, Vladivostok şəhəri Fruzenski rayonu ərazisinə daxildir.

Axlyostışev adası
rus. Остров Ахлёстышева
Ümumi məlumatlar
Sahəsi	0,042 km²
Hündür nöqtəsi	1,7 m
Əhalisi	0 nəfər (2015-ci il)
Yerləşməsi
43°00′07″ şm. e. 131°55′52″ ş. u.
Ölkə	Rusiya
Vilayət	Primorsk diyarı
Akvatoriya	Sakit okean Yapon dənizi
Axlyostışev adası

Təbiəti

Ruskiy adası ilə Axlyostışev adasının qərbi arasında məsafə 70 metr təşkil edir. Qababarma və çəkilmə zamanı burada yaranan axınlar və dayazlıq səbəbindən boğazı keçmək olmur. İkinci boğaz isə adanın cənub-şərq hissəsi ilə Ruskiy adasında yerləşən Axlyostışevski burnu qərarlaşır. Onun eni 170 metr təşkil edir. Bu boğazın dərinliyi 1 metrdir. Dibinin suxuru isə qumdan ibarətdir. Adətən turistlər adaya getməkdən ötrü bu boğazdan istifadə edirlər.

Ada planlna nəzər salsaq ovalvarı formaya malikdir. Qərbdən şərqə döğru 320 metr məsafədə uzanır. Axlyostışev adasının maksimal eni 170 metrdir. Ada olduqca alçaq və hamardır. Adanınmaksimal hündürlüyü 2 metrə çatmır. O isə adanın şimal-şərqində yerləşir. Adada hündürlük cənub-qərbə doğru azalır. Sahilləri düz olsada ancaq cənub-qərbində kiçik yarımada vardır. Bu yarımada sayəsində kiçik buxta əmələ gəlir. Shil xəttinin uzunluğu 880 metrdir. Şimal və şərq sahillərində daşlı çimərliklər vardır. Çimərliyin eni 6 metrə çatır. Cənub və qərb hissədə çimərlik 1,5–2,5 m enə sahibdir və gildən ibarətdir. Kiçik buxta olan hissədə qumlu çimərlik vardır.

Ada küləklərdən qorunur. İlin isti dönəmində külək, şaxta və duman bölgə üçün adi haldır. Açıq dənizdən gələn dalğalardan ada daşlı riflə qorunur. Qış dönəmində isə Ussuri körfəzi dreyf edən buzlarla dolu olur. Adada şirin su mənbəyi yoxdur.

Ada səthinin demək olar ki hamıısı sərt kollarla örtülmüşdür. Adanın cənub-qərb rayonu ərazisində antropogen mənşəli 5 turist düşərgə vardır. Onlar çəmənlərlə örtülmüşdür. Onların ümumi sahəsi 450 m²-dir və ilbəil sahə artır.

Heyvanlardan adada ancaq qağayıları görmək olar Bəzə onlar koloniya şəklində adanın şərq və ya şimal sahillərində görünürlər.

Əhali

1941-ci ildə Vladivostokun sahil xəttinin mühafizəsi məqsədi ilə 249 saylı DOT qurulmuşdur. O adanın şimal-şərqində yerləşir. Hazırda isə o tərk edilmişdir.

2012-ci ildə Ruskiy adasında körpü işə salınmadan əvvəl Axlyostışev adası nadir hallarda insanlar tərəfindən ziyarət edildi. Buna səbəb Vladivostokdan gələn bərə və aşağı sərnişin gəmilərinin bəndlərdən uzaq durması ilə bağlı idi. Körpü və yolun tikintisindən sonra vəziyyəti dramatik şəkildə dəyişib. Yol əslində Ruskiy adasının Axlyostışevski burnu yaxınlığında bitirdi. Nəticədə ada insanlar tərəfindən mənimsənildi, landşaftda olan antropogen yük çox qısa müddətdə iki əmsala artdı.