Azərbaycan Sosial Rifah Partiyası

Xanhüseyn Kazımlı tərəfindən qurulan və 1995-ci il avqustun 4-də dövlət qeydiyyatına alınan siyasi partiya

Azərbaycan Sosial Rifah Partiyası və ya qısaca ASRPXanhüseyn Kazımlı tərəfindən qurulan və 1995-ci il avqustun 4-də dövlət qeydiyyatına alınan siyasi partiya. ASRP 2000–2020-ci illərdə Milli Məclisdə təmsil olunub. ASRP sədri 1995–2020-ci illərdə Xanhüseyn Kazımlı, 2020-ci ildən isə onun qızı Əsli Kazımovadır.

Azərbaycan Sosial Rifah Partiyası
Loqonun şəkli
Sədri Əsli Kazımova
Qurucu Xanhüseyn Kazımlı
Qeydiyyat tarixi 4 avqust 1995
Baş qərargah Təbriz 92, Nərimanov ray.
Üzv sayı 30 minə yaxın[1]
Kabinetdə
0 / 35
Parlamentdə
0 / 125
Bələdiyyədə
3 / 15.156

TarixiRedaktə

1994-cü ildən İqtisadiyyat Nazirliyi Baş Qiymətlər İdarəsinin rəisi olan Xanhüseyn Kazımlı qurucusu olduğu Azərbaycan Sosial Rifah Partiyası (ASRP) 1995-ci il avqustun 4-də Ədliyyə Nazirliyində dövlət qeydiyyatına alındı.

Yeni qurulan Azərbaycan Sosial Rifah Partiyası üç il sonra, 1998-ci ildə baş tutan Prezident seçimlərində mübarizə apardı. ASRP sədri Xanhüseyn Kazımlı, 8 254 səslə, yəni 0,30 %-lə altı namizəd sırasında sonuncu, 6-cı pillədə qərarlaşdı.

Azərbaycan Sosial Rifah Partiyası 2000-ci il noyabrın 11-də baş tutan Parlament seçimlərində mübarizə apardı. 58 saylı Biləsuvar dairəsindən namizədliyini irəli sürən ASRP sədri Xanhüseyn Kazımlı, qalib gəldi və Milli Məclisin deputatı seçildi.

Azərbaycan Sosial Rifah Partiyası 5 il sonra, 2005-ci il noyabrın 6-da baş tutan Parlament seçimlərində də mübarizə apardı. 66 saylı Biləsuvar dairəsindən namizədliyini irəli sürən ASRP sədri Xanhüseyn Kazımlı, növbəti dəfə qalib gəldi və Milli Məclisin deputatı seçildi.

ASRP sədri Xanhüseyn Kazımlı növbəti illərdə də, 2010-cu il noyabrın 7-da baş tutan2015-ci il noyabrın 1-də baş tutan Parlament seçimlərində də qalib gəldi və 20 il Milli Məclisin deputatı oldu.

2020-ci il iyulun 15-də Azərbaycan Sosial Rifah Partiyasının IX Qurultayı baş tutdu. COVID-19 pandemiyasına görə online formada baş tutan qurultayda ASRP sədri, sədr müavinləri, Nəzarət və Təftiş Komissiyasının üzvləri seçildi. ASRP sədrinin qızı, ASRP sədrinin birinci müavini Əsli Kazımova, Azərbaycan Sosial Rifah Partiyasının 2-ci sədri seçildi.

SədrləriRedaktə

Sıra Foto Sədr Səlahiyyət müddəti
Gəldiyi tarix Getdiyi tarix
1.
  Xanhüseyn Kazımlı
4 avqust 1995
14 iyul 2020
2.
Əsli Kazımova
14 iyul 2020
hal-hazırda

NəticələriRedaktə

ParlamentRedaktə

İl Sədr Nəticələri Mövqe
Səs % Yer
1995
Xanhüseyn Kazımlı
?
? %
0 / 125
Hökumətə Dəstək
2000
Xanhüseyn Kazımlı
?
? %
1 / 125
Hökumətə Dəstək
2005
Xanhüseyn Kazımlı
?
? %
1 / 125
Hökumətə Dəstək
2010
Xanhüseyn Kazımlı
18 074
0.76 %
1 / 125
Hökumətə Dəstək
2015
Xanhüseyn Kazımlı
22 004
0.77 %
1 / 125
Hökumətə Dəstək
2020
Xanhüseyn Kazımlı
1 508
? %
0 / 125
Seçilmədi

BələdiyyəRedaktə

Azərbaycan Sosial Rifah Partiyası yarandığı tarixdən etibarən bütün bələdiyyə seçkilərində iştirak etmişdir. Hal-hazırda bir neçə bələdiyyədə üzvləri var. Həmçinin Yevlax bələdiyyəsiBalaxanı bələdiyyəsinin sədrləri Azərbaycan Sosial Rifah Partiyasının üzvləridir.

QərargahRedaktə

Azərbaycan Sosial Rifah Partiyasının qərargahı Nərimanov rayonunda Təbriz Küç. 92 ünvanında yerləşir.

İstinadlarRedaktə

  1. "Azərbaycandakı bəzi siyasi partiyalar üzvlərinin sayını açıqlayıb - SORĞU". 2022-09-14 tarixində arxivləşdirilib. İstifadə tarixi: 2022-09-11.

Həmçinin baxRedaktə