Əsas menyunu aç

Bakı Ali Neft Məktəbi

Azərbaycan Dövlət Neft Şirkətinin nəzdində ali təhsil müəssisəsi

Bakı Ali Neft Məktəbi və ya qısaca: BANMAzərbaycanda dövlət ali təhsil müəssisəsi[1]. Azərbaycan Respublikası Dövlət Neft Şirkətinin strukturuna daxildir.

Picto infobox université.png
Bakı Ali Neft Məktəbi
BANM
BANM loqosu.svg
BANM-ın loqosu

Əsası qoyulub 29 noyabr 2011
Rektor Elmar Qasımov
Tələbə sayı 18400
Şəhər Bakı
Ölkə Azərbaycan Azərbaycan
Ünvan Xocalı prospekti, 30
Metro Xətai
www.bhos.edu.az
Commons-logo.svg Vikianbarda əlaqəli mediafayllar
BANM rektoru, Elmar Qasımov

MəqsədRedaktə

Beynəlxalq standartlara uyğun ən müasir tədris proqramları və tədris texnologiyaları əsasında təhsil prosesini təşkil etməklə sənayenin müasir tələblərinə cavab verən yüksək ixtisaslı mütəxəssislərə ehtiyacını ödəmək.

Yaranma tarixiRedaktə

Azərbaycan ali təhsil orqanlari sırasına yeni daxil edilmiş Bakı Ali Neft Məktəbi, Azərbaycan Respublikasının Prezidenti cənab İlham Əliyevin 29 noyabr 2011-ci il tarixli Fərmanı əsasında ARDNŞ-nin tərkibində yaradılmışdır.

Mütəxəssis hazırlığı Böyük Britaniyanın Heriot-Vatt Universiteti ilə əməkdaşlıq çərçivəsində həyata keçirilir.

MəkanRedaktə

Bakı Ali Neft Məktəbi Bakı şəhərinin "Ağ Şəhər" adlanan hissəsində yerləşir.

Bibiheybət ərazisində yerləşən yeni şəhərcik isə 2017-ci ildə tikilib istifadəyə verilmişdir.7 hektar ərazisi olan kampusun tikintisinə 2012-ci ildə başlanılıb və tədris üçün tam hazır vəziyyətə gətirilib. Təhsil kompleksi xüsusi dizaynla yüksək standartlar səviyyəsində, dünyanın tanınmış universitetlərinin təcrübəsinə əsaslanaraq ən son texnoloji nailiyyətlərlə inşa olunub. Bakı Ali Neft Məktəbinin kampusu əsas tədris korpusunu, kitabxana kompleksini, kütləvi tədbirlər üçün akt zalını, idarəetmə bölmələrinin yerləşdiyi binanı, yeməkxananı, uşaq bağçasını, ən müasir tələblərə cavab verən və qapalı idman zallarından, qapalı üzgüçülük hovuzundan, açıq tennis, voleybol, basketbol meydançalarından və stadiondan ibarət idman və 400 nəfərlik yataqxana kompleksini birləşdirir.Azərbaycanda fəaliyyət göstərən transmilli şirkətlərin bir çoxunun imkanları mütəxəssis hazırlığına cəlb edilib. Belə ki, “ABB” şirkəti kampusda inteqrasiya edilmiş idarəetmə və təhlükəsizlik laboratoriyasını, “Schneider Electric” şirkəti qəza hallarının idarəedilməsi və avtomatlaşdırılması laboratoriyasını, “AVANDSİS group” və “Schneider Electric” şirkətləri birlikdə avtomatik sistemlərin elementlərini və proqram təminatını, “Emerson process management” şirkəti isə nəzarət-ölçmə və idarəetmə laboratoriyasını Bakı Ali Neft Məktəbinə hədiyyə ediblər. Bundan başqa, neft-qaz mühəndisliyi, kimya və proseslərin avtomatlaşdırılması mühəndisliyi kafedralarının ərazisində laboratoriya işlərinin yerinə yetirilməsi üçün müasir avadanlıqlar, qurğular yerləşdirilib, bərpaolunan enerji mühəndisliyi və elmi-tədqiqat laboratoriyaları istismara verilib.

Heriot-Vatt Universiteti ilə tərəfdaşlıqRedaktə

 
BANM və Heriot-Watt universiteti arasında sazişin bağlanması

Bakı Ali Neft Məktəbinə tələbə qəbulu üç ixtisas üzrə həyata keçirilir:

Neft-qaz mühəndisliyi və Kimya mühəndisliyi ixtisasları üzrə təhsil Heriot-Vatt Universitetinin tədris proqramları və bu universitetin mütəxəssislərinin iştirakı ilə həyata keçirilir. Bu iki ixtisas üzrə BANM-i bitirmiş tələbələr Bakı Ali Neft Məktəbinin və Heriot-Vatt Universitetinin diplomlarını əldə edəcəklər.

Departamentlər və MərkəzlərRedaktə

1 Neft-qaz mühəndisliyi
2 Kimya mühəndisliyi
3 Proseslərin Avtomatlaşdırılması mühəndisliyi
4 Bədən tərbiyəsi
5 İngilis dili və humanitar fənlər mərkəzi

Praktiki təcrübəRedaktə

Bakı Ali Neft Məktəbinin tələbələri nəzəri bilikləri mənimsəməklə yanaşı ARDNŞ-nin müəssisə və təşkilatlarında peşə təlimi və istehsalat təcrübəsi də keçirlər. Bu məqsədlə BANM-in tədris infrastrukturu ən müasir təlim avadanlıqları ilə təchiz olunmuşdur.

Hazırda BANM-in bakalavr səviyyəsində təhsil alan tələbələri Heriot-Vatt Universitetinin tədris proqramlarına uyğun təlim keçirlər. Birinci kurs tələbələri üçün "İngilis dili" və "Kompüter və İnformasiya Kommunikasiya Texnologiyaları" fənləri intensiv şəkildə və yüksək səviyyədə tədris olunur.

QəbulRedaktə

Tələbə Qəbulu üzrə Dövlət Komissiyasının keçirdiyi imtahanlarda 676-dan çox bal toplamış abituriyentlər Bakı Ali Neft Məktəbinin tələbəsi adına layiq görülmüşlər. Son iki tədris ili üzrə (2014 və 2015) qəbulda ən yüksək nəticə göstərmiş və Azərbaycan Respublikasının Prezidenti İlham Əliyevin fərmanına əsasən Prezident təqaüdünə layiq görülmüş 339 nəfərdən 34-ü Bakı Ali Neft Məktəbinin tələbələridir. Bakalavriat səviyyəsində tədris ingilis dilində və Avropa Kredit Köçürməsi Sisteminin tələblərinə uyğun həyata keçirilir.

Tələbə xidmətləriRedaktə

Tələbələrlə iş şöbəsi tələbələrə imtahan cədvəli, imtahan və buraxılış prosesi, qiymətləndirmənin nəticələri üzrə bildiriş, təkrar imtahan vermə, diplom, diplomun avropa sayağı əlavəsi, senata çağırış, formal şikayətlər, tələbə nizam-intizamı, əvvəlki tədrisin akkreditasiyası da daxil olmaqla hər bir məsələdə köməklik göstərir.

Şöbə həmçinin semestrin müddəti, tələbə statusunun sertifikatlaşdırılması, qiymət vərəqi, köçürülmə proqramı, tələbə biletinin dəyişdirilməsi, akademik məzuniyyətin götürülməsi və ya təhsilin dayandırılması və gələcək qiymətləndirmə imkanları üzrə məsləhət verir.

Tələbə idarəetmə orqanlarıRedaktə

Tələbələrin hamısının təmsil olunduğu tələbə forumu təşkil olunmuşdur və burada tələbə həyatı ilə bağlı məsələlər və ideyalar müzakirə olunur. Tələbə idarəetmə orqanları tələbələrə dəstək proqramı, ali məktəbi idman yarışlarında, ictimai klub və cəmiyyətlərdə təmsil etmək, əyləncəli proqramların təşkil edilməsi və s. kimi dərsdənkənar tədbirlər təşkil edirlər.

Tələbə Elmi CəmiyyətiRedaktə

Tələbə Elmi Cəmiyyəti (TEC) Bakı Ali Neft Məktəbinin tələbələrini elmi fəaliyyətə cəlb edən və gələcəyin liderləri kimi formalaşdıran ictimai qurumdur.

TEC-in əsas vəzifələri aşağıdakılardır:

  • BANM tələbələri arasında tədris prosesinin elmi fəaliyyətlə vəhdət əsasında həyata keçirilməsinin səmərəsini daim təbliğ etmək;
  • BANM tələbələri sırasında elmi fəaliyyətə meyli olanların seçilməsində və tədris qurumlarının müəllimləri tərəfindən onlara elmi araşdırmalar üçün tapşırıqların verilməsində iştirak etmək;
  • Elmi fəaliyyətlə məşğul olan tələbələrin əldə etdiyi nəticələrin BANM-də və digər qurumlarda keçirilən elmi forumlarda təqdim edilməsinin təşkil etmək;
  • Tələbələrin elmi fəaliyyətinin nəticələrinə görə onların mükafatlandırılması üçün rektorluğa təkliflər vermək;
  • Cəmiyyətin fəaliyyətini BANM-in daxilində və internet səhifəsində müxtəlif vasitələrlə təbliğ etmək.

İnformasiya texnologiyalarının tətbiqiRedaktə

Yeni tələbələr IT vasitəsilə qeydiyyatdan keçərək istifadəçi adı və şifrə əldə edirlər. Bu unikal giriş Heriot Vatt E-məktub və VTM (Virtual Tədris Mühiti) sisteminə daxil olmaq imkanı yaradır.

Virtual Tədris Mühiti Virtual Tələbə Məlumat Təşkilatı Şəbəkəsi - VİSİON proqram təminatı adı altında tanınır və Heriot-Vatt Universitetinin saytından götürülür. Tələbələr özlərinin istifadəçi adı və şifrələri ilə bu sistemə daxil ola bilirlər.

Tələbələr həmçinin Wireless internet ilə də təmin olunurlar.

Akademik kitabxanaRedaktə

Ali məktəbin kitabxanası tələbələrə bir çox tədris materialları və hesablama texnikası ilə yanaşı həmçinin lazımı məlumatın əldə olunmasına yardım edəcək mütəxəssis məsləhətləri təklif edir. Bundan əlavə tələbələrə Heriot-Vatt Universitetinin kitabxanasının elektron resurslarından istifadə etmək imkanı yaradılmışdır. Burada tələbələr elektron bazalarda axtarış aparmaq, e-jurnal, e-kitab, konfrans materialları və s. sənədləri istifadə etmək və yükləmək imkanına malikdirlər.

İdman və İctimai klublarRedaktə

Ali məktəbin tələbələri müxtəlif idman və ictimai klublara üzv ola bilirlər. İdman və əyləncə tələbə həyatının ayrılmaz hissəsidir.

Həmçinin baxRedaktə

MənbəRedaktə

İstinadlarRedaktə

Xarici keçidlərRedaktə