Azər Baxşəliyev (3 iyul 1985 – 5 yanvar 2025, Nəsimi rayonu) — azərbaycanlı aktyor. O, Bozbash Pictures layihəsində canlandırdığı Ağsaqqal və Əzəmət obrazları ilə tanınırdı.
| Azər Baxşəliyev | |
|---|---|
 | |
| Doğum tarixi | 3 iyul 1985 |
| Vəfat tarixi | 5 yanvar 2025 (39 yaşında) |
| Vəfat yeri | |
| Vəfat səbəbi | böyrək çatışmazlığı[d] |
| Dəfn yeri | |
| Milliyyəti | azərbaycanlı |
| Həyat yoldaşı | Nigar Baxşəliyeva |
| Uşağı | 1 |
| Fəaliyyəti | aktyor |
| Təhsili | |
Həyatı
redaktəAzər Baxşəliyev 3 iyul 1985-ci ildə anadan olub. Aktyor Bozbash Picturesin Ağsaqqal və Əzəmət obrazları ilə tanınmağa başlamışdır. ATV telekanalında çalışıb. Beynəlxalq Universitetinin Ərəb ölkələri üzrə regionşünaslıq fakültəsini bitirib.[1]
O, böyrək çatışmazlığından əziyyət çəkirdi və uzun müddətdir ki, böyrəkköçürmə əməliyyatı üçün donor axtarırdı.[2] 2025-ci il yanvarın 2-də koma vəziyyətində ATU-nun Tədris Cərrahiyyə Klinikasının Reanimasiya şöbəsinə yerləşdirilib. Ardınca mediada ölüm xəbərləri yayılıb. Daha sonra bu xəbər təkzib olunub və onun hazırda reanimasiyada olduğu, müalicələrinin davam etdiyi bildirilib.[3] Daha sonra onun vəfat etdiyi müalicə olunduğu klinika tərəfindən mediaya təsdiqlənsə də,[4] yeni məlumatlarda ürək fəaliyyətinin bərpa edildiyi, süni tənəffüs aparatına qoşulduğu və vəziyyətinin həddən artıq ağır kritik olduğu bildirilib.[5] Yanvarın 5-də uzun sürən xəstəlikdən sonra vəfat edib. O, yanvarın 5-də "Qurd qapısı" qəbiristanlığında dəfn olunub. [6]
Şəxsi həyatı
redaktəMemar Nigar Seyid ilə evli idi[7] və bir qız övladı var.[8]
Sovet maşınlarının modellərini yığmaq onun hobbisi idi.[1]
Filmoqrafiya
redaktə- Bozbash Pictures (2011–2017)
- 3 bacı (teleserial, 2012)
- Ay brilliant (film, 2015)
- Axırıncı yol (2016)
- Stalinin başı (2017)
- Palata 106 (film, 2016)
- Bir xalanın sirri (film, 2018)
- Zarafat Bir Yana (veriliş, 2023–2024)
İstinadlar
redaktə- ↑ 1 2 "Onlar həyatda Bozbaş deyillər..." 2023-06-28 tarixində arxivləşdirilib. İstifadə tarixi: 2019-01-01.
- ↑ "Azər Baxşəliyev vəfat etdi - Unikal.az". unikal.az. İstifadə tarixi: 2025-01-02.
- ↑ "Ölüm xəbəri yayılan tanınmış aktyorla bağlı İlkin Həsənidən AÇIQLAMA". Oxu.az (az.). 2025-01-02 tarixində arxivləşdirilib. İstifadə tarixi: 2025-01-02.
- ↑ "Aktyor Azər Baxşəliyev vəfat edib - YENİLƏNİB-2 | Report.az". report.az. 2025-01-02 tarixində arxivləşdirilib. İstifadə tarixi: 2025-01-02.
- ↑ "Həkimlər aktyor Azər Baxşəliyevin ürəyinin fəaliyyətini bərpa edib, süni tənəffüs aparatına qoşulub - YENİLƏNİB1". Apa.az (az.). İstifadə tarixi: 2025-01-02.
- ↑ "Aktyor Azər Baxşəliyev vəfat edib - YENİLƏNİB". Apa.az (az.). İstifadə tarixi: 2025-01-05.
- ↑ Banu Hüseynli. "Azər Baxşəliyevin həyat yoldaşı onunla bağlı paylaşım etdi - SON DURUM". baku.ws. 4 yanvar 2025. 5 yanvar 2025 tarixində arxivləşdirilib. İstifadə tarixi: 5 yanvar 2025.
- ↑ "Aktyor Azər Baxşəliyev dəfn olunub". baku.ws. 5 yanvar 2025. 5 yanvar 2025 tarixində arxivləşdirilib. İstifadə tarixi: 5 yanvar 2025.