AygünlüAzərbaycan Respublikasının Şabran rayonunun inzibati ərazi vahidində kənd. Aygünlu Şabran rayonunun Gəndob inzibati ərazi vahidində kənd. Baş Qafqaz silsiləsinin ətəyindədir. Etnotoponimdir. XIX əsrdə Aygunlu Kəngərli adı ilə qeydə alınmışdır. Həmin əsrin ortalarında Aygunlu, Burbur (Borbor), Kəngərli, Molla Kamallı, Obey Məhəmməd Hacıbəbir və Ağamirzə obası adlı kicik məntəqələr birləşərək Aygunlu Kəngərli, Burbur Molla Kamallı və Burbur adlı 3 böyük kənd icması əmələ gətirmışdir. Sonralar oykonimin tərkibindəki "kəngərli" komponenti düşmüşdür[1].

AYGÜNLÜ
41°17′41″ şm. e. 48°51′24″ ş. u.
Ölkə Azərbaycan Azərbaycan
Rayon Şabran rayonu
Tarixi və coğrafiyası
Sahəsi
  • 7,04 km²
Mərkəzin hündürlüyü 76 m
Saat qurşağı
Xəritəni göstər/gizlə
AYGÜNLÜ xəritədə
AYGÜNLÜ
AYGÜNLÜ

TarixiRedaktə

Arxoloji qazıntılar zamanı indiki yaşayış yerlərindən 0.5 km cənub-qərbdə kənd ərazisində Çaqqallıqtəpə deyilən ərazidə ilk tunc dövrünə (e.ə. 3-cü minillik) yaşayış yeri aşkar olunmuşdur.[2] Yaşayış yeri ilk tunc dövrünün əkinçi tayfalarının mədəniyyəti üçün səciyyəvidir[3]. Aygünlü kəndi ərazisində mövcud olmuş üç kənddən (Aygünlü, Mollakamallı və Gönçü) yalnız Aygünlü kəndi mövcuddur. Səbəbi isə 20 əsrin 70-80-cı illərində Sovet hakimiyyəti məqsədli şəkildə (adına görə) Mollakamallı kəndinin ləğv etmiş, ərazisi isə Aygünlü kəndinə birləşdirilmişdir. Gönçü kəndi isə indiki yaşayış yerindən 3 km qərbdə dağlıq ərazidə yerləşdiyindən və burada yol və elektrik probleblemləri olduğundan indiki yaşayış yerinə köçmüşlər. İndi bu kənd adları məhəllə adları olaraq adlandırılır.

Coğrafi mövqeyiRedaktə

Bakı-Quba magistral (M1) yolunun (137 km-Mollakamallı və 138 km-Aygünlü) [4] kənarında yerləşır və rayon mərkəzlərindən Şabran rayonundan - 13 km, Xaçmaz rayonundan - 20 km, Quba rayonundan - 25 km məsəfədədir

Daxili yolların uzunluğu 5.0 km-dir. (Y-17-10 Mollakamallı-2 km, Y-17-11 Aygünlü-3 km) [4]

ƏhalisiRedaktə

Kəndin əhalisi 1.157 nəfər təşkil edir.

DinRedaktə

Kənddə Aygünlü kənd məscidi dini icması fəaliyyət göstərir[5].

İstinadlarRedaktə

  1. "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
  2. APA TV (16.08.2016). "Azərbaycanda ilk dəfə 5000 illik tarixə malik qazma evlər aşkarlanıb - SENSASİYA" (azərb.). Youtube.com. İstifadə tarixi: 2016-08-20.
  3. Aзарова Р.Б. Ахундов Т.Н. Чаккаллыгтепе поселение эпохи ранней брозы. Azərb.SSR EA Məruzələri c37, 1981, №19
  4. 1 2 http://azeryol.az/az/content/324/
  5. MÜSƏLMAN DİNİ İCMALAR - 2016-cı ildə qeydiyyatdan keçənlər. scwra.gov.az  (azərb.)