Belarus–Qazaxıstan münasibətləri
Qazaxıstan–Belarus münasibətləri — Qazaxıstan Respublikası ilə Belarus Respublikası arasındakı mövcud ikitərəfli əlaqələr. Qazaxıstan və Belarus əlaqələri SSRİ dövründə Belarus SSR–Qazaxıstan SSR münasibətlərinin tərkib hissəsi olmuş, Qazaxıstanın müstəqilliyinin bərpasından sonra yüksələn xəttlə inkişaf etməkdədir. İki ölkə arasında müstəqillik dönəmində ilk diplomatik əlaqələr 16 sentyabr 1992-ci ildə qurulmuşdur. Hər iki ölkə Müstəqil Dövlətlər Birliyi, Avrasiya İqtisadi Birliyi və bir çox beynəlxalq təşkilatların üzvüdür.
| Qazaxıstan–Belarus münasibətləri | |||||
|---|---|---|---|---|---|
 | |||||
|
|||||
 Vikianbarda əlaqəli mediafayllar | |||||
Tarixi
redaktəQazaxıstanın Minskdəki səfirliyi 9 yanvar 1993-cü ildə fəaliyyətə başlamışdır. Belarus səfirliyi isə Astanada 13 iyul 1997-ci ildə açılmışdır.
2012-ci ildən etibarən Qazaxıstanın Belarus Respublikasında səfiri Erqali Buleneqovdur[1]. 2013-cü ilin sentyabrından isə Belarusun Qazaxıstan Respublikasındakı səfiri Anatoli Niçkasovdur[2].
Belarus və Qazaxıstan bir çox beynəlxalq təşkilatlarda bir-birlərini dəstəkləyirlər (Birləşmiş Millətlər Təşkilatı, Avropada Təhlükəsizlik və Əməkdaşlıq Təşkilatı, Kollektiv Təhlükəsizlik Müqaviləsi Təşkilatı.
2014-cü ildə iki ölkə arasında ticarət dövrüyyəsi 835,1 milyon ABŞ dolları olmuşdur. Bu rəqəm 2015-ci ildə 403,4 mln dollara[3] qədər azalmışdır.
Qazaxıstanda belaruslar
redaktə
Qazaxıstan ərazisində ilk belarus diasporu Konstantin Semyonoviç Kalinovskinin üsyanından sonra meydana gəlmişdir. Üstəlik XX əsrin əvvəllərində Stolıpinin həyata keçirdiyi aqrar islahatlar zamanı belarusların bir qismi Qazaxıstana köçürülmüşdür. Qazaxıstanda son siyahıya almaya görə 95 min belarus yaşayır. XX əsrin 90-cı illərində Qazaxıstan ərazisində mədəniyyət mərkəzləri təşkil edilmişdir. Demək olar ki, Qazaxıstanın hər bir vilayətində belarus mədəni mərkəzləri fəaliyyət göstərir[4]. Onlar əsasən Pavlodar, Ust-Kamennoqorsk, Astana, Kostanay, Karaqanda, Kokşetau, Petrovavlosk ərazilərində yerləşir. Bu mədəniyyət mərkəzlərinin sayı 10-dur. Misal: Almata - rəhbəri L. M. Pitalenko, Pavlodar — İ. L. Boqnat, Karakanda - A. A. Xuka, Şimali-Qazaxıstan — V. R. Solapava, Kostanay — V. L. Şevçenko, Astana — F. A. Romanov.
İstinadlar
redaktə- ↑ "БУЛЕГЕНОВ ЕРГАЛИ БУЛЕГЕНОВИЧ". Посольство Республики Казахстан в Республике Беларусь. 2016-03-04 tarixində orijinalından arxivləşdirilib. İstifadə tarixi: 2018-03-24.
- ↑ "Ничкасов Анатолий Иванович". Посольство Республики Беларусь в Республике Казахстан. 2016-03-04 tarixində arxivləşdirilib.
- ↑ "КАЗАХСТАНСКО-БЕЛОРУССКИЕ ОТНОШЕНИЯ". Посольство Республики Казахстан в Республике Беларусь. 2016-03-25 tarixində orijinalından arxivləşdirilib. İstifadə tarixi: 2020-10-13.
- ↑ "В какие страны эмигрируют белорусы". www.interfax.by. 2016-12-02 tarixində orijinalından arxivləşdirilib.