Aynur Sofiyeva
Aynur Sofiyeva (19 iyul 1970, Qax) — Azərbaycan şahmatçısı, beynəlxalq qrosmeyster (1991), ikinci çağırış Azərbaycan Milli Məclisinin deputatı, Azərbaycan Respublikasının Ailə, Qadın və Uşaq Problemləri üzrə Dövlət Komitəsi sədrinin müavini, 2002–2007-ci illərdə Azərbaycan Şahmat Federasiyasının prezidenti.
 | |
|---|---|
| Aynur Məmmədiyyə qızı Sofiyeva | |
 | |
| Ölkə |
 Azərbaycan |
| Doğum tarixi | 19 iyul 1970 (53 yaş) |
| Doğum yeri | |
| Təhsili | |
| Titulu | qrosmeyster |
| Son reytinqi | 2313 (avqust 2016) |
| Maksimal reytinqi | 2420 (iyul 1991) |
| FİDE nömrəsi | 13400010 |
| Mükafatları |
 |
 Vikianbarda əlaqəli mediafayllar | |
Həyatı Redaktə
Sofiyeva Aynur Məmmədiyyə qızı 19 iyul 1970-ci ildə Azərbaycan Respublikasının Qax şəhərində anadan olmuşdur. 1977-ci ildə Qax şəhərindəki 1 nömrəli məktəbin ikinci(birbaşa) sinfinə daxil olmuş, 1986-cı ildə həmin məktəbi qızıl medalla bitirmişdir.
1986-cı ildə Bakı Dövlət Universitetinin jurnalistika fakültəsinə qəbul olmuşdur. 1991-ci ildə ali təhsilini fərqlənmə diplomu ilə başa vurmuşdur. 1997–2001-ci illərdə Bakı Dövlət Universitetində hüquqşünas ixtisası da almışdır.
1998–2000-ci illərdə Azərbaycan Əmək və Əhalinin Sosial Müdafiəsi Nazirliyində aparıcı, daha sonra baş hüquq məsləhətçisi vəzifələrində çalışmışdır. İkinci çağırış Azərbaycan Respublikası Milli Məclisinin deputatı olmuşdur. 1974-cü ildən idmanın şahmat növü ilə məşğul olur. 6 yaşında gənclər arasında rayon çempionu, 14 yaşında qızlar arasında, 15 yaşında qadınlar arasında Azərbaycan çempionu, 16 yaşında qızlar arasında SSRİ çempionu adını qazanmışdır. 20 yaşında tələbələr arasında dünya çempionu (2 qızıl medal), həmin ildə 20 yaşadək qızlar arasında dünya çempionatının gümüş medalçısı, 1993-cü ildə Azərbaycan komandasının tərkibində 26 yaşadək gənclər arasında dünya çempionatında gümüş medal qazanmış, bir çox beynəlxalq turnirlərin qalibi olmuşdur.1990-cı ildə Azərbaycanın ilk beynəlxalq qrosmeysteri, Islam dünyasında isə qadınlar arasında ilk beynəlxalq qrosmeyster adını qazanmışdır. 2002–2007-ci il tarixlərində Azərbaycan Şahmat Federasiyasının Prezidenti olmuşdur.
2007-ci ilin mart ayından etibarən Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədrinin müavini vəzifəsində çalışır.
Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib.[1]
Ailəsi Redaktə
Futbolçu Yunis Hüseynov ilə ailəlidir, 2 övladı var.[2]
Filmoqrafiya Redaktə
İstinadlar Redaktə
- ↑ "Arxivlənmiş surət". 2021-02-10 tarixində arxivləşdirilib. İstifadə tarixi: 2021-03-11.
- ↑ Modern.az. ""Tanınmış cütlüklər" - Məşhur futbolçu və şahmatçı necə yola gedirlər?." Modern.az (az.). modern.az. 28.12.2013, 16:39. 2017-07-29 tarixində arxivləşdirilib. İstifadə tarixi: 2014-06-28.
Xarici keçidlər Redaktə
- FIDE Chess Profile
- Ainur Sofieva. Chess-DB.com Arxivləşdirilib 2016-03-10 at the Wayback Machine (ing.)
- Ainur Sofieva. Chessgames.com (ing.)
- Ainur Sofieva. 365Chess.com (ing.)
- Sofieva, Ainur. OlimpBase.org (ing.)
- " FACE-vizit"in qonağı: AYNUR SOFİYEVA
- Trend News müsahibə
- Səda — "Azərbaycan ailəsi 2016" filmlər festivalının açılış mərasimi keçirilib (29.03.2016)