Aydın Süleymanlı (d. 22 mart 2005, Bakı, Azərbaycan) — azərbaycanlı şahmatçı, beynəlxalq usta (2019). Yeniyetmələr arasında dünya və ikiqat Avropa çempionu. "Aeroflot open 2020" turnirinin qalibi.

Chess tile kl-whitebg.svg
Aydın Süleymanlı
Aydin Suleymanli (Aeroflot Open 2020) (crop).jpg
Ölkə Azərbaycan Azərbaycan
Doğum tarixi (15 yaş)
Doğum yeri Bakı, Azərbaycan
Titulu Beynəlxalq usta (2019)
Son reytinqi 2474 (fevral 2020)
Maksimal reytinqi 2474 (fevral 2020)
FİDE nömrəsi 13413937

Uşaqlığı və şahmata başlamasıRedaktə

Aydın Elşən oğlu Süleymanlı 2005-ci il martın 22-də Bakıda anadan olub.[1] 6 yaşında 249 nömrəli tam orta məktəbin birinci sinfinə gedib. 5 yaşından şahmatla məşğul olmağa başlayıb. İlk vaxtlar evlərinin yaxınlığındakı Xətai Rayon Mədəniyyət Mərkəzində şahmat məşğələlərinə qatılıb. Sonra valideynlərinin arzusu ilə Aydın Respublika İxtisaslaşdırılmış Olimpiya Ehtiyatları Uşaq-Gənclər Şahmat Məktəbində Xalid Atababayevdən şahmatın sirlərini dərindən öyrənməyə başlayıb.[1]

Şahmat karyerasıRedaktə

Aydın 6 yaşından başlayaraq beynəlxalq yarışlara qatılıb.[1] O, müxtəlif yaş kateqoriyalarında Azərbaycanı uşaq və yeniyetmələr arasında şahmat üzrə dünya və Avropa çempionatlarında təmsil etmişdir. 2013-cü ildə Monteneqronun Budva şəhərində keçirilmiş qitə birinciliyində 8 yaşlı şahmatçılar arasında birinci olub.[1] Həmin ilin dekabrında Birləşmiş Ərəb Əmirliklərinin Əl-Əyn şəhərində keçirilmiş şahmat üzrə dünya çempionatında eyni yaş kateqoriyasında üçüncü yeri tutub.[1]

2014-cü ilin noyabrında şahmatın blits və rapid növü üzrə keçirilmiş Avropa çempionatında bütün rəqiblərini üstələyərək həm blits, həm də rapiddə 10 yaşlı oğlanlar arasında birinci olub.[2]

2017-ci ildə Rumıniyanın Mamaya şəhərində təşkil olunmuş Avropa Çempionatında 9 oyundan 7 xal yarım yığmaqla 12 yaşlı oğlanlar arasında Avropa çempionu adını qazanıb.[3]

2019-cu ildə Hindistanın Mumbay şəhərində keçirilmiş dünya çempionatında 11 oyundan 9 xal yığmaqla 14 yaşlı oğlanlar arasında dünya çempionu olub.[4]

2019-cu ilin noyabr ayında Azərbaycanın gənclərdən ibarət şahmat üzrə yığma komandasının heyətində Türkiyənın Çorum şəhərində keçirilmiş 16 yaşadək şahmatçılar arasında Dünya Şahmat Olimpiadasının qalibi olub.[5]

27 fevral 2020-ci ildə Moskvada "Aeroflot open" beynəlxalq şahmat festivalının A turnirində 9 turdan 6,5 xal toplayaraq festivalın qalibi olub.[6]

İstinadlarRedaktə

  1. 1 2 3 4 5 "Sürətli şahmat üzrə 10 yaşlılar arasında Avropa çempionu". Anl.az. 19 oktyabr 2018 tarixində arxivləşdirilib. (#parameter_ignored)
  2. Yeniyetmələrimiz blits və rapid üzrə Avropa çempionatında 7 medal qazandılar // Dsport.az
  3. European Youth Chess Championship 2017 Open U12 // Chess-results.com
  4. Yeniyetmə şahmatçımız Aydın Süleymanlı dünya çempionu adını qazanıb // Azertag.az
  5. "Azərbaycan Dünya Şahmat Olimpiadasının qalibi oldu". Trend.az. 18 noyabr 2019 tarixində arxivləşdirilib.
  6. Gənc azərbaycanlı şahmatçı “Aeroflot open” festivalının qalibi olub // Azertag.az

Xarici keçidlərRedaktə

Vikianbarda Aydın Süleymanlı ilə əlaqəli mediafayllar var.