Azov rayonu

Azov rayonu — Rusiya Federasiyasında, Rostov vilayətində inzibati-ərazi vahidi. Rayon mərkəzi Azov şəhəri rayon tərkibinə daxil deyil.

İnzibati vahid
Azov rayonu
Bayraq Gerb
47°06′ şm. e. 39°25′ ş. u.
Ölkə	Rusiya
Daxildir	Rostov vilayəti
İnzibati mərkəz	Azov
Tarixi və coğrafiyası
Yaradılıb	1924
Sahəsi	2.861,93 km²
Saat qurşağı	UTC+03:00 Moskva vaxtı[d]
Əhalisi
Əhalisi	98 338 nəfər
Rəqəmsal identifikatorlar
Telefon kodu	86342
Rəsmi sayt
Vikianbarda əlaqəli mediafayllar

Coğrafiyası

Azov rayonu Rostov vilayətinin cənub-qərb hissəsində, Taqanrok körfəzinin Cənub sahilində yerləşir. Don çayının deltasında yerləşən rayonun sahəsi — 2966,0 km²-dir. Rayon ərazisi fərqli landşaft formaları ilə zəngindir. Ərazidə cənubi rus çölü, sahil rayonu, don deltasının qoruq ərazisi diqqəti cəlb edir. 1884-cü ildə rayon ərazisində Aleksandrovski meşəsi salınmışdır.

Tarixi

XVIII əsrin sonu, XIX əsrin əvvəllərində Azov dənizi sahilləri sürrətlə məskunlaşmağa başladı. Bölgə əhalisi əsasən Ukraynadan və Rusiyanın Mərkəzi quberniyasından gələnlərin hesabına artırdı. Çöl ərazilərində qısa zamanda çoxlu kəndlər və xutorlar formalaşdı.

XIX əsrin ikinci yarısında Azov ərazilərind xalqçılıq geniş vüsət almışdır. 1905-ci il inqılabı zamanında Azov sahili ərazilərdə kəndli üsyanları geniş yayılmışdır. Azov ətrafında ağ qvardiyaçıların tam darmadağın edilməsi 1 mart 1920-ci ildə baş tutdu. Bölgədə sovet hakimiyyəti bərqərar oldu.

1928-ci ildə Azov rayonu ərazisində ilk Şimali Qafqaz maşın-traktor stansiyası yaradıldı (Aleksandrovskaya MTC).

Əhalisi

2021-ci ilin siyahıya alınmasına görə rayon əhalisinin sayı 98 338 nəfərdir. Ərazidə 20 yaxın millətin nümayəndələri yaşayır. Rayon ərazisində 99 yaşayış məntəqəsi var. Bunlar 18 kənd məskunlaşma formasının tərkibinə daxildir.

İqtisadiyyatı

Azov rayonu ərazisində bir neçə sənaye müəssisələri mövcuddur. Bunlardan ən böyüyü — "Coca-Cola Eyç Bi Si Evraziyadır". Burda alkoqollsuz içkilər istehsal olunur.

Nəqliyyatı

Azov rayonu ərazisindən dövlət əhəmiyyətli nəqliyyat xəttləri keçir. Bunlardan ən əsası M4 dəmir yol və avtomovil magistiralıdır. Bu magistiral Rusiyanın Avropa hissəsini Şimali Qafqazla birləşdirir.Digər vacib magistirallar: Bataysk-Yeysk və Azov — Starominsk -Krasnodar.

Görməli yerləri

Rayon ərazisində kompleks təbət abidələrinin yerləşdiyi Don təbiət parkı fəaliyyət göstərir. Park iki hissədən ibarətdir: Delta Don və xüsusi qorunan ərazi — Levoberejniy yasaqlığı. Ərazidə həmçinin regional əhəmiyyətə malik olan mədədiyyət obyektləri yerləşir.