Azərbaycan Liberal Partiyası

Azərbaycan Liberal Partiyası — Azərbaycanda mövcud siyasi partiyalardan biri.

Azərbaycan Liberal Partiyası
ALP Flag.jpg
Lider Lalə Şövkət
Qurucu Lalə Şövkət
Sədri Əvəz Temirxan
Quruluş tarixi 3 iyun 1995
Bölünmə Azərbaycan Liberal Demokrat Partiyası
İdeologiya liberalizm

TarixiRedaktə

Azərbaycan Liberal Partiyası 3 iyun 1995-ci ildə sabiq dövlət katibi professor Lalə Şövkətin rəhbərliyi ilə Bərdə şəhərində təsis konfransında yaradılmışdır. Təsis konfransında partiyanın nizamnaməsi və proqramı qəbul edilmiş, ali orqanları seçilmişdir. Lalə Şövkət ALP-nin sədri seçilmişdir. 14 avqust 1995-ci ildə Azərbaycan Respublikası Ədliyyə Nazirliyinin kollegiyasının qərarı ilə dövlət qeydiyyatına alınmışdır.

Azərbaycan Liberal Demokrat Partiyasının ilk sədri Zakir Məmmədov Azərbaycan Liberal Partiyasının üzvü olmuşdur. Lakin 1998-ci ildə sədr Lalə Şövkətin apardığı siyasətə etiraz etmiş və partiyadan istefa vermişdir.

1999-cu ildə 60%-i ALP-lilərdən ibarət Azərbaycan Liberal Demokrat Partiyası qurulmuşdur.

İdeologiyasının əsasında insan haqlarının müdafiəsi, qanunun aliliyi durur. Proqramının hədəfi insan haqlarının üstünlüyünü təmin edən cəmiyyətin qurulmasıdır.

Partiya siyasi sistemdə mərkəz-sağ mövqedədir. Partiya 65 şəhər və rayon təşkilatı vasitəsilə yerlərdə fəaliyyətini davam etdirir.

Seçkili orqanları sədr, Siyasi Şura, Nəzarət-Təftiş Komissiyası və rayon təşkilatlarıdır. 2008-ci ilin prezident seçkilərində partiya boykot mövqeyində durmuşdur. 2005-ci ilin parlament seçkilərində 70 namizəd irəli sürmüş, bir namizəd parlamentə keçmişdir (Lalə Şövkət). Partiya 2009-cu ildə keçirilən bələdiyyə seçkilərində iştirak etməmişdir. Partiya parlamentdə iştirakdan etmişdir. 2013-cü il Azərbaycan Respublikası prezidenti seçkilərində 2013-cü ildə bəzi müxalif Azərbaycan siyasi partiyalar; tərəfindən yaradılmış Milli Şuraya Qatılmış və siyasi qurumun vahid namizədi Cəmil Həsənliyə dəstək verilməsi qərara alınmışdır.[1]

Partiyanın iqtidar-müxalifət dialoquna münasibəti müsbətdir, lakin ilk addımın iqtidar tərəfindən atılması əsas şərt kimi qəbul olunur. Mövcud resursları baxımından partiya zəif maddi-texniki resurslara malikdir. Siyasi sistemin optimallaşdırılmasında partiya dövlət dəstəyinin təmin olunmasını ən yaxşı yol hesab edir.

Seçkilərdə iştirakıRedaktə

Prezident seçkilərindəRedaktə

İl Namizəd Nəticələri Nəticə
Səs % Yer
1998
Boykot
2003
 

Lalə Şövkət
87,523
3.6%
3.
Məğlub
2008
Boykot
2013
 

Cəmil Həsənli
204 642
5.53 %
2.
Məğlub
2018
Boykot

Partiya SimvollarıRedaktə

Bayrağı və emblemiRedaktə

Partiya bayrağı albalı rəngli fonunda şahə qalxan ağ atın ön hissəsinin şəkilindən ibarətdir. Partiya emblemi ağ fonda açıq göy rəngində stilləşdirilmiş ALP hərflərindən ibarətdir.

QərargahıRedaktə

2005-ci ildən bəri partiya qərargahsızdır. [2].

StrukturuRedaktə

ALP İcraiyyə KomitəsiRedaktə

  1. Elman Məmmədzadə - sədr
  2. Niyazi Abbasov - sədr müavini
  3. Mahir Yaqubov - sədr müavini
  4. Yusif Abdullayev - katib
  5. Solmaz Əzizova
  6. Səfa Quliyev
  7. Edar Əmrahov
  8. Elman Abbasov
  9. Pərviz Hacıyev
  10. İlham Məmmədov
  11. Kəmalə İskəndərova
  12. Fərrux Cəbiyev

Üzvləri və rəhbərləriRedaktə

1995-ci ildən 2003-cü ilə qədər ALP-nin sədri professor Lalə Şövkət idi. 2003-2010 illərində ALP sədrinin birinci müavini Əvəz Temirxan partiyanın sədr əvəzi kimi fəaliyyət göstərmişdir. 12 sentyabr 2010-cu il tarixində ALP-nin növbəti qurultayında Əvəz Temirxan partiyanın yeni sədri seçilmişdir.

İstinadlarRedaktə

  1. LALƏ ŞÖVKƏT MÜXALİFƏTİN VAHİD NAMİZƏDİLƏ GÖRÜŞÜB. lalashevket.az  (azərb.)
  2. Partiyalarımız hara sığınır?

MənbəRedaktə

  • Tahirə Allahyarova, Fərhad Məmmədov. Azərbaycanda siyasi partiyalar: seçkidən seçkiyə. Azərbaycan Respublikasının Prezidenti yanında Strateji Araşdırmalar Mərkəzi. Bakı: 2010, səh.121-122.

Xarici keçidlərRedaktə