Demokratik İslahatlar Partiyası

Demokratik İslahatlar Partiyası
Demokratik İslahatlar Partiyası
Sədri	Asim Mollazadə
Qurucu	Asim Mollazadə
Quruluş tarixi	27 may 2005
Qeydiyyat tarixi	12 avqust 2005
Sələfi	Azərbaycan Xalq Cəbhəsi Partiyası
Baş qərargah	Neftçilər pr. 65, Səbail ray.
İdeologiya	liberalizm, Sosial ədalət
Üzv sayı	8130
Kabinetdə	0 / 125
Parlamentdə	1 / 125
Bələdiyyədə	35 / 15.156
Saytı	demreforms.az

Demokratik İslahatlar Partiyası və ya qısaca DİP — Asim Mollazadə tərəfindən qurulan və 2005-ci il avqustun 12-də dövlət qeydiyyatına alınan siyasi partiya. 2005–2019-cu illərdə Azərbaycan Demokratik İslahatlar Siyasi Partiyası (ADİSP) adlanmışdır. DİP 2005-ci ildən Milli Məclisdə təmsil olunur.

TarixiRedaktə

2000–2005-ci illərdə Azərbaycan Xalq Cəbhəsi Partiyasını (AXCP) Milli Məclisdə təmsil edən, 1995-ci ildən isə AXCP sədrinin müavini olan Asim Mollazadənin 2005-ci ildə AXCP-dən istefa verməsindən sonra o, 2005-ci il iyunun 5-də Azərbaycan Demokratik İslahatlar Partiyasının (ADİSP) qurduğunu bildirdi. Həmin gün baş tutan I Qurultayda Asim Mollazadə ADİSP sədri seçildi. Keçmiş AXCP üzvləri tərəfindən qurulan ADİSP 2005-ci il avqustun 12-də Ədliyyə Nazirliyində dövlət qeydiyyatına alındı.

ADİSP 2005-ci il noyabrın 7-də baş tutan Parlament seçimlərində on dörd namizədlə mübarizə apardı. Nəticədə 22 saylı Nəsimi 2-ci dairəsindən namizədliyini irəli sürən ADİSP sədri Asim Mollazadə qalib gəldi və Milli Məclisə seçildi.

2008-ci il iyulun 20-də ADİSP II Qurultayı baş tutdu. Qurultayda Asim Mollazadə növbəti dəfə üç il müddətinə ADİSP sədri seçildi.

ADİSP 2010-cu il noyabrın 6-da baş tutan Parlament seçimlərində dörd namizədlə mübarizə apardı. Nəticədə 22 saylı Nəsimi 2-ci dairəsindən namizədliyini irəli sürən ADİSP sədri Asim Mollazadə qalib gəldi və növbəti dəfə Milli Məclisə seçildi. ADİSP həmin seçimlərdə 5 555 səs (0.24 %) topladı.

2011-ci il sentyabrın 10-da ADİSP III Qurultayı baş tutdu. Qurultayda Asim Mollazadə üçüncü dəfə üç il müddətinə ADİSP sədri seçildi.

2013-cü il iyunun 15-də ADİSP IV Qurultayı baş tutdu. Qurultayda Asim Mollazadə dördüncü dəfə üç il müddətinə ADİSP sədri seçildi.

ADİSP 2015-ci il noyabrın 1-də baş tutan Parlament seçimlərində on üç namizədlə mübarizə apardı. Nəticədə 22 saylı Nəsimi 2-ci dairəsindən namizədliyini irəli sürən ADİSP sədri Asim Mollazadə qalib gəldi və üçüncü dəfə Milli Məclisə seçildi. ADİSP həmin seçimlərdə 21 044 səs (0.74 %) topladı.

2016-cı il yanvarın 1-də ADİSP V Qurultayı baş tutdu. Qurultayda Asim Mollazadə beşinci dəfə üç il müddətinə ADİSP sədri seçildi.

2019-cu il noyabrın 10-də ADİSP VI Qurultayı baş tutdu. Qurultayda partiyanın adı Demokratik İslahatlar Partiyası olaraq dəyişdirildi. Qurultayda Asim Mollazadə altıncı dəfə üç il müddətinə DİP sədri seçildi.^[2]

DİP 2020-ci il fevralın 9-da baş tutan Parlament seçimlərində üç namizədlə mübarizə apardı. Nəticədə 22 saylı Nəsimi 2-ci dairəsindən namizədliyini irəli sürən ADİSP sədri Asim Mollazadə qalib gəldi və dördüncü dəfə Milli Məclisə seçildi. DİP həmin seçimlərdə 5 533 səs topladı.

DİP rəhbərliyiRedaktə

Demokratik İslahatlar Partiyasının (DİP) sədrdən və 8 nəfər üzvdən ibarət olan Siyasi Şurası mövcuddur.

Sıra	Vəzifə	Vəzifəli
1.	DİP sədri	Asim Mollazadə
2.	DİP Siyasi Şurasının üzvü	Fatimə Ağamirzəyeva
3.	DİP Siyasi Şurasının üzvü	Gülnarə Məmmədova
4.	DİP Siyasi Şurasının üzvü	İlkin Həsənov
5.	DİP Siyasi Şurasının üzvü	İnqilab Əhmədov
6.	DİP Siyasi Şurasının üzvü	Mərdan Əfəndiyev
7.	DİP Siyasi Şurasının üzvü	Nazim Abdullayev
8.	DİP Siyasi Şurasının üzvü	Ülkər Abdullayeva

SeçkilərdəRedaktə

Parlament seçkiləriRedaktə

İl	Sədr	Nəticələri			Mövqe
İl	Sədr	Səs	%	Yer	Mövqe
2005	Asim Mollazadə	?	? %	1 / 125	Müxalifət
2010		5 555	0.22 %	1 / 125	Müxalifət
2015		21 044	0.74 %	1 / 125	Müxalifət
2020		5 533	? %	1 / 125	Müxalifət

Bələdiyyə seçkiləriRedaktə

Seçki	Sədr	Səs			Yer
Seçki	Sədr	#	%	±	Yer
2009^[3]	Asim Mollazadə				18 / 15.591
2014
2019					35 / 15.156

Ara bələdiyyə seçkiləriRedaktə

Seçki	Sədr	Səs		Bələdiyyə üzvü
Seçki	Sədr	#	%	Bələdiyyə üzvü
2006^[4]	Asim Mollazadə			3 / 1.901
2011	Asim Mollazadə

QərargahRedaktə

Demokratik İslahatlar Partiyasının qərargahı Yasamal rayonu Ə. Hüseynzadə 64/1 ünvanında yerləşir.

İstinadlarRedaktə

↑ ""Qanunu yazanlar öncə xalqı inandırmalıdırlar ki, bu, hansı əşədü-ehtiyacdan doğub"". 2022-10-02 tarixində arxivləşdirilib. İstifadə tarixi: 2022-10-02.
↑ "Arxivlənmiş surət" (PDF). 2022-07-31 tarixində arxivləşdirilib (PDF). İstifadə tarixi: 2023-02-21.
↑ "Siyahıya YAP liderlik edir". 2021-11-14 tarixində arxivləşdirilib. İstifadə tarixi: 2023-04-26.
↑ "Bələdiyyə üzvlüyünə 20 siyasi partiyanın təmsilçiləri və 692 nəfər bitərəf seçilib". 2022-08-12 tarixində arxivləşdirilib. İstifadə tarixi: 2023-05-13.

[1] ""Qanunu yazanlar öncə xalqı inandırmalıdırlar ki, bu, hansı əşədü-ehtiyacdan doğub"". 2022-10-02 tarixində arxivləşdirilib. İstifadə tarixi: 2022-10-02.

[2] "Arxivlənmiş surət" (PDF). 2022-07-31 tarixində arxivləşdirilib (PDF). İstifadə tarixi: 2023-02-21.

[3] "Siyahıya YAP liderlik edir". 2021-11-14 tarixində arxivləşdirilib. İstifadə tarixi: 2023-04-26.

[4] "Bələdiyyə üzvlüyünə 20 siyasi partiyanın təmsilçiləri və 692 nəfər bitərəf seçilib". 2022-08-12 tarixində arxivləşdirilib. İstifadə tarixi: 2023-05-13.

[1]

[2]

[3]

[4]