Azər Namazov

Azər Zərqara oğlu Namazov — hüquq üzrə fəlsəfə doktoru.

Azər Namazov
Azər Zərqara oğlu Namazov
Doğum tarixi	27 yanvar 1957(1957-01-27) (67 yaş)
Doğum yeri	Bakı, Azərbaycan SSR, SSRİ
Elm sahəsi	hüquq
Elmi dərəcəsi	hüquq üzrə fəlsəfə doktoru
İş yeri	AMEA-nın Elmi İnnovasiyalar Mərkəzi
Təhsili	Azərbaycan Dövlət Neft və Sənaye Universiteti

Həyatı

Azər Zərqara oğlu Namazov 1957-ci ilin yanvar ayında Bakı şəhərində anadan olub. 1974–1979-cu illərdə Azərbaycan Neft və Kimya İnstitutunda (Azərbaycan Dövlət Neft Akademiyası) ali təhsil alıb, 1979–1981-ci illərdə Azərbaycan SSR EA-nın (AMEA) Y. Məmmədəliyev adına Neft və Kimya Prosesləri İnstitutunda təyinatla mühəndis vəzifəsində çalışıb.

1981–1985-ci illərdə komsomol orqanlarında işləmiş, o cümlədən 1983–1985-ci illərdə Azərbaycan SSR EA-nın komsomol komitəsinin katibi olmuşdur.

1985–1989-cu illərdə Azərbaycan KP 26 Bakı komissarları adına rayon komitəsinin aparatında təlimatçı, şöbə müdir müavini, şöbə müdiri vəzifələrində çalışmışdır.

1989-cu ildə Sov. İKP MK yanında İctimai Elmlər Akademiyasına (RF Prezidenti yanında Rusiya Dövlət Xidməti Akademiyası) daxil olub.

1992-ci ildə təhsilini bitirmiş, namizədlik dissertasiyasını müdafiə etmişdir. Hüquq elmləri namizədidir.

Fəaliyyəti

1992–1994-cü illərdə müxtəlif kommersiya strukturlarında çalışmışdır. 1994-cü ildə yeni yaradılmış AR Gənclər və İdman Nazirliyinə idarə rəisi vəzifəsinə təyin edilmiş, Nazirliyin Kollegiya üzvü olmuşdur.

1996–1998-ci illərdə Bakı şəhəri İcra Hakimiyyətinin aparatında şöbə müdiri olmuş, 1998–2005-ci illərdə BŞİH-nin "İnterservis" Müdiriyyətinin təsis etdiyi "Trans-Servis" şirkətinin prezidenti vəzifəsində çalışmışdır.

2011-ci ilin fevral ayından AR Rabitə və İnformasiya Texnologiyaları Nazirliyində məsləhətçi vəsifəsində işləyir. 2013-cü ilin iyul ayının 3-dən AMEA Rəyasət Heyətinin Hüquqi Təminat şöbəsinin rəisi vəzifəsində işləmişdir.

2014-cü ilin fevral ayının 18-də AMEA Rəyasət Heyətinin qərarı ilə AMEA Elmi İnnovasiyalar Mərkəzinin Baş direktoru vəzifəsinə təyin edilmişdir.

Həmçinin bax

• AMEA-nın Elmi İnnovasiyalar Mərkəzi

Xarici keçidlər

• [1] Arxivləşdirilib 2014-01-02 at the Wayback Machine