Badamdar

Badamdar — Bakının Səbail rayonunda qəsəbə.

Badamdar
40°20′22″ şm. e. 49°48′14″ ş. u.
Ölkə	Azərbaycan
Rayon	Səbail rayonu
Tarixi və coğrafiyası
Mərkəzin hündürlüyü	161 m
Saat qurşağı	UTC+04:00
Badamdar
Vikianbarda əlaqəli mediafayllar

Haqqında

Şəhərin cənubunda yüksəklikdə yerləşmiş Badamdar qəsəbəsi vaxtı ilə məşhur yayla olmuşdur. Bakıdakı kənd və məskun yerlərin adları əksərən fars sözləri ilə düzəldiyindən Badamdar da farsca badam olan yer deməkdir. Dar fars dilində yer, məkan bildirir. Bəziləri bu sözün badam dər mənası verdiyini iddia edirlər. Guya Şubanı dağları arxasında Güldər dərəsi sözü kimi ismin axırına dər əlavə etməklə yaradılmışdır. Əlbəttə, bu səhvdir. Badamdar sözünü ruslar Patamdar kimi tələffüz etməklə bəzi rəsmi sənədlərdə də bu yerin adı Patamdar kimi yazılır.

1990-cı ildə qəsəbə statusu almışdır. Əhalisi 21,6 min nəfərdir. Əhalisi əsasən sənaye müəssisələrində və xidmət sahələrində çalışır. Sosial obyektləri və avtomobil bazarı vardır. Son illər Bakı şəhərinin böyük yaşayış massivinə çevrilmişdir.

Həmçinin bax

• Səbail
• Bakı