Azəristan ölkəsi (kitab)
Azəristan ölkəsi (litvaca - „Azerstano šalis“) — Litva yazıçısı Vintsas Krevenin hekayələr kitabı.
| Azəristan ölkəsi | |
|---|---|
 Kitabın azərbaycanca nəşrinin üz qabığı | |
| Müəllif | Vintsas Kreve |
| Orijinalın dili | Litva dili |
| Ölkələr |
 Azərbaycan |
| Orijinalın nəşr ili | 2015 |
| Tərcüməçi | Mahir Həmzəyev |
| Seriya | ATV Kitab |
| Nəşriyyat | Parlaq İmzalar |
| Səhifə | 200 |
| ISBN | ISBN 978-9952-8289-2-4 |
Azərbaycanın milli-mənəvi dəyərlərinin, ədəbiyyatı və tarixinin, məişəti və təbiətinin gözəl bilicisi, Azərbaycan xalqının, onun mədəniyyətinin böyük və səmimi dostu Vintsas Kreve XX əsr Litva ədəbiyyatının ən məşhur klassiklərindən biridir. Onun həyat və yaradıcılığının on bir ilə yaxın dövrü (1909-1920) sıx şəkildə Azərbaycanla bağlı olub və həmin illər yaradıcılığının ən məhsuldar dövrü hesab olunur. O, bir müəllim kimi, Abdulla Şaiq və Azərbaycanda bir çox yazıçı, jurnalist, həkim, iqtisadçı, alim-pedaqoq, ictimai xadim kimi tanınan azərbaycanlışagird və tələbələrin mütərəqqi dünyagörüşlərinin formalaşmasında, ədəbi-estetik və elmi-nəzəri baxışlarının düzgün istiqamətdə təşəkkül tapmasında böyük rol oynayıb.
Məzmun redaktə
Xəbərdarlıq: Yazının davamı əsərin məzmunu haqqında məlumat ehtiva edir.V.Kreve Şərq mifləri əsasında yazdığı, xüsusilə Azərbaycan tarixi və milli-mənəvi dəyərləri, məişəti, dini adət-ənənələri və təbiətini ustalıqla təsvir etdiyi "Azəristan ölkəsi" yüksək ədəbi məziyyətləri, dərin dini-fəlsəfi müddəaları və milli varlığın yaşadılması ilə bağlı vacib, həyati şərtləri özündə ehtiva edən çox əhəmiyyətli bir əsərdir.
Xəbərdarlığın sonu.