Böyükşor bulvarı
Böyükşor bulvarı və ya Böyükşor parkı – Azərbaycanın Bakı şəhərinin Nərimanov rayonunda, Böyükşor gölünün sahilində yerləşən bulvar tipli park.[1] Açılışı 22 may 2015-ci ildə baş tutub.[1] Açılışda Azərbaycan prezidenti İlham Əliyev və həyat yoldaşı Mehriban Əliyeva iştirak edib.[1]
| Böyükşor bulvarı | |
|---|---|
 Bulvarın yuxarıdan görünüşü. | |
| Məlumatlar | |
| Parkın tipi | bulvar |
| Ölkə | |
| Yerləşməsi |
Nərimanov rayonu, Bakı,  Azərbaycan |
| Koordinatları | 40°25′57″ şm. e. 49°54′51″ ş. u.HGYO |
| Sahəsi | 15 ha |
| Yaradılıb | 22 may 2015 |
| Statusu | açılıb |
Bulvar 2014-cü ildə təsdiq edilmiş "2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"na və 2013-cü ildə təsdiq edilmiş "Böyükşor gölünün ekoloji vəziyyətinin yaxşılaşdırılması, mühafizəsi və istifadəsi sahəsində əlavə tədbirlər haqqında" fərmana uyğun olaraq yaradılıb.[1] Bulvar gölün şərq və cənub sahilində yerləşir. Sahəsi isə 15 hektardan çoxdur.[1] Bulvar neftlə çirklənmiş torpaqların təmizlənməsindən sonra salınıb.[1] Həmçinin çirklənmiş yeraltı suların gölə daxil olmasının qarşısı tamamilə alınıb və drenaj sistemi qurulub.[1]
Sahilboyu gəzinti zolağının uzunluğu 2,5 kilometr, bulvar sahəsinin ümumi eni isə 94 metrdir.[1] Burada idman və uşaq oyun meydançaları qurulub, ayrıca qaçış və velosiped zolaqları salınıb.[1] Gölün içində quraşdırılmış fəvvarələr kompleksi gölün suyunun keyfiyyətinin yaxşılaşdırılması üçün onu oksigenlə zənginləşdirir.[1] Gölün idarə edilməsi, su keyfiyyətinin yaxşılaşdırılması və monitorinqi üçün günəş enerjisi ilə qidalanan xüsusi qurğulardan istifadə edilir.[1]
Bulvarın qazon sahəsi 76 191 m², ağaclarının sayı 3550, kolluqlarının sayı 33287, skamyalarının sayı isə 287-dir.[2]
İstinadlar
redaktə- ↑ 1 2 3 4 5 6 7 8 9 10 11 "İlham Əliyev Böyükşor bulvarının və parkının açılışında iştirak edib". President.az (az.). 22 may 2015. 23 May 2015 tarixində arxivləşdirilib. İstifadə tarixi: 27 avqust 2021.
- ↑ "Böyükşor bulvarı". Bakı Abadlıq Xidməti (az.). 2021-08-27 tarixində arxivləşdirilib. İstifadə tarixi: 27 avqust 2021.