Bahadur Eyvazov
Eyvazov Bahadur Əsgər bəy oğlu (26 oktyabr 1907, Qaryagin rayonu – 1987) — görkəmli həkim, dermatoveneroloq, tibb elmləri doktoru (1936), professor (1940), Azərbaycan SSR-nin Əməkdar həkimi (1942), Azərbaycan SSR əməkdar elm xadimi (1956).[1]
| Bahadur Eyvazov | |
|---|---|
| Bahadur Əsgər bəy oğlu Eyvazov | |
 | |
| Doğum tarixi | |
| Doğum yeri | Qarğabazar, Füzuli |
| Vəfat tarixi | |
| Həyat yoldaşı | Xurşid Ağayeva |
| Elm sahələri | həkim, dermatoveneroloq |
| Elmi dərəcəsi | tibb elmləri doktoru (1936) |
| Elmi adı | professor (1940) |
| Mükafatları |
 |
Həyatı Redaktə
Bahadur Eyvazov 26 oktyabr 1907-ci ildə Qaryagin qəzasının Qarğabazar kəndində anadan olmuşdu. Kəndlərindəki natamam məktəbi bitirəndən sonra Bakı şəhərində orta təhsil almışdır. Sonra Bakı Dövlət Universitetinin tıbb fakültəsini bitirmişdi.
1935-1937-ci illərdə Azərbaycan SSR Səhiyyə Komissarlığında elm və tibb təhsili idarəsinə başçılıq etmiş, 1938-1946-cı illərdə Azərbaycan Elmi-Tədqiqat Dəri-Zöhrəvi Xəstəlikləri İnstitutunun direktoru vəzıfəsində çalışmışdı.
1946-1964-cü illərdə N.Nərimanov adına Azərbaycan Dövlət Tibb İnstitutunun rektoru olmuşdu. 1973-cü ildən Azərbaycan SSR Elmi-Tədqiqat Hematologiya və Qanköçürmə İnstitutunun direktoru vəzifəsində çalışmışdı. Hazırda həmin institut onun adını daşıyır. Tədqiqatı əsasən, dəri-zöhrəvi xəstəliklərin klinikası və epidemiologiyasının, respublika balneoloji kurort sərvətlərinin (Naftalan nefti, Suraxanı kükürdlü suyu, Şıx mineral bulağı, Şuşa iqlim kurortu və s.) öyrənilməsinə həsr olunmuşdur.
Azərbaycan SSR Ali Sovetinin (2-ci və 5-ci çağırış) deputatı seçilmişdi.
Ailəsi Redaktə
Bahadur Eyvazov Azərbaycan Cümhuriyyətinin rəhbərlərindən olan Həsən bəy Ağayevin qızı Xurşid Ağayeva ilə ailə qurmuşdu.[2]
İstinadlar Redaktə
- ↑ "Əsgər bəy Eyvazov və övladları - Tarix". 2023-01-16 tarixində arxivləşdirilib. İstifadə tarixi: 2023-01-16.
- ↑ "Qızının üzünə həsrət qalan ilk xanım müsiqişünasımız". 2023-01-16 tarixində arxivləşdirilib. İstifadə tarixi: 2023-01-16.