Bakı Beynəlxalq Dinlər və Sivilizasiyalar arası Əməkdaşlıq Mərkəzi

Bakı Beynəlxalq Dinlər və Sivilizasiyalar arası Əməkdaşlıq Mərkəzi (rus. Бакинский международный центр межрелигиозного и межцивилизационного сотрудничества, ing. Baku International Centre for Interfaith and Inter-Civilizational Cooperation) ― dinlərarası dialoq platforması. BDSƏM-n yaradılma təşəbbüsü "İslam həmrəyliyi ili" çərçivəsində 21 dekabr 2017-ci il tarixində Bakı şəhərində keçirilmiş "2017 — İslam həmrəyliyi ili: Dinlər və mədəniyyətlərarası dialoq" Beynəlxalq Konfransında irəli sürülmüş və bu təklif tədbir iştirakçıları tərəfindən yekdilliklə qəbul edilmişdir.

Beynəlxalq Dinlər və Sivilizasiyalar arası Əməkdaşlıq Mərkəzi
(BDSƏM - BCIC)
  • Bakı Beynəlxalq Dinlər və Sivilizasiyalar arası Əməkdaşlıq Mərkəz
Loqonun şəkli
Ümumi məlumatlar
Ölkə Azərbaycan
Yaradılma tarixi 2017
Baş qərargah Bakı, Azərbaycan
Ünvan Yasamal rayonu, Mirzə Fətəli küçəsi, 7.
Rəhbərlik
Baş katib Şeyxülislam Allahşükür Paşazadə

Rəsmi saytı bcicbaku.org/new/az/

Tarixi redaktə

Azərbaycan Respublikasının Prezidenti İlham Əliyevin sərəncamı ilə 2017-ci il Azərbaycan Respublikasında "İslam Həmrəyliyi İli" elan edilmişdir.[1] Sərəncama əsaslanaraq Qafqaz Müsəlmanları İdarəsinin (QMİ) qəbul etdiyi fəaliyyət planında il ərzində İslam həmrəyliyi, İslam ilə digər dinlər arasında dialoq, əməkdaşlıq və həmrəylik istiqamətlərində ölkə daxilində və xaricdə tədbirlərin keçirilməsi nəzərdə tutulmuşdur.[2] 21 dekabr 2017-ci il tarixində Bakı şəhərində yekunlaşdırıcı tədbir — "2017 — İslam həmrəyliyi ili: Dinlər və mədəniyyətlərarası dialoq" Beynəlxalq Konfransı keçirilmişdir.[3] Konfransda "Bakı Beynəlxalq Dinlər və Sivilizasiyalar arası Əməkdaşlıq Mərkəzi"nin yaradılması təşəbbüsü irəli sürülmüş və yekdilliklə qəbul edilmişdir. Nəticədə Qafqaz Müsəlmanları İdarəsinin nəzdində daimi əsaslarda fəaliyyət göstərən dinlərarası əməkdaşlıq mərkəzi — BDSƏM (ing. BCIC) təsis olunmuşdur. Aşağıda sadalanan müddəalar yeni yaradılan mərkəzin məqsədləri kimi müəyyən edilmişdir::

  • Qarşılıqlı etimad və anlaşma mühitində mədəni müxtəlifliyin, sivilizasiyalar və dinlər arası dialoqun və bununla bağlı beynəlxalq əməkdaşlığın təşviq edilməsi;
  • Dünyada sülhün və təhlükəsizliyin təmin olunması üçün qlobal təhdid və çağırışların qarşısının alınmasına yönəlmiş beynəlxalq təşəbbüslərin, o cümlədən 2008-ci ildən başlamış Bakı prosesinin və əlaqədar beynəlxalq tədbirlərin davam etdirilməsi;
  • Din və məzhəb ayrı-seçkiliyi, ksenofobiya, terrorçuluq, aqressiv separatizm, ekstremizm, eləcə də milli, dini və etnik zəmində digər dözümsüzlük hallarına qarşı birgə mövqeyin bildirilməsi;
  • Humanitar fəlakət həddində qaçqınların, məcburi köçkünlərin və miqrantların problemlərinə dair, habelə terrorçu və separatçı qruplaşmalar tərəfindən dini, mədəni və tarixi sərvətlərin, abidələrin və məbədlərin dağıdılmasına qarşı birgə mövqeyin bildirilməsi;
  • Özündə humanist bəşəri dəyərləri əks etdirən dinlərin dünya sivilizasiyasına, mədəniyyətinə və irsinə əvəzolunmaz töhfələrinin təbliğ olunması;
  • Milli, mədəni, dini irsin qorunmasında, ümumi bəşəri dəyərlərin dünyada təbliği və gələcək nəsillərə ötürülməsində dinlər və sivilizasiyalararası dialoqun, həmrəylik ideyalarının və mənəvi maarifçiliyin vacibliyinin tərənnüm edilməsi;
  • Davamlı inkişafa, əmin-amanlığa, sabitlik və təhlükəsizliyə əsas maneə olan silahlı münaqişələrə son qoymaq naminə müvafiq bəyanatların verilməsi, beynəlxalq birliyə, dünya ictimaiyyətinə, dini liderlərə müraciətlərin və çağırışların edilməsi.[4]

BDSƏM-in idarəetmə orqanları redaktə

Mərkəzin idarəetmə orqanları:

  • Himayədarlar Şurası;
  • Məşvərət Şurası;
  • Katiblik

Himayədarlar Şurası redaktə

Himayədarlar Şurası BDSƏM-ni idarə etmək üçün dünyanın müxtəlif ölkələrində yerləşən müxtəlif dini mərkəzlərin və qurumların rəhbər şəxslərindən təşkil edilmişdir. Şura, bir qayda olaraq, təşkilatın əsas idarəedici orqanıdır.

Məşvərət Şurası redaktə

BDSƏM-nin Məşvərət Şurasının tərkibinə beynəlxalq miqyasda dinlərarası və sivilizasiyalararası dialoq prosesində fəal iştirak edən dini liderlər, nüfuzlu ictimai-siyasi xadimlər, qeyri-hökümət təşkilatlarının rəhbərləri daxildir. Məşvərət Şurası Himayədarlar Şurasının fəaliyyətinə təşkilat və məlumat dəstəyi verir və BDSƏM-nin əsas məşvərət orqanıdır.

Katiblik redaktə

Katiblik BDSƏM-nin Himayədarlar Şurasının qərarlarını həyata keçirən əsas icraedici orqanıdır. Katibliyə Baş Katib rəhbərlik edir. BDSƏM-in Baş Katibi Azərbaycan və Bütün Qafqaz müsəlmanlarının dini lideri Şeyxülislam Allahşükür Paşazadədir.

Tərəfdaşlar redaktə

Tərəfdaş təşkilatlar və qurumlar
# Foto Adı # Foto Adı
1
 
Qafqaz Müsəlmanları İdarəsi 23
 
Özbəkistan Respublikası Nazirlər Kabineti yanında Dini Məsələlər üzrə komitə
2
 
Dini Qurumlarla İş üzrə Dövlət Komitəsi (Azərbaycan) 24
 
Berlin Mədəni Diplomatiya Akademiyası
3 BMT Sivilizasiyalar Alyansı üzrə Ali Nümayəndəsi 25
 
Dinlərarası birgə yaşayış araşdırma mərkəzi
4
 
BMT nin Yaxın Şərq və Asiya regionunda humanitar məsələlər üzrə köməkçisi 26
 
İslam mədəniyyəti və Əlaqələri Təşkilatı
5
 
Cenevrə İnsan Hüquqları və Qlobal Dialoq mərkəz 27
 
Ümumdünya Pan-islam Fiqh Təşkilatı
6
 
BMT baş katibinin humanitar məsələlər üzrə xüsusi nümayəndəsi 28
 
RF Müsəlmanları Ruhani idarəsi
7
 
Dinlər Sülh Uğrunda təşkilatı 29
 
Almaniya Müsəlmanları mərkəzi şurası
8
 
KAICIID Beynəlxalq Dinlərarası və Mədəniyyətlərarası Dialoq mərkəzi Dialoq mərkəzi 30
 
Dünya Yevangelik alyansı
9
 
İslam Əməkdaşlığı Təşkilatı 31
 
Britaniya Müsəlmanlar Şurası
10
 
İslam Tarixi, İncəsənət və Mədəniyyət Araşdırma Mərkəzi 32
 
Qazaxıstan Müsəlmanları Ruhani idarəsi
11
 
İslam Dünyası Təhsil, Elm və Mədəniyyət Təşkilatı 33
 
Qırğızıstan Müsəlmanları Ruhani idarəsi
12
 
Türkiyə Respublikası Diyanət İşləri Başkanlığı 34
 
Birləşmiş Ərəb Əmirlikləri Dini İşlər Müşavirliyi\ İslam məsələləri və vəqflər üzrə Baş İdarə
13
 
Dinlərarası Pontifik Şurası 35
 
Rusiya Müsəlmanları Ruhani Məclisi
14
 
Avropa Türk İslam Mədəniyyət Dərnəkləri birliyi 36
 
RF Şimali Qafqaz müsəlmanları əlaqələndirmə mərkəzi
15
 
Beynəlxalq Etnik Anlaşma Fondu 37
 
RF Tatarıstan Respublikası Müsəlmanları Ruhani idarəsi
16
 
Gürcüstanın patriarxatı 38
 
Sankt-Peterburq və Rusiyanın Şimal-Qərb hissəsi Müsəlmanları Ruhani idarəsi
17
 
Moskva Patriarxatı 39
 
Beynəlxalq İslam Missiyası
18
 
"Yaşamaq sənəti" beynəlxalq təşkilatı 40 İslam Aləmi Liqası
19
 
Simon Vissental mərkəzi 41
 
Livan Xristian-Müsəlman Dialoqu Milli Komitəsi
20
 
Oksford İslam Araşdırmaları Mərkəzi 42
 
"Eagle`s Wings" Dünya Yevangelist təşkilatı
21
 
Al Əl-Beyt İslam Fikri Kral Akademiyası 43
 
Tacikistan Üləmalar Şurası
22
 
Özbəkistan Müsəlmanları idarəsi 44
 
Tacikistan Dini, Milli Adət-ənənə, Mərasimlər və Dini ayinlərin tənzimlənməsi üzrə Dövlət Komitəsi

Ədəbiyyat redaktə

Mənbə redaktə

Bakı Beynəlxalq Dinlər və Sivilizasiyalar arası Əməkdaşlıq Mərkəzi

İstinadlar redaktə

  1. "2017-ci ilin Azərbaycan Respublikasında "İslam Həmrəyliyi İli" elan edilməsi haqqında Azərbaycan Respublikası Prezidentinin Sərəncamı, 10 yanvar 2017". 2021-04-13 tarixində arxivləşdirilib. İstifadə tarixi: 2021-12-01.
  2. "2017-ci ilin Azərbaycanda "İslam Həmrəyliyi ili" elan olunmasına dair Tədbirlər Planı təsdiq edilib. Xalq qəzeti, 16.02.2017". 2021-12-01 tarixində arxivləşdirilib. İstifadə tarixi: 2021-12-01.
  3. "İlham Əliyev "2017-İslam Həmrəyliyi İli: Dinlər və mədəniyyətlərarası dialoq" mövzusunda beynəlxalq konfransın açılış mərasimində iştirak edib. 21 dekabr 2017". 2021-08-12 tarixində arxivləşdirilib. İstifadə tarixi: 2021-12-01.
  4. ""Bakı Beynəlxalq Dinlər və Sivilizasiyalar arası Əməkdaşlıq Mərkəzi" nin yaradılması". 2021-08-12 tarixində arxivləşdirilib. İstifadə tarixi: 2021-12-01.