Azərbaycan Milli Elmlər Akademiyasının Naxçıvan Bölməsi

Azərbaycan Milli Elmlər Akademiyasının Naxçıvan Bölməsi — Azərbaycan Milli Elmlər Akademiyasının bölmələrindən biri.

AMEA Naxçıvan Bölməsi
Yaranma tarixi	2002
Rəsmi dili	Azərbaycan dili
Mərkəzi	Naxçıvan şəhəri
Sədr	İsmayıl Hacıyev AMEA-nın həqiqi üzvü
ameanb.az

Tarixi

Azərbaycan Milli Elmlər Akademiyasının Naxçıvan Bölməsi ümummilli liderimiz Heydər Əliyevin 7 avqust 2002-ci il tarixli “Azərbaycan MEA Naxçıvan Bölməsinin təsis edilməsi haqqında” sərəncamına müvafiq olaraq yaradılmışdır.

Strukturu

Bölmə nəzdində üç ixtisas üzrə müdafiə şurası fəaliyyət göstərir. Şuranın fəaliyyəti dövründə həm muxtar respublikada yaşayan, həm də Azərbaycanın müxtəlif regionlarından olan 40-a yaxın dissertant tarix, arxeologiya və iqtisadiyyat elmləri üzrə dissertasiyalar müdafiə etmişdir.

2003—2012-ci illərdə bölmənin 50 nəfər əməkdaşı müvəffəqiyyətlə müdafiə etmiş, 6 nəfəri elmlər doktoru, 44 nəfəri isə fəlsəfə doktoru elmi dərəcəsi almışdır. Təkcə 2010-cu ildə bölmənin 13 nəfər əməkdaşı müdafiə etmiş, alimlik dərəcəsinə layiq görülmüşdür. Hazırda bölmədə 2 akademik, 4 müxbir üzv, 5 elmlər doktoru, 50 fəlsəfə doktoru, doktorant və dissertantlar vardır..

AMEA Naxçıvan Bölməsinin "Xəbərlər" və "Axtarışlar" elmi jurnalları ildə 4 nömrə olmaqla mütəmadi olaraq işıq üzü görür.

İnstitutlar

• Tarix, Etnoqrafiya və Arxeologiya İnstitutu.
• İncəsənət, Dil və Ədəbiyyat İnstitutu.
• Təbii Ehtiyatlar İnstitutu.
• Bioresurslar İnstitutu.
• Əlyazmalar Fondu.
• Batabat Astrofizika Rəsədxanası.

Əlyazmalar Fondu

Azərbaycan Milli Elmlər Akademiyası Naxçıvan Bölməsinin Əlyazmalar Fondu ümummilli lider H.Əliyevin 07 avqust 2002-ci il tarixli “Azərbaycan MEA Naxçıvan Bölməsinin təsis edilməsi haqqında” sərəncamına müvafiq olaraq yaradılmış, 08 aprel 2005-ci ildə fəaliyyətə başlamışdır.

Fəaliyyət istiqamətləri Naxçıvan əlyazmalarının toplanması, sistemə salınması, kataloqlaşdıdırlması, qorunması, tədqiqi, nəşri və təbliğidir.

Şöbələri

1. Əlyazmaların toplanması şöbəsi.
2. Əlyazmaların kataloqlaşdırlması, tədqiqi və nəşri şöbəsi.

Təşkilatlar

• AMEA Naxçıvan Bölməsi "Tusi" nəşriyyatı.
• AMEA Naxçıvan Bölməsinin elmi kitabxanası.
• AMEA Naxçıvan Bölməsi nəzdində fəaliyyət göstərən N.01.211 dissertasiya şurası.

Həmçinin bax

• Naxçıvanı Tədqiq və Tətəbbö Cəmiyyəti
• Azərbaycan Milli Elmlər Akademiyasının Gəncə Bölməsi

Xarici keçid

• Azərbaycan Milli Elmlər Akademiyası rəsmi səhifəsində Naxçıvan Bölməsi haqda