Bəşirtəpə yaşayış yeri

Bəşirtəpə — yaşayış yeri Ağdam rayonu Kiçikli kəndinin cənub-şərq qurtaracağında, Böyükbəyli-Xındırıstan yolunun sağ tərəfində yerləşir. Yerli sakinlərin sözlərinə görə bu təpə vaxtilə çox hündür olmuş, keçən əsrin 80-cı illərində onun üzərində uşaq bağçası və 90-cı illərdə isə "20 Yanvar" şəhidlərinin xatirəsinə abidə ucaldılarkən səthi dağıdılmışdır. Təpə çox dağıntıya məruz qalıb və zibilliyə çevrilib, hal-hazırda hündürlüyü şimal tərəfdə 2 m, diametri isə 60 m olar.Toplanılmış saxsı məmulatının müqayisəli analizinə istinad edərək bu abidənin Leylatəpə mədəniyyətinə aid olduğunu söyləyə bilərik. Abidə çox dağıldığından və ərazisinin böyük hissəsinin həyətyanı sahələr tərəfindən zəbt edilməsi səbəbindən burada topoqrafiq ölçü işlərinin aparılması mümkünsüz olmuşdur.[1]

İstinadlar redaktə

  1. Xaqani İmran oglu Almammadov. Qarabağın arxeoloji abidələri toplusu. I kitab. Bakı: Çap Art nəşriyyat evi, 2016