Azər Aydəmir

Azər Rauf oğlu Aydəmir (24 iyul 1986(1986-07-24), Bakı) — Azərbaycanlı aktyor.

Azər Aydəmir
Azər Rauf oğlu Aydəmir
Doğum tarixi	24 iyul 1986
Doğum yeri	Bakı
Peşəsi	Aktyor Ssenarist Prodüser
Fəaliyyət illəri	2009-indiyədək
IMDb	ID https://www.imdb.com/name/nm6413655/

Həyatı

Azər Aydəmir 24 iyul 1986-cı ildə Bakı şəhərində anadan olub. 46 saylı orta məktəbi bitirib. Məktəb illərində məktəbin KVN komandasının kapitanı olub. Ailəlidir 1 övladı var.

Aktyorun əsli Xızıdandır. Atası malakandır. Yüz il bundan qabaq Altıağaca köçən molokan sülaləsindəndir. Ata nənəsi rus, anası isə dağlıdır, Əmbizlər kəndindən.

Fəaliyyəti

Məktəbi bitirdikdən sonra,Azərbaycan Dövlət İqtisad Universitetinin maliyyə-kredit fakültəsində natamam ali təhsil almışdır.Birinci kursdan təhsildən ayrılmışdır.İlk fəaliyyət illərində ilk olaraq Azəravtoyol QSC nin nəznində olan, “Azərbaycan Yolları”, “Zirvə Yolu”, “Revanş” qəzetlərində müxbir kimi çalışmışdı. Sonradan tanınmışneft jurnalı olan “Caspian Energy” də, müxbir və reklam meneceri kimi fəaliyyət göstərmişdi. 2005 ci ildən bir sıra avtomobil şirkətlərində PR və Marketing meneceri vəzifəsində çalışıb. 2008-ci ildə Zirvə Motors (İsuzu) Şirkətinin direktoru işləyib. 2005-ci ildən 2014-ci ilə kimi paralel olaraq restoran və otelcilik fəaliyyəti ilə məşğul olub.Bakının tanınmış karaoke klublarının (Z CLUB) əsasını qoyub. Ramada oteli və tanınmış FACE Klublarda tələbolunan təşkilatçı kimi fəaliyyət göstərib. 2009-cu ildən etibarən aktyorluq fəaliyyətinə başlayıb.İlk öncə bir sira reklam və kliplərdə çəkilən Azər Aydəmir 2010-cu ildən bəri mütəmadi olaraq filmlərə, seriallara çəkilir. O, 2012-ci ildə "Xoca" filmində Yuri Kovalyov obrazı ilə tanınıb. Buna baxmayaraq aktyor fəaliyyətini ilk olaraq İctimai Televiziyada yayımlanan “Döngələr” serialı ilə başlayıb. Hal-hazırda aktyor 30-dan çox filmdə çəkilib. Azər Aydəmir 2018 ci ildən etibarən bir sıra film və serialların, ssenari müəllifi kimidə çıxış edir. 2019 cu ildən Azercell şirkətinin uğurlu rebrendinqindən sonra, Azər Aydəmir Azercell Telekomun rəsmi səsi seçilib. Aktyorluq fəaliyyəti ilə paralel olaraq, hal-hazırda Azər Aydəmir, tanınmış telekanalların birində aparıcı kimi də fəaliyyət göstərir.

Filmoqrafiya

Aktyor kimi

1. Ağabəyovlar (film, 2012-2014) (bədii serial) - Kamran Ağabəyov
2. Döngələr (teleserial, 2012) (bədii serial) - Kürən
3. Xoca (film, 2012)(tammetrajlı bədii film) - Yuri Kovalyov
4. Həyat çiçəyi (film, 2013) (bədii serial) - Yunis
5. Tək olanda qorxma... (teleserial, 2013) (bədii serial) - Yevgeni
6. Mən evə qayıdıram (film, 2014)(tammetrajlı bədii film) - baş leytenant Timur Losev
7. Bakı, mən səni sevirəm (film, 2015) (kinoalmanax) - Oqtay
8. Dərs (film, 2015)(tammetrajlı bədii film) - Oqtay
9. Dmitrov küçəsi 86 (film, 2015)(qısametrajlı bədii film) - Cəmilin dostu
10. Xəzər Atlantidası (film, 2015) (qısametrajlı bədii film) - Oqtay
11. Qanlı Yanvar (film, 2015)(tammetrajlı bədii film) - Mehdi
12. Zabit şərəfi (film, 2015)(qısametrajlı bədii film) - Seymur
13. Sənin deyil (film, 2016) (bədii serial) - Vüqar
14. Qayıdış (film, 2016)(tammetrajlı bədii film) - Arif
15. Məryəm (teleserial, 2016) (bədii serial) - Zaur
16. Pərdə (film, 2016) (tammetrajlı bədii film) - Fuad
17. Postskriptum (film, 2016)(qısametrajlı bədii film) - Robert Nobel
18. Şər qarışanda (film, 2016) (tammetrajlı bədii film) (ikinci rejissor)
19. Don Marleone (film, 2017) (tammetrajlı bədii film) - Mayor Ərəstun
20. Xənnas (film, 2017)(tammetrajlı bədii film) - Rus zabiti
21. Nazlı (film, 2017)(tammetrajlı bədii film) - Gülən adam
22. Dəniz suyu içən it (film, 2017) - Azər
23. Kəklikotu (film, 2017) - Polis serjantı
24. Fəlakət (film, 2018) - Vahid
25. Əlvida, Şmidt! (film, 2019) - Emil Şmidt
26. Dağıntılar Altında (teleserial, 2019) - Teymur
27. Sevgi Romanı (film, 2020) - Xanlar həmçinin filmin ssenari müəllifi.
28. Yad gəlin(teleserial, 2019) - Yasin
29. Mən Burada Tək Olmuşam (film, 2020) - Samir
30. Olimpiya (film, 2020) - Baş leytenant Dəmir

Filmi səsləndirən kimi

1. Spark. Bəşəri qəhrəman (film, 2017)