Vikipediya

Aygün Həsənova (Diridağlı)

(Aygün Diridağlı səhifəsindən yönləndirilmişdir)

Aygün Diridağlı (tam adı: Həsənova Aygün Vəzir qızı; 30 yanvar 1974, Cəbrayıl rayonu) — jurnalist, ssenari müəllifi, Azərbaycan Respublikasının Əməkdar jurnalisti (2015).[1]

Aygün Həsənova (Diridağlı)
Aygün Vəzir qızı Həsənova
Doğum tarixi (50 yaş)
Doğum yeri Cəbrayıl, Azərbaycan SSR, SSRİ
Milliyyəti azərbaycanlı
Vətəndaşlığı SSRİ SSRİ→
Azərbaycan Azərbaycan
Fəaliyyəti ssenarist
Mükafatları "Azərbaycan Respublikasının əməkdar jurnalisti" fəxri adı

Həyatı

redaktə

Aygün Həsənova 1974-cü il yanvarın 30-da Cəbrayıl rayonunda anadan olub. 1991-ci ildə orta məktəbi gümüş medalla başa vurub. 1996-cı ildə Bakı Dövlət Universitetinin jurnalistika fakültəsini bitirib. 1996-cı ildə Azərbaycan Dövlət Teleradio Verilişləri Şirkətinin (AzTV) radiosunda jurnalist kimi fəaliyyətə başlayıb. 1996-2010-ci illərdə Azərbaycan radiosunda müxbir, veriliş müəllifi, redaktor vəzifələrində çalışıb. Aygün Diridağlı müəllif adı ilə dövrü mətbuatda, onlayn mediada çox sayda məqalələri dərc edilib. Yerli televiziyalarda filmlərin tərcüməçisi olub. 2013-cü ildə başladılan "Gəzdim Azərbaycanı" videolayihəsinin müəlliflərindən biridir. Çox sayda videoreportajların müəllifidir.

"Azərbaycantelefilm" yaradıcılıq birliyində ssenarist kimi fəaliyyət göstərib. Bir neçə sənədli filmin ssenari müəllifidir: "İşıq həsrəti", "Ömür urası", "Mömünə Xatun türbəsi", "Əbilov teatrı", "AZƏRTAC xəbər verir..." (ssenari müəllifi və rejissor) və s.

2010-2012-ci illərdə Azərbaycan Dövlət İnformasiya Agentliyində (AZƏRTAC) müxbir, 2012-ci ildən AZƏRTAC-ın videoxəbər xidmətinin rəhbəri, 2018-2020-ci illərdə Multimedia və informasiya resursları baş redaksiyasının baş redaktorunun müavini/videoxəbər xidmətinin rəhbəri olub.

2021-ci il aprelindən 2023-cü ilin yanvarınadək "Azad Azərbaycan" teleradio şirkətində Rəqəmsal media şöbəsinin müdiri işləyib.

2023-cü ilin fevralından Azərbaycan Dövlət İnformasiya Agentliyində (AZƏRTAC) Videoinformasiya baş redaksiyasının baş redaktorudur.

Azercell şirkətinin bir sıra reklam çarxlarının mətnlərinin müəllifi olub[2].

Qazaxıstanın "Kazakh TV" telekanalı ilə birgə Azərbaycanla bağlı həyata keçirilən layihələrin müəllifidir[3].

Ailəlidir, iki övladı var.

Filmoqrafiya

redaktə
  1. Sara Qədimova (film, 2003) (ssenari müəllifi)[4]
  2. Ağ adam (Albinos) (film, 2004) (ssenari müəllifi)[5]
  3. Əkrəm Əylisli. İşıq həsrəti (film, 2003)
  4. Ömür urası (film, 2007)
  5. Mömünə Xatun türbəsi
  6. Əbilov klubu (film, 2004) (ssenari müəllifi)[6]
  7. AZƏRTAC xəbər verir... (film, 2015)[7]

İstinadlar

redaktə
  1. ↑ "Azərbaycan Dövlət İnformasiya Agentliyinin (AzərTAc-ın) əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". 2021-04-13 tarixində arxivləşdirilib. İstifadə tarixi: 2020-07-09.
  2. ↑ "Azercell Rebranding commercial". 2021-11-10 tarixində arxivləşdirilib. İstifadə tarixi: 2021-10-14.
  3. ↑ "Colours of Asia". 2023-06-28 tarixində arxivləşdirilib. İstifadə tarixi: 2021-10-14.
  4. ↑ "Sara Qədimova (film, 2003) — izlə (youtube.com)". 2020-08-14 tarixində arxivləşdirilib. İstifadə tarixi: 2020-07-09.
  5. ↑ "Ağ adam (Albinos) (film, 2004) — izlə (youtube.com)". 2020-07-14 tarixində arxivləşdirilib. İstifadə tarixi: 2020-07-09.
  6. ↑ "Əbilov klubu (film, 2004) — izlə (youtube.com)". 2023-06-28 tarixində arxivləşdirilib. İstifadə tarixi: 2020-07-09.
  7. ↑ "AZƏRTAC xəbər verir... (film, 2015) — izlə (youtube.com)". 2020-09-05 tarixində arxivləşdirilib. İstifadə tarixi: 2020-07-09.

Xarici keçidlər

redaktə
Mənbə — "https://az.wikipedia.org/w/index.php?title=Aygün_Həsənova_(Diridağlı)&oldid=7415483"