Azərbaycan–Kosovo münasibətləri
Azərbaycan–Kosovo münasibətləri — Azərbaycan Respublikası ilə Kosovo Respublikası arasındakı mövcud ikitərəfli əlaqələr. Azərbaycan Kosovonun müstəqilliyini tanımadığı üçün bu iki ölkə arasında heç bir rəsmi siyasi əlaqə mövcud deyil.
| Azərbaycan-Kosovo münasibətləri | |||||
|---|---|---|---|---|---|
 | |||||
|
|||||
Azərbaycanın Kosovonun müstəqilliyinə münasibəti
redaktə1999-cu ildən Serbiyanın nəzarətindən çıxarılaraq BMT-nin himayəsində olan Kosovo 2008-ci il fevralın 17-də müstəqilliyini elan etmiş və bu qərardan dərhal sonra ABŞ və bəzi Avropa dövlətləri Kosovonun müstəqilliyini tanımışdır. Ancaq dünya birliyinin bu məsələdə rəyi haçalanmışdır. Kosovonun müstəqilliyinə ilk etirazlardan biri Azərbaycanın paytaxtından gəlib. Həmin gün – fevralın 17-də brifinq keçirən Azərbaycan Respublikası Xarici İşlər Nazirliyinin sözçüsü təmsil etdiyi dövlətin mövqeyini belə açıqlamışdır:
"Kosovonun müstəqilliyini elan etməsi beynəlxalq hüquq normalarına zidd və qanunsuzdur".
Bunun ardınca – fevralın 26-da prezident İlham Əliyev Azərbaycan sülhməramlılarının Kosovodan geri çağırılması üçün Milli Məclisə müraciət göndərmişdir. Kosovoda Türkiyə taborunun tərkibində fəaliyyət göstərən 34 nəfərlik sülhməramlı Azərbaycan taqımı Milli Məclisin martın 4-də keçirilən iclasının qərarı ilə geri çağırılmışdır[1]. Aprelin 15-də taqım Azərbaycana qayıtmışdır[2].
Hərbi əlaqələr
redaktəAzərbaycan Respublikasının 20 oktyabr 1999-cu il tarixli Qanununa əsasən Azərbaycan Respublikası Hökuməti ilə Türkiyə Respublikası Hökuməti arasında Kosovo Türk Taburu Görev Küvvəti tərkibində Kosovoya gedəcək Azərbaycan taqımının fəaliyyətinə dair 1999-cu il iyulun 28-də Bakı şəhərində imzalanmış Saziş təsdiq edilmişdir[3]. Müvafiq Sazişə əsasən Azərbaycan taqımı 1 zabit, 1 gizir, 32 əsgər olmaqla 34 hərbi qulluqçudan ibarət 2 manqalı, bir mexanizləşdirilmiş taqım şəklində təşkil edilmişdir[3]. Taqım komandirinin leytenant və ya baş leytenant rütbəsində olması nəzərdə tutulmuşdur[3].
İdman sahəsində əməkdaşlıq
redaktəFutbol qarşılaşmaları
redaktə
Avropa Oyunları
redaktəKosovo 2015-ci il 12-28 iyun tarixləri arasında Azərbaycanın paytaxtı Bakı şəhərində keçirilən Birinci Avropa Oyunlarında 19 idmançı ilə iştirak etmişdir. Qadınlar arasında cüdo yarışında 57 kq-da Nora Qyakovanın qazandığı bürünc medal ilə Kosovo ilk Avropa Oyunlarını 40-cı pillədə başa vurmuşdur[4].
Həmçinin bax
redaktəİstinadlar
redaktəBu məqalədəki istinadlar müvafiq istinad şablonları ilə göstərilməlidir. |
- ↑ "Azərbaycan Respublikası Silahlı Qüvvələri taqımının keçmiş Yuqoslaviyanın Kosovo regionundan geri çağırılması haqqında" Arxivləşdirilib 2023-06-30 at the Wayback Machine Azərbaycan Respublikası Milli Məclisinin 4 mart 2008-ci il tarixli, 553-IIIQR nömrəli Qərarı. e-qanun.az (az.)
- ↑ İLHAM ƏLİYEV: "KOSOVONUN BİRTƏRƏFLİ QAYDADA MÜSTƏQİLLİYİNİ BƏYAN ETMƏSİ QEYRİ-QANUNİ ADDIMDIR"[ölü keçid]
- ↑ 1 2 3 "Azərbaycan Respublikası Hökuməti ilə Türkiyə Respublika Hökuməti arasında Kosovo Türk Taburu Görev Küvvəti tərkibində Kosovoya gedəcək Azərbaycan tağımının fəaliyyətinə dair Sazişin təsdiq edilməsi barədə" Arxivləşdirilib 2018-12-25 at the Wayback Machine Azərbaycan Respublikasının 20 oktyabr 1999-cu il tarixli, 710-IQ nömrəli Qanunu. e-qanun.az (az.)
- ↑ "All Sports Medals Standings" Arxivləşdirilib 2019-09-10 at the Wayback Machine. baku2015.com (ing.) (az.)
Azərbaycan haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin. |
