Belarus–Gürcüstan münasibətləri
Gürcüstan–Belarus münasibətləri — Gürcüstan Respublikası və Belarus arasındakı mövcud ikitərəfli münasibətlər. Hər iki dövlət də Birləşmiş Millətlər Təşkilatının üzvüdür. İki ölkə aarsında diplomatik münasibələr 1994-cü ildə qurulmuşdur.
| Gürcüstan–Belarus münasibətləri | |||||
|---|---|---|---|---|---|
 | |||||
|
|||||
 Vikianbarda əlaqəli mediafayllar | |||||
Göstəricilər
redaktə Gürcüstan
|
.svg){kind=small} Belarus
| |
|---|---|---|
| Əhali | 3 729 500 | 9 485 300 |
| Ərazi | 69 700 km² | 207 600 km² |
| Əhali sıxlığı | 68 nəf./km² | 46 nəf./km² |
| Paytaxt | Tiflis | Minsk |
| İri şəhərlər | Tiflis, Kutaisi, Batumi, Rustavi, Zuqdidi | Minsk, Qomel, Mogilyov, Vitebsk |
| İdarəetmə formaları | Parlament Respublikası | Prezident Respublikası |
| Dövlət dili | Gürcü dili | Belarus dili, rus dili |
| Din | Xristianlıq | Xristianlıq |
| ÜDM | 34,209 mlrd ABŞ dolları (7,139 $ adam başına) | 166,786 mlrd ABŞ dolları (17 620 $ adam başına) |
| ÜMM | 16,535 mlrd ABŞ dolları (4,286 $ adam başına) | 71,71 mlrd ABŞ dolları (7 664 $ adam başına) |
| Valyuta | Gürcüstan larisi | Belarus rublu |
Tarix
redaktə1918-ci ilə qədər Belarus və Gürcüstan Rusiya İmperiyasının tərkibində daxil idilər. 1918-ci ildə imperiyanın çöküşü zamanı müstəqil Gürcüstan və Belarus dövlətləri qurulur. Daha sonra hər iki ölkə müstəqilliyini itirir. 1991-ci ilə qədər ölkələr Sovet İttifaqı daxilində ittifaq respublikalarından biri olur. SSRİ-nin dağılması zamanı Gürcüstan və Belarus müstəqilliklərini bərpa edir.
2006-cı ildə dövlətlər arasında münasibətlər pisləşir. Belarus rəhbərliyi bir qrup gürcü deputatı Aleksandr Lukaşenkonu devirmək üçün rəngli inqilab təşkil etmək cəhdində günahlandırır. 2007-ci ildə Belarus Prezidenti ilə Gürcüstan Daxili İşlər Nazirliyinin rəhbəri Vano Merabişvili arasındakı görüşdə Belarus Respublikasının lideri Gürcüstan ilə münasibətləri yaxşılaşdırmaq qərarına gəldiyini bildirir.
Belarus rəhbərinin Gürcüstana rəsmi səfəri 2015-ci ilin aprelində baş tutur. Prezident Tiflis və Batumi şəhərlərini gəzir. Səfər zamanı Aleksandr Lukaşenko Abxaziya və Cənubi Osetiyanın müstəqilliyinin tanınmadığını elan edir. Belarus Respublikası və Gürcüstan liderləri müxtəlif sahələrdə əməkdaşlıq haqqında 15 müqavilə imzalayır[1][2].
Gürcüstan səfirliyi Minskdə 2007-ci ildən fəaliyyət göstərir[3]. 2012-ci il avqustundan bəri Gürcüstanın Belarusdakı fövqəladə və səlahiyyətli səfiri David Kotaria olmuşdur. 2016-cı ilin yanvarında Belarus Respublikasının Nazirlər Şurası bir il ərzində Tiflisdə səfirlik açmağa qərar vermişdir[4].
İqtisadi əməkdaşlıq
redaktəBelarus rəhbərliyi Gürcüstan Respublikası ilə sənaye, kənd təsərrüfatı, nəqliyyat və turizm daxil olmaqla bir sıra sahələrdə əməkdaşlığı intensivləşdirməyi planlaşdırır.
2007-ci ildə Belarusiya Prezidenti Aleksandr Lukaşenko ölkələr arasındakı ticarət dövriyyəsini 100 milyon dollara çatdırmaq istədiyini bildirmişdir. 2014-cü ildə Belarus Respublikası ilə Gürcüstan arasında ticarət dövriyyəsi 64 milyon ABŞ dolları təşkil etmişdir. Belarus rəhbərinin Gürcüstana səfəri zamanı Aleksandr Lukaşenkonun Georgi Marqvelaşvili ilə görüşündən sonra tərəflər ticarət dövriyyəsini 200 milyon dollara çatdırmaq barədə razılığa gəlmişlər[5].
İstinadlar
redaktə- ↑ "Официальный визит в Грузию". Официальный интернет-портал Президента Республики Беларусь. 2016-03-05 tarixində arxivləşdirilib. İstifadə tarixi: 2016-03-01.
- ↑ "Лукашенко в Грузии: союзник или посланник Москвы?" (rus). BBC Русская служба. 2021-08-30 tarixində arxivləşdirilib. İstifadə tarixi: 2016-03-01.
- ↑ "ელჩის ბიოგრაფია" (gürcü). Посольство Грузии в Республике Беларусь. 2016-04-17 tarixində arxivləşdirilib. İstifadə tarixi: 2016-02-13.
- ↑ "Беларусь в 2016 году откроет посольство в Грузии". 2016-01-24 tarixində arxivləşdirilib. İstifadə tarixi: 2016-02-13.
- ↑ "Беларусь и Грузия договорились о перспективах взаимного товарооборота в $200 млн" (rus). Белорусское телеграфное агентство. 2016-02-19 tarixində arxivləşdirilib. İstifadə tarixi: 2016-02-13.