Beynəlxalq Mülki Aviasiya Günü

Beynəlxalq Mülki Aviasiya Günü (ing. International Civil Aviation Day, isp. Día de la Aviatión Civil Internetional, fr. Journée de l'aviation civile internationale) - bu bayram hər ilin 7 dekabr tarixində qeyd olunur.

Beynəlxalq Mülki Aviasiya Günü
Qeyd olunmağa başlayıb	6 dekabr 1996
Həsr olunub	Mülki aviasiya
Tarix	7 dekabr
un.org/es/observances/ci… un.org/en/observances/ci… un.org/ar/observances/ci…

Tarixi

1996-cı il dekabrın 6-da BMT Baş Məclisi tərəfindən “7 dekabr - Beynəlxalq Mülki Aviasiya Günü” elan olunmuşdur.

Azərbaycan Respublikasının Dövlət Mülki Aviasiya Administrasiyası Azərbaycan Respublikası Prezidenti İlham Əliyevin 2006-cı il 29 dekabr tarixli Fərmanı ilə yaradılmışdır və mülki aviasiya sahəsində nəzarəti, dövlət siyasətini və tənzimləməsini həyata keçirən mərkəzi icra hakimiyyəti orqanıdır.

Azərbaycanda “Mülki Aviasiya Günü” 2 iyun tarixində qeyd olunur. Bayramın məhz iyunun 2-də keçirilməsi isə Azərbaycanda ilk aviasiya qrupunun həmin gün yaradılması ilə əlaqədardır.

Azərbaycan mülki aviasiyasında ilk dəfə 1923-cü il avqustun 8-də “Yunkers” təyyarəsi ilə sərnişin daşınmaları həyata keçirilmişdir. Azərbaycanda ilk hava limanı 1931-ci ildə Binə qəsəbəsinin yaxınlığında tikilmiş və 2 ildən sonra istifadəyə verilmişdir.

1994-cü ildə Mülki Aviasiya Mərkəzinin bazasında Milli Aviasiya Akademiyası yaranmışdır.

Xarici keçidlər

• Baş assambleyanın qətnaməsi № A/RES/51/33
• Official page of International Civil Aviation Day on ICAO website (ing.)
• The Postal History of ICAO : International Civil Aviation Day Arxivləşdirilib 2017-10-04 at the Wayback Machine (ing.)
• UN: International Civil Aviation Day (ing.)