Azər Əhmədov (fizik)
Bu məqalənin neytrallığı şübhə doğurur. |
Azər Əhmədov (29 aprel 1964, Puşkin rayonu – 29 dekabr 2023) — Nəzəri Fizika kafedrasının professoru.
| Azər Əhmədov | |
|---|---|
 | |
| Doğum tarixi | 29 aprel 1964 |
| Doğum yeri | |
| Vəfat tarixi | 29 dekabr 2023 (59 yaşında) |
| Milliyyəti | azərbaycanlı |
| Elmi dərəcəsi | |
Həyatı
redaktəAzər Əhmədov 29 aprel 1964-cü ildə Biləsuvar rayonunda həkim, ziyalı ailəsində anadan olub. 1972–1982-ci illərdə Biləsuvar rayonu 1 saylı Nizami Gəncəvi adına orta məktəbində təhsil alıb və orta məktəbi "əla" qiymətlərlə bitirib. 1982-ci ildə Bakı Dövlət Universitetinin Fizika fakültəsinə daxil olub. 1989-cu ildə Bakı Dövlət Universitetini fizik, fizika müəllimi ixtisası üzrə fərqlənmə diplomu ilə bitirib. 1989-cu ildə həmin fakültəni bitirib Elmi Rəhbəri professor Faik Sultanmurad oğlu Sadıxov olmaqla 1992–1995-ci illərdə Fizika fakültəsinin Nəzəri fizika kafedrasının aspirantı olub. 1996-cı ildə namizədlik dissertasiyası müdafiə edərək "Nəzəri fizika" ixtisası üzrə fizika-riyaziyyat elmləri namizədi elmi dərəcəsini, 2016-cı ildə isə doktorluq dissertasiyası müdafiə edərək " 2212.01-Nəzəri fizika" ixtisası üzrə fizika elmləri doktoru elmi dərəcəsini alıb.
1990–2005-ci illərdə Bakı Dövlət Universiteti Fizika Problemləri ETİ-nin Yüksək Enerjilər fizikası Laboratoriyasında böyuk elmi işçi, 2005–2019-cu illərdə Bakı Dövlət Universiteti Fizika Problemləri ETİ-nin Yüksək Enerjilər fizikası Laboratoriyasında 0.5şt böyuk elmi işçi, 2019-cu ildən Bakı Dövlət Universiteti Fizika Problemləri ETİ-nin Nəzəri Fizika şöbəsində 0.5şt baş elmi işçi, 2007-ci ildən həm də Bakı Dövlət Universitetinin Nəzəri fizika kafedrasının dosenti vəzifəsində çalışmışdır.2022-ci ildən Nəzəri fizika kafedrasının professoru vəzifəsində çalışmışdır.
Bütün bu illər ərzində Azər müəllim intensiv elmi-tədqiqat işləri aparmışdır. Onun elmi tədqiqatı sahənin kvant nəzəriyyəsi, elementar zərrəciklər və nüvə fizikası, yüksək enerjilər fizikası kimi nəzəri fizikanın mürəkkəb sahələrini əhatə edir. Azər Əhmədovun elmi fəaliyyət istiqaməti əsasən perturbativ kvant xromodinamikasının, holografik kvant xromodinamikasının, Supersimmetriyanın fenomenologiyasının, qeyri-relyativistik və relyativistik dalğa tənliklərinin müxtəli potensiallı sahələr üçün analitik həllərinin nəzəri tədqiqi ilə bağlıdır. Onun elmi rəhbərliyi ilə Nəzəri fizika ixtisası üzrə 4 nəfər fəlsəfə doktoru elmi dərəcəsini almaq üçün dissertasiya işini müdafiə edib. O, eyni zamanda çox sayda magistr dissertasiya işlərinin elmi rəhbəri olub. Respublika və xarici ölkələrin elmi mətbuatında dərc olunmuş 100-dən çox elmi məqalənin, bir metodik vəsaitin və bir neçə tədris proqramının müəllifidir. Məqalələrinin əksəriyyəti yüksək impakt faktorlu mötəbər elmi jurnallarda çap olunub. A. Əhmədov bir sıra xarici ölkələrdə onlarla beynəlxalq konfrans, seminar və simpoziumlarda məruzə ilə çıxış edərək respublikamızı layiqincə təmsil etmişdir.
A. Əhmədov pedaqoji fəaliyyəti dövründə bakalavr pilləsində "Klassik elektrodinamika", "Kvant mexanikası", "Relyativistik kvant mexanikası", "Elementar zərrəciklər fizikası" fənlərini tədris etmiş, magistratura pilləsində "Kvant xromodinamikası", "Güclü qarşılıqlı təsir nəzəriyyəsi", "fənlərini yüksək ustalıqla tədris etmişdir. O, uzun illər Bakı Dövlət Universitetinə nəzdində fəaliyyət göstərən Dissertasiya Şurasının üzvü olmuşdur. O, "Journal of Physics and Advanced Applications" jurnalının redaksiya heyətinin üzvü olub. A. Əhmədov onlarla qrant layihəsinin müəllifi olub. 2022-ci ildən isə professor vəzifəsində çalışıb. Əsərləri Almaniya, Belçika, İtaliya, İsveçrə, Pakistan, ABŞ elmi əsərlər məcmuələrində və jurnallarında dərc olunmuşdur. Tez tez bu ölkələrdə elmi ezamiyyələrdə iştirak etmiş, mötəbər konfrans və seminarın iştirakçısı olmaqla məruzələr etmişdir
Məhsuldar əməyinin nəticəsi olaraq o, 2019-cu ildə Azərbaycanda təhsilin və elmin inkişafındakı xidmətlərinə görə "Bakı Dövlət Universitetinin 100 illiyi (1919–2019)" Azərbaycan Respublikasının yubiley medalı ilə təltif olunub.
2023-cü il dekabr ayının 29-u tanınmış alim və müəllim, Bakı Dövlət Universitetinin "Nəzəri fizika" kafedrasının professoru, fizika elmləri doktoru, Azər Əhmədov vəfat etmişdir.
Azər müəllim geniş biliyə malik şəxsiyyət, pedaqoq, nəzəri fizikanın aktual problemlərinə bələd olan tədqiqatçı alim idi. Onun nəzəri fizikanın inkişafında, eləcə də gənc alimlərin və tədqiqatçıların formalaşmasında böyük əməyi vardır. Hazırda Azər Əhmədovun yetirmələri kafedrada çalışır, onun elmi məktəbini davam etdirir.
İstinadlar
redaktəhttp://static.bsu.az/.../Konfranslar/Ahmadov-CV-azNEW.pdf
https://scholar.google.com/citations?user=zaLwaRcAAAAJ
https://www.researchgate.net/profile/Azar-Ahmadov
https://www.researchgate.net/lab/Azar-I-Ahmadov-Lab
https://inspirehep.net/authors/1018855
https://arxiv.org/abs/0803.0198
https://www.frontiersin.org/journals/physics/articles/10.3389/fphy.2022.962717/full#B43
https://arxiv.org/abs/0803.0198v3
https://orcid.org/0000-0003-0662-5549
https://www.frontiersin.org/journals/physics/articles/10.3389/fphy.2022.962717/full#B43
https://search.trdizin.gov.tr/tr/yayin/detay/381922/proton-proton-collision-at-high-energies
https://arxiv.org/pdf/2003.07868
https://isnesfa.blogspot.com/p/advisory.html
https://dergipark.org.tr/tr/download/article-file/909896
https://lss.fnal.gov/archive/test-fn/1000/fermilab-fn-1098-cms-t.pdf
https://link.springer.com/article/10.1007/s12648-023-02654-7
https://www.nature.com/articles/s41598-024-53650-8
https://link.springer.com/article/10.1134/S154747712402002X