Bir palatalı parlament

     İki palatalı parlamenti olan ölkələr     Bir palatalı parlamenti olan ölkələr     Parlamentsiz ölkələr

Bir palatalı parlament və ya unikameralizm vahid bir qanunverici hakimiyyət və ya parlamentin mövcud olduğu idarəetmə formasıdır. Bir palatalı parlamentlərin mövcud olduğu dövlətlərin çoxu kiçik və homogen dövlətlər hesab olunur. Azərbaycan Respublikası, həmçinin Türkiyə də bir parlamentli dövlətlərə nümunə göstərilə bilər.

Bir palatalı parlament (bir palatalı parlament sistemi) - bir parlamentdə bir palatanın fəaliyyət göstərməsi. Beləliklə, bir palatalı parlament və ya bir palatalı qanunvericilik məclisi bir palatalı qanunverici orqandır. Çox vaxt bir palatalı qanunvericiliyi olan ölkələr kiçik, vahid, unitar dövlətlərdir, bunun üçün yuxarı və ya ikinci palataya ehtiyac yoxdur.Dünyanın suveren dövlətlərinin təqribən yarısı bir palatalı parlament sisteminə malikdir və bunlara həm ən populyar (Çin Xalq Respublikası), həm də cırtdan (Vatikan) dövlətlər daxildir.

Ölkələrin bir çox inzibati vahidində bir palatalı qanunvericilik mövcuddur. Bunlara, məsələn, ABŞ-dakı Nebraska, Guam və Virgin adaları, bütün Rusiya bölgələri, Hong Kong, Kanadanın bütün əyalətləri və əraziləri, bütün Alman torpaqları, bütün İtaliya bölgələri və bütün İspan muxtar icmaları daxildir.

Birləşmiş Krallıqda Şotlandiya Parlamenti, Uels Milli Assambleyası və Şimali İrlandiya Məclisi bir palatalıdır.