Bakı şəhəri 189-190 nömrəli tam orta məktəb

Bakı şəhəri 189-190 nömrəli tam orta məktəb[1]Azərbaycan Respublikasının Bakı şəhərində ümumi təhsil müəssisəsi.

Bakı şəhəri 189-190 nömrəli tam orta məktəb
Direktor Ceyran Kuliyeva
Şagird sayı 1436
Müəllim sayı 130
Şəhər Bakı
Ünvan Bakı şəhəri, Səbail rayonu

TarixiRedaktə

189 və 190 nömrəli məktəblər 2013-cü ildə birləşib.[1]

Prezident İlham Əliyev orta məktəbdə həyata keçirilən təmir və yenidənqurma işlərindən sonrakı vəziyyətlə tanış olub.[1]

189 nömrəli məktəbRedaktə

189 nömrəli məktəbin binası isə 1937-cü ildə inşa edilib.[1] Bina 1941-1945-ci illərdə 15/46 nömrəli təxliyyə hospitalı kimi fəaliyyət göstərib.[1]

1930-1933-cü illərdə Bakının mərkəzində ucaldılmış kilsə sökülərək, onun yerində yeni məktəb binası inşa edildi. 1937-ci ildə artıq tikintisi başa çatmış binada 189 №-li məktəb tədris ocağı kimi fəaliyyətə başladı. II Dünya Müharibəsi illərində məktəb binasında 1546 №-li təxliyə hospitalı yerləşdirildi. 1947-ci ildən isə 189 №-li məktəb tədris müəssisəsi kimi yenidən öz ocağına qayıtdı. Bu tədris ocağının fəaliyyətinə rəhbərlik etmiş direktorlardan Nina Alekseyevna, Əziz Qafaroviç, Taisa Petrovna və Bella Cəlilovanın məktəbin uğurlarında böyük əməyi olmuşdur. 1945-ci ildə fəaliyyətə başlayan 190 №-li məktəbin ilk direktoru Sona xanım Tağıyeva olmuş və o, 59 il bu məktəbə rəhbərlik etmişdir.

1957-ci ildə məktəb üçün yeni bina inşa edilmişdir. Bütün fəaliyyəti boyunca təhsil Azərbaycan dilində həyata keçirilən 190 №-li məktəbə Sona xanımın vəfatından sonra məktəbə Əməkdar müəllim Afət xanım Bakıxanova rəhbərlik etmişdir.


Məktəbdə tədris rus və Azərbaycan dillərində həyata keçirilir. Məktəbimiz Təhsil Nazirliyinin və British Council təşkilatının birgə layihəsi olan “Fun English” layihəsinə, eləcə də, “Elektron məktəb” layihələrinə qoşulub.

190 nömrəli məktəbRedaktə

190 nömrəli orta məktəb 1946-cı ildə fəaliyyətə başlayıb.[1] Məktəb üçün bina 1957-ci ildə inşa olunub. O vaxta qədər isə təhsil ocağı Bülbül adına Musiqi Məktəbinin binasında fəaliyyət göstərib.[1] 2013-cü ildə 190 nömrəli məktəbin binasına göçürülərək onunla birləşdirilib.[1]

Maddi-texniki bazasıRedaktə

Məktəbin binasında yenidənqurma işlərinə 2015-ci ilin aprelində başlanılıb və yüksək səviyyədə həyata keçirilib.[1] Beş mərtəbədən ibarət məktəbdə 42 sinif otağı var.[1]

NailiyyətləriRedaktə

İstinadlarRedaktə