Beyonse

Beyonse Qizella Naules (ing. Beyoncé Giselle Knowles-Carter; 4 sentyabr 1981(1981-09-04)^[…], Hyuston, Texas) — ABŞ Pop və R&B müğənnisi, stilisti, mankeni, rejissoru, aktrisası, prodüseri və söz yazıçısıdır. Texasın Hyuston şəhərində doğulub böyüyən Beyonse, 16 yaşında səhnələrə ilk addımını atmışdır.

Beyonse
ing. Beyoncé
Üzlük Ms. magazine (2011)
Ümumi məlumatlar
Doğum adı	Beyonse Naules Karter
Ləqəbi	Queen B
Doğum tarixi	4 sentyabr 1981
Doğum yeri	Hyuston, Texas, ABŞ
Vətəndaşlığı	ABŞ
Həyat yoldaşı	Jay-Z
Musiqiçi məlumatları
Fəaliyyəti	müğənni, bəstəkar, rejissor, prodüser, aktrisa, model
Fəaliyyət illəri	1997 – indiyədək
Janrlar	R&B, Pop, Hip-Hop, Dance
Səs tembri	mezzo-soprano
Albom şirkəti	Columbia Records
beyonce.com
Vikianbarda əlaqəli mediafayllar

Karyerası

Destiny's Child iki Qremmi mükafatının yanında tənqidi və kommersiya uğuru əldə edən "Say My Name"i səsləndirir

1997-ci ildə qurulan və dünyanın ən çox albom satan qız qrupu olan Destiny's Child adlı qrupun lideri və qurucusu olaraq dünya səviyyəsində daha 18 yaşındaykən böyük şöhrət qazanmışdır. Dünyanın ən güclü qadın vokalları arasındadır və bütün zamanların ən yaxşı 7-ci vokalı olma xüsusiyyətini daşıyır. Billboard Hot 100 listində 36 həftə ilə ən uzun müddət 1 nömrədə qalan qadın sənətçidir. Beyoncé, ilk çıxışını 2003-cü ildə Destiny's Child'a ara verdiyi sırada, Dangerously in Love albomunu çıxararaq etmişdir. Albom Billboard 200 listinə 1 nömrədən giriş etmiş və o ilin ən müvəffəqiyyətli albomları arasında yer almışdır. Albomdan çıxan "Crazy in Love" və "Baby Boy" mahnıları 10 həftəyə yaxın siyahılarda 1 nömrədə qalmış və bu müvəffəqiyyət, 2004-cü ildə qazandığı 5 Grammy mükafatı ilə nəticələnmişdir.

2005-ci ildə Destiny's Child'ın tamamilə dağılmasından sonra Beyonse karyerasına tək davam etmə qərarı almışdır. 2-ci albomu olan B'Day'i 2006-cı ildə çıxarmışdır. Albom Billboard'da ilk həftəsindən 1 nömrəli albom və o ilin ən çox satan albomu olmuşdur. Albomdan çıxan "Irreplaceable", "Deja Vu", "Ring the Alarm" və "Beautiful Liar" siyahılarda ən üst yerlərdə qərarlaşmış və Shakira ilə duet etdiyi Beautiful Liar mahnısı, Billboard Hot 100-də 98 nömrədən 3 nömrəyə sıçrayaraq Billboard tarixinin ən böyük sıçrayışlardan birini həyata keçirmişdir. Eyni dövrdə Beyoncé, əldə etdiyi nailiyyətlər və səhnədə eyni anda canlı mahnı oxuyub, rəqs edə bilən tək müğənni olması səbəbiylə Forbes, Billboard kimi jurnallar tərəfindən "Queen B" ləqəbini almışdır.

Beyonse, Billboard Hot 100 siyahısında dalbadal doqquz həftə zirvədə qalmış "Baby Boy"u səsləndirir

Beyonse 2008-ci ildə 3-cü solo albomu olan I Am ... Sasha Fierce'i çıxarmışdır. Albom, sənətçinin digər albomları kimi Billboard'a 1 nömrədən daxil olmuşdur. Albomun ən çox danışılan və o ilə damğasını vuran mahnısı "Single Ladies" həftələrcə siyahıların üst sıralarında qalaraq Rolling Stones tərəfindən də 2008-ci ilin mahnısı olaraq seçilmişdir. Albomdan çıxan digər "If I Were a Boy", "Diva", "Ego" "Halo" və "Sweet Dreams" mahnıları da siyahılarda müvəffəqiyyətli olmuşdur. 2009-cu ildə isə Billboard tərəfindən "İlin Qadını" seçilmişdir.

2010-cu ilə gəlindiyində Beyonse Lady Gaganın "Telephone" mahnısında onunla birlikdə duet oxumuşdur. Bu duet, dünyanın ən çox satılan qadın duetidir.

Beyonse, The Beyoncé Experience turunda Röya Qızlar filminin mahnılarından "Listen"i səsləndirir.

2011-ci ilə gəlindiyində isə "4" adını verdiyi 4-cü albomunu çıxarmışdır. Albomun ən bəyənilən və ən çox gündəmdə qalan mahnısı Run the World (Girls)'dür.Bu albom sayəsində Beyonse heç vaxt 1 nömrə olmağı bacarmadığı ölkələrdə belə nömrə 1 olmuşdur. Alboma "4" adını verməsinin səbəbi isə Beyonsenin uğurlu rəqəminin "4" olmasıdır.

Öz adını daşıyan "Beyoncé" albomunu isə 2013-cü ilin 13 dekabrında heç bir promosyon etmədən, birdən birə çıxarmışdır. Albom ilk öncə iTunes üzərindən satışa çıxarılmış və Azərbaycan da daxil olmaqla 130-dan çox ölkənin iTunesında 1-ci yerə çıxmışdır.

Beyonse 2008-dən bu yana amerikalı repçi Jay-Z ilə evlidir və Blu Ayvi adında 7 yaşında bir qızı vardır.

Albomları

• 2003 – "Dangerously in Love"
• 2006 – "B'Day"
• 2008 – "I Am... Sasha Fierce"
• 2011 – "4"
• 2013 - "Beyoncé"
• 2016 - "Lemonade"

Konsert turları

2003 - Dangerously in Love

2007 - The Beyonce Experience

2009 - 2010 - I am ... World Tour

2013 - 2014 - Mrs. Carter Show World Tour

2014 - On The Run (feat. Jay-Z)

2016 - Formation World Tour

2003 - Dangerously in Love

Beyoncé - Dangerously in Love (Sevgidə təhlükəli)

2003-cü ilin iyun ayının sonunda günümüzdə R&B janrının brilliant albomu kimi bilinən "Dangerously in Love" albomu yayımlanıb. Albom 2002-ci ildən yazılmağa başlansa da, 2003-cü ildə yekunlaşıb. Billboard 200 listinə 1-ci sıradan daxil olan albom,bir həftədə 317 min kopiya satılaraq günün rekordun qırmışdır. Amerika, İngiltərə və Avstraliyada multi-platinum statusuna layiq görülmüşdür. Ən böyük rekord isə bir gecədə 5 The GRAMMYs-ə layiq görülməsi idi. Bugünümüzə qədər isə məhz 11 milyondan artıq kopiya satılıb.

"Dangerously in Love" albomu "BET Awards, USA", "BRIT Awards, UK", "International Dance Music Awards, World", "MTV Music Video Awards", "MTV Europe Music Awards", "MTV Video Music Awards Japan", "POP Music Awards" və s. kimi mükafat gecələrində 10-larla mükafata layiq görülmüşdür.

Önə çıxan mahnılar (təklilər):

1) Crazy in Love (Sevgidə Çılğın).

Ayrı bir təkli olaraq 8 iyul 2003-cü ildə yayımlanıb. Tarixin ən böyük 100 hitindən biridir. Grammy mükafatlandırma gecəsində "İlin mahnısı" və "İlin dueti" nominasiyasın qazanıb. Mahnı JAY Z ilə duetdir.

2) Baby Boy (Gənc oğlan)

Ayrı bir təkli olaraq 14 iyul 2003-cü ildə yayımlanıb. Sean Paul ilə duetdir və Billboard Hot 100 siyahısında rekord həftə liderlik edərək ilin ən çox dinlənən mahnısından biri seçilib.

3) Me, Myself and I (Mən, özüm və mən)

Ayrı bir təkli olaraq 16 dekabr 2003-cü ildə yayımlanıb. Billboard Hot 100 siyahısında piki 4-cü sıradır və 2 həftə öz pikin qoruyub saxlamışdır.

4) Naughty Girl (Dəcəl qız) 

Dangerously in Love albomunun son təqdim olunan təklisidir. 14 mart 2004-cü ildə yayımlanıb və böyük bir məşhurluğa imza atıb.

Albomun reklamı üçün tur təşkil olunmuşdur və "Dangerously in Love World Tour" adın almışdır. Avropada 10 konsert vermişdir.