Biondi dağdağanı

Biondi dağdağanı (lat. Celtis biondii) — bitkilər aləminin gülçiçəklilər dəstəsinin çətənəkimilər fəsiləsinin dağdağan cinsinə aid bitki növü.

Biondi dağdağanı
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Çətənəkimilər Cins: Dağdağan Növ: Biondi dağdağanı
Beynəlxalq elmi adı
Celtis biondii
Şəkil axtarışı NCBI   1184750

Təbii yayılması

Yaponiyada və Koreyada təbii halda bitir. Avropada, Asiyada, Cənubi Amerikada, Afrikada geniş yayılmışdır.

Botaniki təsviri

Hündürlüyü 18-25 m-ə, bəzən də 40 m-ə çatan, yarpağı tökülən ağacdır. Qabığı boz, budaqları sarımtıl, qonur rəngdədir. Yarpaqları 13-15 sm uzunluqda, xətvari-neştərvari, enli yumurtavari, oval və ya oval-ellipsvari, lənarları dişli, ucu biz, nazik dərilidir. Aprel-may aylarında çiçəkləyir. Meyvələri sentyabr-oktyabr aylarında yetişir, sərt çəyirdəkli, 6-10 mm qalınlığında, sarı, qırmızı rəngli olub, portağala bənzəyir. Toxumla çoxaldılır.

Ekologiyası

Quraqlığa davamlıdır. Meşələrdə, kolların arasında, dağlarda, dəniz səviyyəsindən 2000 m-dək hündürlükdə bitir.

Azərbaycanda yayılması

Mərkəzi Nəbatət Bağında və Mərdəkan Dendrarisində introduksiya olunmuşdur. Bakı şəhərində yaşıllaşdırmada çox az rast gəlinir.

İstifadəsi

Yaşıllaşdırmada istifadə edilməsi məqsədyönlüdür.