Belarusda islam
Belarusda islam — Belarusiyada islam uzun tarixə malikdir. Belarusiyada islam dini 14–16-cı əsrlərdə indiki Belarusu təşkil edən torpaqlarda Lipka tatarları tərəfindən gətirilmişdir. 2007-ci ilə olan məlumata görə, Belarusda 45.000 müsəlman var ki, bu da ümumi əhalinin 0,5%-nə bərabərdir.[1]
Tarixi
redaktə1994-cü ildə bütün Belarus müsəlmanlarının I qurultayı keçirildi. Nəticədə Belarus Respublikasının Müsəlman Dini İcması yarandı. Qurumun yarandığı gündən ona rəhbərliyi İsmayıl Aleksandroviç edir. 1997-ci ildə 23 islam icması var idi, onlardan 19-u Belarusun qərb bölgələrində idi. 2007-ci ildə Əhmədiyyə müsəlmanlarının Belarusda öz etiqadlarını həyata keçirmələri açıq şəkildə qadağan edildi, ölkədə qadağan olunmuş digər dini qruplara da oxşar status verildi.[2][3] Bu qadağaya əsasən, 13-ü yerli Belarus vətəndaşı olmaqla, 30 Əhmədiyyə müsəlmanı ibadət və ya nümayəndələrinin olması kimi fəaliyyətlərlə məşğul ola bilməz, onların belə hüquqları yoxdur. Belarus Avropada yeganə ölkədir ki, İslam peyğəmbəri Məhəmməd haqqında karikaturalar dərc etdiyinə görə qəzet redaktorunu həbs edib.[4] 18 yanvar 2008-ci ildə Aleksandr Sdvijkov "dini ədavəti qızışdırmaq" ittihamı ilə üç il müddətinə azadlıqdan məhrum edilib.[5] Bu gün Qrodno vilayətində Smiloviçi, İvye, Slonim və Novoqrudokda məscidlər var. Minsk vilayətinin Kletsk və Vitebsk vilayətinin Vidzı şəhərlərində də məscidlər var. 1900–1902-ci illərdə Minskdə bir məscid tikilmişdir. Məscid altmış il sonra kommunistlər tərəfindən dağıdıldı. 2016-cı il noyabrın 11-də Minskdə məscid yenidən açılıb.
Qalereya
redaktə-
Belarusiyada tatar qəbiristanlığı. -
Iŭje məscidi -
Smilaviçydəki məscid -
Minskdəki məscid (1962-ci ildə dağıdılıb) -
Minskdəki məscid (2016-cı ildə tikilmişdir)
.jpg)
İstinadlar
redaktə- ↑ "BELARUS with VNESHINTOURIST Travel Agency -> MOHAMMEDANISM". 12 March 2007. 12 March 2007 tarixində orijinalından arxivləşdirilib.
- ↑ "Belarus: Ahmadiyya Muslims among banned religious organisations". Forum18.org. 22 aprel 2016 tarixində arxivləşdirilib. İstifadə tarixi: 20 may 2013.
- ↑ Hryhorieva, V. V. Confessions in Belarus (belarus). Ekapierspiektyva. 1998. 145. ISBN 9856102170.
- ↑ Norris, Harry (2009). Islam in the Baltic. I. B. Tauris: London. p. 130. ISBN 978-1-84511-587-6
- ↑ Book of Pogroms. Pogroms in Ukraine, Belarus and European Russia during the Civil War of 1918-1922. Collection of Documents. Political Encyclopedia. 2018. 579.