Biathlon Schalke.jpg

Biatlon (yun. άθλον — yarış, mübarizə) — 20 km məsafəyə təxminən hər 3-5 km-dən bir tüfəng 4 dəfə atəş açmaqla xizək yürüşüdür.

Ümumi məlumatRedaktə

kompleks yarışlar; xizəklə sürüşərək tüfəngdən bir neçə hədəfə atəş açmaqdan ibarətdir. 1920-ci illərdə Skandinaviya ölkələrində, İsveçrə, Fransa və Avstriyada hərbi patrulların atəşaçma, qum baratullama və s.-dən ibarət xizək yarışları kimi yaranmışdır. 1924, 1928,1936, 1948 illər Qış Olimpiya Oyunlarında hərbi patrulların nümunəvi xizək yarışları nümayiş etdirilmişdir. Biatlonun müasir növü 1950-ci illərin əv vəllərində formalaşmış, Norveç, Rusiya, Finlandiya, İsveç, Polşa, Rumıniya və bir sıra digər ölkələrdə geniş yayılmışdır. 1948-ci ildə Beynəlxalq Müasir Beşnövçülük və Biatlon İttifaqı (UIPMB) təsis olunmuşdur. 1958-ci ildə kişilər arasında ilk dünya çempionatı keçirilmiş, 1960-cı ildən isə Qış Olimpiya Oyunlarının proqramına daxil edilmişdir. 1978-ci ildə Biatlon idman növündə dəyişikliklər edilmişdir: hərbi döyüş tüfəngləri kiçikçaplı tüfənglərlə əvəz edilmiş, hədəflərədək məsafə 150 m-dən 50 m-ədək qısaldılmış, xüsusi Biatlon trasları və tamaşaçı tribunaları olan atəşaçma meydançaları tikilmişdir. 1984-cü ildə qadınlar arasında ilk dünya çempionatı keçirilmiş, 1992-ci ildə Olimpiya Oyunlarının proqramına daxil edilmişdir. 1993-cü ildən UIPMB 70-ə qədər milli federasiyanı birləşdirən Beynəlxalq Biatlonçular İttifaqı adlanır.

QaydalarıRedaktə

Hər dəfə atəş məsafəsi azalır (250, 200, 150 və 100 m), hədəfin də diametri azalır (30, 25, 20). Yalnız sonuncu hədəf birinciyə bərabər olur, çünki ona ayaq üstə və dayaqsız atəş açırlar. Birinci üç mərhələdə istənilən vəziyyətdən atəş açmaq olar. Hər hədəfə 5 güllə atılır, hər yan keçən güllə əvəzinə 2 dəqiqə cərimə olunurlar. Cərimə dəqiqələri də nəzərə alınmaqla yürüşə daha az vaxt sərf edən idmançı qalib hesab edilir.

Həmçinin baxRedaktə

Xarici keçidlərRedaktə