Babək Məhərrəmov
Məhərrəmov Babək Cəfərqulu oğlu (14 mart 1967, Mollakənd, Kürdəmir rayonu – 12 yanvar 1994, Aşağı Əbdürrəhmanlı, Füzuli rayonu) — şəhid.
| Babək Məhərrəmov | |
|---|---|
| Şəxsi məlumatlar | |
| Doğum tarixi | 14 mart 1967 |
| Doğum yeri | |
| Vəfat tarixi | 12 yanvar 1994 (26 yaşında) |
| Vəfat yeri | |
| Vətəndaşlığı | |
| Hərbi fəaliyyəti | |
| Döyüşlər | |
Həyatı redaktə
1967-ci ilin mart ayının 14-də Kürdəmir rayon Mollakənd kəndində dünyaya göz açmışdır. 1973-cü ildə Kürdəmir rayon Q.Sadıqov adına Mollakənd kənd tam orta məktəbinə 1-ci sinfinə qəbul olmuşdur. 1982-ci ildə Kürdəmir 115 nömrəli kənd ortatexniki peşə məktəbinin qaynaqçı ixtisasına qəbul olmuşdur. 1985-ci ilin iyul ayının 15-də Kürdəmir rayon 115 nömrəli kənd orta texniki peşə məktəbinin traktor-maşinist ixtisasını bitirmişdir 1985-ci ilin dekabr ayının 3-dən Sovet Ordusu sıralarında Moskva şəhəri yaxınlığında hərbi xidmət keçmişdir.1987-ci ilin dekabr ayının 28-də həqiqi hərbi xidmətdən tərxis olunmuşdur.
1988-ci ilin may ayının 3-də AzKTSÇT-də III dərəcəli betonçu vəzifəsinə 68 nömrəli əmrlə qəbul olunmuşdur. 1990-cı ilin oktyabrın 18-də Kürdəmir şəhər AzKTSÇT idarəsində II dərəcəli fəhlə vəzifəsinə qəbul olunmuşdur. 1992-ci ilin iyun ayının 10-da “Azərneft” birliyinin Carlı KRİ İstehsalat-təchizat şöbəsinə yardımçı fəhlə vəzifəsinə qəbul edilmişdir. 1992-ci ilin dekabr ayının 7-də neft və qaz quyularının qazılması üzrə 3-cü dərəcəli qaz köməkçisi vəzifəsinə keçirilmişdir.
1992-ci ildə Qarabağ müharibəsi başladı. Azğınlaşmış ermənilər kəndləri, qəsəbələri, şəhərləri bir-bir tutur, yandırır, xarabalığa çevirirdilər.
Babək Məhərrəmov 1993-cü ilin yay aylarından 708 saylı hərbi hissənin tərkibində Füzuli istiqamətində döyüşlərə qatılmışdır. Azərbaycan Respublikasının uğurlu qış kampaniyası olan-Horadiz əməliyyatının iştirakçısı olmuşdur.
1993-cü il avqustun sonunda Qubadlını ələ keçirən ermənilər, yenidən qruplaşma üçün ehtiyac duyduğundan, atəşkəs elan etmişdilər və Ermənistandan yeni silah və qoşunları gəlişi üçün gözləmək məcburiyyətində idi. Oktyabrın sonlarında erməni hərbi birləşmələri Azərbaycan-İran sərhədində yerləşən Horadizi tez ələ keçirib, bununla Zəngilan rayonunun Azərbaycan ərazisi ilə əlaqəsini kəsdi. 1993-cü il dekabr ayında erməni silahlı dəstələri Füzuli şəhərinin şərqinə hərəkət etmək üçün cəhd göstərsə də, görünməmiş müqavimət ilə qarşılaşdı və geri çəkilməyə məcbur oldu. Bundan sonra Azərbaycan ordusu üç istiqamətdə hücuma keçdi. 15 dekabrda Azərbaycan hərbçiləri dərhal 5 istiqamətdə hücuma keçdi — Füzuli, Xocavənd, Ağdam, Ağdərə və Kəlbəcər istiqamətində hücumu oldu.
Bu əməliyyatlar tarixə Horadiz əməliyyatı kimi düşdü. Horadiz əməliyyatı Azərbaycan Ordusunun 1994-cü ilin qış kampaniyasında keçirdiyi ən uğurlu əməliyyat olub.
Babək Məhərrəmov 12.01.1994-cü ildə Füzuli rayonun Aşağı Abdürrəhmanlı kəndində gedən ağır döyüşlərdə şəhid olmuşdur. Ailəli idi. 1992-ci ilin dekabr 17-də ailə həyatı qurmuşdu. 1994-cü ildə oğlu Xəyal Məhərrəmov dünyaya göz açmışdır. Adının əbədiləşdirilməsi üçün dövlət tərəfindən Kürdəmir rayon Mollakənd kəndində əsas baş küçəyə adı verilmişdir.