Böyük Quruluş Partiyası

Azərbaycanda siyasi partiya

Böyük Quruluş Partiyası — Azərbaycanda mövcud siyasi partiyalardan biri.

Böyük Quruluş Partiyası
Loqonun şəkli
Sədri Fazil Mustafa
Qurucu Fazil Mustafa
Quruluş tarixi 2003
Qeydiyyat tarixi 12 avqust 2005
Birləşmə Milli Etimad Partiyası (2008)
Üzv sayı 10 000 (2022)[1]
Şüar Böyük quruluşdur bizim adımız, tarixdə qalacaq təmiz andımız!
Parlamentdə
1 / 125
9 fevral 2020
Avropa Şurası Parlament Assambleyasında
1 / 648
[2]
Saytı bqp.az

HaqqındaRedaktə

Böyük Quruluş Partiyası (BQP) 2003-cü ildə təsis edilmiş, 2005-ci ildə dövlət qeydiyyatına alınmışdır. Partiyanın 65 rayon təşkilatı var. 4 ildən bir qurultay keçirilir. Qurultayda kvota 1/10-ə nisbətindədir. Seçkili orqanları sədr, Ali Məclis, Siyasi Qurul, Nəzarət-Təftiş Qurulu və rayon təşkilatlarıdır. Sədr və Nəzarət-Təftiş Komissiyası qurultayda, rayon sədrləri isə yerlərdə seçilirlər.

Partiyaların dövlət tərəfindən maliyyələşdirilməsinə müsbət baxır, siyasi partiyalar haqqında qanuna dəyişikliklər edilməsi tərəfdarıdır.

2008-ci ildə Məhəmməd Soltanoğlunun rəhbərlik etdiyi rəsmi dövlət qeydiyyatı olmayan Milli Etimad Partiyası Böyük Quruluş Partiyasına birləşmə qərarı almışdır. Milli Etimad Partiyasının üzvlərinin fərdi şəkildə Böyük Quruluş Partiyasına üzv olması qərara alınmışdır.[3]

SeçkilərdəRedaktə

2005, 2010, 2015, 2020-ci illər parlament seçkilərində 1 nəfər — Fazil Mustafa millətvəkili seçilmişdir.

İdeologiyaRedaktə

İdeologiyasının əsası quruluşçuluq (strukturalizm) və dövlət səlahiyyətlərinin məhdudlaşdırılmasıdır. Proqramının hədəfi cəmiyyətdə liberal-demokratik ideyaların yayılmasıdır. Siyasi sistemdə mövqeyi sağ-mərkəzçilikdir.

İstinadlarRedaktə

  1. ""Qanunu yazanlar öncə xalqı inandırmalıdırlar ki, bu, hansı əşədü-ehtiyacdan doğub"". 2022-10-02 tarixində arxivləşdirilib. İstifadə tarixi: 2022-10-02.
  2. 1 əvəzedici
  3. "Arxivlənmiş surət". 2022-05-24 tarixində arxivləşdirilib. İstifadə tarixi: 2022-06-09.

MənbəRedaktə

  • Tahirə Allahyarova, Fərhad Məmmədov. Azərbaycanda siyasi partiyalar: seçkidən seçkiyə. Azərbaycan Respublikasının Prezidenti yanında Strateji Araşdırmalar Mərkəzi. Bakı: 2010, səh. 128–129.