Barat Vüsal

Barat Vüsal — Azərbaycanlı şair, publisist, ictimai xadim, əməkdar incəsənət xadimi, Azərbaycan Yazıçılar Birliyinin Qazax Bölməsinin sədri. 1998-ci ildə Xəlil Rza Ulutürk, 2008-ci ildə Səməd Vurğun ədəbi mükafatlarına layiq görülüb.

Barat Vüsal
Barat Alı oğlu Alıyev
Doğum tarixi	1951
Doğum yeri	Kosalar, Qazax rayonu, Azərbaycan SSR, SSRİ
Vətəndaşlığı	SSRİ → Azərbaycan
Təhsili	Azərbaycan Dövlət Pedaqoji Universiteti
Fəaliyyəti	Şair, yazıçı

Həyatı

Barat Vüsal 1951-ci ildə Qazax rayonunun Kosalar kəndində doğulub. Orta təhsilini burada almışdır. 1973-cü ildə Azərbaycan Dövlət Pedaqoji Universitetinin tarix fakültəsini bitirmişdir.

1968-ci ildə “Sarı sünbül” adlı ilk şeirini yazmışdır. 1988-ci ildə Azərbaycan Yazıçılar Birliyinin üzvü oldu. Şair 1993-cü ildən AYB-nin Qazax bölməsinə rəhbərlik edir. “Göz aydınlığı”, “Ürəyimdən bir çay axır”, “Yolumuz eşqə bağlıdı”, “Ömür bitər, Yol bitməz”, “Qazaxda yaşadım mən öz ömrümü”, “Ruh gəmisi” və “Kufə əhli” kitablarının müəllifidir. 1998-ci ildə Xəlil Rza Ulutürk, 2008-ci ildə Səməd Vurğun ədəbi mükafatlarına layiq görülüb.

Mənbə

http://ayb.az/index.php/4xeber/3967-barat-v%C3%BCsal%C4%B1n-ikicildliyi-t%C9%99qdim-edildi.html http://www.azerbaycanedebiyati.com/index.php/sayfa/detay/barat_vusal Arxivləşdirilib 2019-05-04 at the Wayback Machine. Azerbaycan Edebiyatı İsimler Sözlüğü. 2012. AZEIS