Azad Hətəm oğlu Şükürov (11 fevral 1959, Ağdam) — Azərbaycan aktyoru və bədii qiraətçi, Azərbaycanın əməkdar artisti (2002), Azərbaycan Dövlət Mədəniyyət və İncəsənət Universitetinin Professoru.

Azad Şükürov
Doğum adı Azad Hətəm oğlu Şükürov
Digər adı Azad Şükür
Doğum tarixi (65 yaş)
Doğum yeri Ağdam, Muğanlı
Fəaliyyəti aktyor
Fəaliyyət illəri 1981-bu günə qədər
Təhsili
Mükafatları "Azərbaycan Respublikasının əməkdar artisti" fəxri adı — 2002"Sənətkar" medalı
3-cü dərəcəli "Əmək" ordeni — 2023

Həyatı redaktə

Azad Şükürov 11 fevral 1959-cu ildə Ağdamın Muğanlı kəndində müəllim ailəsində anadan olub. Hələ orta məktəbdə oxuduğu illərdə bədii özfəaliyyət dərnəyinin fəal üzvlərindən olub. Daha sonra Xətai adına mədəniyyət sarayının nəzdində fəaliyyət göstərən Azərbaycan xalq teatrına üzv yazılıb.

Azərbaycan Dövlət İncəsənət İnstitutunun aktyorluq fakültəsində — Rza Təhmasibin kursunda təhsil alıb (1977–1981). İnstitutu fərqlənmə diplomu ilə bitirdikdən sonra bir müddət Nəcəf bəy Vəzirov adına Lənkəran Dövlət Dram Teatrında çalışıb (1981–1984). Daha sonra Tədris Teatrında (1984–1990), Şuşa Dövlət Musiqili Dram Teatrında (1990–1992) çalışıb.

1992–2009-cu illərdə Bakı Bələdiyyə Teatrında çalışmışdır. 1990-cı ildən Mədəniyyət və İncəsənət Universitetinin Səhnə danışığı kafedrasında müəllim işləyən Azad Şükürov birinci dəfə 6 il (1996/2002), ikinci dəfə 7 il (2015/ 2022) həmin kafedranın müdiri olub, indi Musiqili teatr aktyoru kafedrasının müdiridir, Professordur. Eləcə də bir sıra ədəbi-dram verilişlərində, dublyaj redaksiyasında fəaliyyət göstərir, qiraət ustasıdır. 2003-cü ildə İranda keçirilən I Tehran Beynəlxalq Komediya Festivalında qızıl medala layiq görülüb. Əməkdar artistdir (2002).

13 dekabr 2023-cü ildə Azərbaycan Dövlət Mədəniyyət və İncəsənət Universitetinin 100 illiyi münasibətilə 3-cü dərəcəli "Əmək" ordeni ilə təltif edilmişdir.[1]

10 mart 2024-cü ildə Azərbaycan Teatr Xadimlər İttifaqının təsis etdiyi “Sənətkar” medalı ilə təltif olunub

Filmoqrafiya redaktə

  1. Ah, ədalət!
  2. Şirin bülbül (film, 2000)
  3. Başmaq (film, 2001)
  4. Atillanın atlıları (film, 2002)
  5. Əsirin qayıtması (film, 2002)
  6. Qeybdən gələn səs (film, 2002)
  7. Bir anın həqiqəti (film, 2003)
  8. Oyun (film, 2003)
  9. Tənha durna uçuşu (film, 2003)
  10. Akademik Yusif Məmmədəliyev (film, 2005)
  11. Yeni həyat (2005)
  12. Yalan (film, 2005)
  13. Cavid ömrü (film, 2007)
  14. Prokuror (2008)
  15. Qovğalı kəndinin gecələri (film, 2008)
  16. Tərsinə çevrilən dünya (film, 2011)
  17. Mürafiə vəkillərinin hekayəti (film, 2011)
  18. Sübhün səfiri (film, 2012)
  19. Qağayı (2012)
  20. Yazıçı (2013)
  21. Fədakar (film, 2015)
  22. Vicdan haqqı (teleserial, 2016)
  23. Şərəfli ömür (film, 2016)

Xarici keçidlərlər redaktə

  1. "Azərbaycan Dövlət Mədəniyyət və İncəsənət Universitetinin əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2023-12-13 tarixində arxivləşdirilib. İstifadə tarixi: 2023-12-13.