Ayzeya Fayrbreys
Ayzeya Fayrbreys (ing. Isaiah Firebrace; d. 21 noyabr 1999, Portland, Viktoriya, Avstraliya) - Avstraliya müğənnisi. O, 2016-cı ildə Avstraliyanın The X Factor müsabiqəsinin qalibi olmuşdur. Daha sonra "Don't Come Easy" mahnısı ilə Avstraliyanı 2017 Avroviziya Mahnı Müsabiqəsində təmsil etmiş və 9-cu yeri qazanmışdır.
| Ayzeya Fayrbreys | |
|---|---|
| ing. Isaiah Firebrace | |
 Ayzeya Fayrbreys 2017-ci ildə | |
| Ümumi məlumatlar | |
| Doğum adı |
Ayzeya Fayrbreys ing. Isaiah Firebrace |
| Doğum tarixi | |
| Doğum yeri | Portland, Viktoriya, Avstraliya |
| Vətəndaşlığı |
 Avstraliya |
| Milliyyəti | Avstraliya aborigeni |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2016–h.h. |
| Janr | |
| Albom şirkəti | Sony Music Australia |
| Əlaqələri |
Adam Lambert Cessika Mauboy |
| isaiahmusic.com | |
 Vikianbarda əlaqəli mediafayllar | |
Həyatı
redaktəAyzeya Fayrbreys 21 noyabr 1999-cu ildə Avstraliyanın Viktoriya ştatında yerləşən Portland şəhərində aborigen ailəsində anadan olmuş və Yeni Cənubi Uels ştatında böyümüşdür. Avstraliya tamaşaçısı Ayzeyanı ilk dəfə Melburn şəhərində keçirilən musiqi yarışmalarından birində iştirakdan sonra tanımağa başlamışdır. O yarışmada qazandığı uğurdan sonra David Jaanz musiqi məktəbində yüksək təqaüd ilə təhsil almışdır.
Musiqi karyerası
redaktə2016: The X Factor
redaktə2016-cı ildə Ayzeya Fayrbeys Avstraliyanın 8-ci The X Factor musiqi yarışmasının dinləmələrinə qatılmış və Britaniya müğənnisi Adelin "Hello" mahnısını ifa etmişdir. İlk mərhələni uğurla adlayan Ayzeya növbəti beş həftə ərzində göstərdiyi möhtəşəm ifalar sayəsində yarışmanın final mərhələsinə adlamağa nail olmuşdur. Həmin ilin noyabr ayında baş tutan final gecəsində Ayzeya Avstraliyanın tanınmış müğənnisi Cessika Mauboy ilə birlikdə Aviçinin "Wake Me Up" mahnısını ifa etmişdir. Müğənni finalda eyni zamanda özünün "It's Gotta Be You" adlı ilk sinqlını ifa etmiş və nəticədə yarışmada qələbə qazanmışdır. "It's Gotta Be You" Avstraliya ilə yanaşı Yeni Zelandiya, Danimarka, İsveç və Niderland hit paradlarına da daxil ola bilmişdir.
2016-cı ilin dekabr ayında Ayzeyanın Isaiah adlandırdığı ilk debüt albomu işıq üzü görmüşdür. Isaiah Avstraliya albom siyahılarında 12-ci yerə yüksələ bilmişdir.
2017: Avroviziya Mahnı Müsabiqəsi
redaktəThe X Factor Australia yarışmasındakı qalibiyyətindən sonra Avstraliyanın SBS telekanalı Ayzeya Fayrbeysin qitəni Ukraynanın paytaxtı Kiyevdə keçirilən 2017 Avroviziya Mahnı Müsabiqəsində təmsil edəcəyini elan etmişdir[1]. Ayzeyanın müsabiqədə ifa etməli olduğu "Don't Come Easy" mahnısı elə həmin gün dinləyicilərə təqdim edilmişdir. Müsabiqənin yarımfinal mərhələsini uğurla adlayan Ayzeya finalda Avstraliyaya 9-cu yeri qazandırmışdır.
Diskoqrafiya
redaktə| Albom | İl |
|---|---|
| "Isaiah" | 2016 |
Sinqlları
redaktə| Mahnı adı | İl |
|---|---|
| "It's Gotta Be You" | 2016 |
| "Don't Come Easy" | 2017 |
| "Streets of Gold" |
İstinadlar
redaktə- ↑ "Isaiah is Australia's artist for Kyiv!". eurovision.tv. Avropa Yayım İttifaqı. 2017-03-09 tarixində arxivləşdirilib. İstifadə tarixi: 7 mart 2017.
| Əvvəlki: Dami İm "Sound of Silence" |
Avstraliya Avroviziya Mahnı Müsabiqəsində  2017 |
Sonrakı: Cessika Mauboy "We Got Love" |