Böyük Şərqi Yaponiya Zəlzələsinin Dağıntıları Kesennuma Şəhər Memorial Muzeyi
Böyük Şərqi Yaponiya Zəlzələsinin Dağıntıları Kesennuma Şəhər Memorial Muzeyi (気仙沼市東日本大震災遺構・伝承館?) – Yaponiyanın Miyaqi prefekturasının Kesennuma şəhərində yerləşən muzey. 2011-ci ilin martında Yaponiyada baş vermiş Tohoku zəlzələsi və sunamisinin səbəb olduğu dağıntılara həsr olunmuşdur.
| Böyük Şərqi Yaponiya Zəlzələsinin Dağıntıları Kesennuma Şəhər Memorial Muzeyi | |
|---|---|
 | |
 | |
| Açılış tarixi | 10 mart 2019 |
| Ölkə | |
| Yerləşir | Kesennuma[d] |
| 38°49′52″ şm. e. 141°35′27″ ş. u.HGYO | |
| kesennuma-memorial.jp | |
 Vikianbarda əlaqəli mediafayllar | |
Tarixi
redaktəMuzeyin rəsmi açılışı 10 mart 2019-cu ildə baş tutmuşdur. Fəaliyyətinin ilk bir ili ərazində 100.000-ə yaxın ziyarətçi qəbul etmişdir.[1]
Xüsusiyyətlər
redaktəMuzey keçmiş Kesennuma Koyo liseyinin dördmərtəbəli binasının ərazisində yerləşir. 2011-ci ildə baş vermiş Tohoku zəlzələsi və sunamisi zamanı liseyin 170 şagirdi təxliyə edilmişdir. Zərər görmüş lisey və ətrafındakı digər tikililərin mühafizə olunmuş dağıntıları muzeyin əsasını təşkil edir. Muzey fəlakətin səbəb olduğu dağıntıları nümayiş etdirmək məqsədini daşıyır.[1]
Muzeyin dağıntılar sahəsində heç bir işçi yoxdur və heç bir şeyə toxunulmayıb. Otaqların şüşəsi sındığı üçün interyeri xarici təsirlərdən qoruyan heç bir vasitə yoxdur. Bu səbəbdən muzeyin dağıntıları "tədricən yoxa çıxmaqdadır". Üçüncü mərtəbədə sunami nəticəsində arxası üstə çevrilərək binaya daxil olmuş maşın dayanır. Lisey binasının yanında damı uçmuş gimnaziya binasının xarabalıqları yerləşir. Binanın damında beş parta düzülərək sərgilənir. Belə ki, şagirdlər binanın ən hündür nöqtəsinə çatmaq üçün partaları üst-üstə qoymağı yoxlamışdılar. Şimal binasının dəhlizi məktəb həyatını əks etdirən fotolarla bəzədilmişdir.[1]
Muzey binası lisey dağıntılarının yanında tikilmişdir. Belə ki, məktəb dağıntılarına ekskursiya muzey binasından başlayır. Burada fəlakət haqqında filmlər və fotolar sərgilənir, təxliyə fəaliyyəti və təxliyə olunanların həyatları əks etdirən sərgilər yerləşir.[1]
Qalereya
redaktə-
Damsız gimnaziya binası. -
Lisey binasının uçmuş divarı. -
Sunaminin gətirdiyi maşın.
İstinadlar
redaktə- ↑ 1 2 3 4 "A Disaster Frozen in Time: Ruins of the Great East Japan Earthquake Kesennuma City Memorial Museum". Nippon.com (ingiliscə). 11 dekabr 2020. 11 iyun 2024 tarixində arxivləşdirilib. İstifadə tarixi: 11 iyun 2024.
Xarici keçidlər
redaktə- kesennuma-memorial.jp — Rəsmi saytı