Baftalı

Baftalı — Azərbaycanın qədim xalq rəqslərindən biri.

Qədimdə saray xanımlarının geyindikləri bahalı parçalar, qadın geyimlərinin yaxalıqları, məhz, qızılı-ipək bafta ilə bəzədilərdi. Rəqsin melodiyasını Üzeyir Hacıbəyli özünün "Arşın mal alan" musiqili komediyasında istifadə etmişdir. Burada Əsgərin evlənmək istədiyini öyrənən Cahan xalanın;

Çadramı sallam başıma, üz-gözümü bəzərəm,
Gedib sənə qız axtarıb, hər tərəfi gəzərəm.
Bəyin, xanın və tacirin qızlarını düzərəm,
Çəməndəki o güllərin ən gözəlin üzərəm.

sözləri ilə oxuduğu mahnı bu rəqsin musiqisi ilə səsləndirilmişdir.