Bəxtiyar Vahabzadənin ev-muzeyi

Bəxtiyar Vahabzadənin ev-muzeyi — Azərbaycanın xalq şairi, dramaturq, ədəbiyyatşünas alim, ictimai xadim Bəxtiyar Vahabzadəyə həsr olunmuş xatirə muzeyi. Muzeyin binası Şəkidə, Bəxtiyar Vahabzadənin vaxtilə yaşadığı, sonradan uşaq bağçası kimi fəaliyyət göstərən evdə yerləşir.[2] Muzey Azərbaycan şairi Bəxtiyar Vahabzadə irsinin dərindən öyrənilməsini həyata keçirən, aidiyyatı materialları toplayan, qoruyan, elmi cəhətdən araşdırılmasını təşkil edən mədəniyyət, elmi-tədqiqat müəssisəsidir.

Bəxtiyar Vahabzadənin ev-muzeyi
Bəxtiyar Vahabzadənin ev-muzeyi.jpeg
Əsası qoyulub 27 oktyabr 2015
Açılış tarixi 31 avqust 2018
Mövzu Ədəbiyyat
Ölkə
Yerləşir Şəki, Azərbaycan
Ünvan Ə.Haqverdiyev küçəsi, 73
Kolleksiyası 735
Direktor Elşən Zəkəriyyəbəyli[1]

TarixiRedaktə

Muzeyin əsası şairin doğumunun 100 illiyi ilə münasibətilə, Azərbaycan Prezidentinin 27 oktyabr 2015-ci il tarixli sərəncamı ilə qoyulmuşdur. 2017–2018-ci illərdə aparılan bərpa, yenidənqurma və bədii tərtibat işlərindən sonra muzeyin rəsmi açılış mərasimi 31 avqust 2018-ci ildə olmuşdur.[3]

EkspozisiyaRedaktə

Ev muzeyinin ekspozisiyası 70m2 təşkil edir və 3 otaqdan ibarətdir. Burada həmçinin inzibati və fond otaqları da vardır. Muzeyin ekspozisiyasının əsasını şairin ailəsi tərəfindən təqdim edilmiş sənəd, kitab, əlyazma, foto və arxiv sənədləri, şəxsi əşyalar təşkil edir. Burada ümumilikdə 735 ədəd eksponat ziyarətçilərə nümayiş olunur.[2]

İstinadlarRedaktə

  1. ARB Şəki (13.02.2019). "Bəxtiyar Vahabzadənin Ev Muzeyinin direktoru Elşən Zəkəriyyəbəyli "Bizim Xəbər"də" (azərb.). Youtube.com. İstifadə tarixi: 2019-02-13.
  2. 1 2 "Şəkidə Xalq şairi Bəxtiyar Vahabzadənin ev-muzeyinin açılışı keçirildi" (azərb.). Azərbaycan Respublikası Mədəniyyət Nazirliyi. İstifadə tarixi: 5 sentyabr 2018.
  3. "Şəkidə Xalq şairi Bəxtiyar Vahabzadənin ev-muzeyi açılıb" (azərb.). AZƏRTAC – Azərbaycan Dövlət İnformasiya Agentliyi. İstifadə tarixi: 5 sentyabr 2018.