Əsas menyunu aç

Braziliya – Almaniya (2014 FİFA Dünya Kuboku)


2014-cü il futbol üzrə dünya çempionatının Braziliya və Almaniya komandaları arasında keçirilən yarımfinal matçı 8 iyul tarixində Belu-Orizonti şəhərində yerləşən "Mineyran" stadionunda keçirilmişdi. Braziliya yığması bu oyunda Almaniyaya 1:7 hesabı ilə darmadağın olmuşdu. Bu qələbənin nəticəsində Almaniya Çempionatın final mərhələsinə adlamışdı.

Braziliya – Almaniya (2014 FİFA Dünya Kuboku)
Brazil vs Germany, in Belo Horizonte 10.jpg
Turnir Futbol üzrə dünya çempionatı 2014 (1/2 final)
Tarix 8 iyul, 2014-cü il
Yer Braziliya Mineyran, Belu-Orizonti
Matçın adamı Almaniya Toni Kroos
Hakim Meksika Marko Rodriges
Tamaşaçı 58141
Hava21°С, günəşli

Vurulan 8 qol nəticəsində bu matç futbol üzrə dünya çempionatı tarixində keçirilən yarımfinal oyunları arasında ən böyük hesablı olmuşdur. Bu oyunun nəticəsində Almaniya yığma komandası dünya çempionatının yarımfinalında və ya finalında 7 qol vurmuş ilk komanda oldu.

Braziliya komandasına ikinci qolu vurmuş Almaniyanın 36 yaşlı oyunçusu Miroslav Kloze, Braziliyalı Ronaldonun nəticəsini də qabaqlayaraq dünya çempionatı tarixinin ən yaxşı bombardiri olmuşdur (Karyerası ərzində 16 qol). Almaniya yığması, həmçinin, dünya çempionatı tarixində ən çox qol vurmuş komanda oldu: Almanların hesabında bu oyundan sonra 223 vurulmuş qol, Braziliyalıların hesabında isə — 221 qol oldu. Bu oyuna qədər dünya çempionatının qrupdan sonrakı mərhələsində bu komandalar yalnız bir dəfə qarşılaşmışdılar. 1974-cü ildə dünya çempionatının qrupdan sonrakı mərhələsində Braziliya Şərqi Almaniya ilə qarşılaşmışdı. Lakin FİFA, hazırki Almaniya yığma komandasının sələfi olaraq Qərbi Almaniya komandasını hesab edir. 1-7 hesabı ilə Almaniyanın xeyrinə başa çatan oyundan sonra Almaniya yığması Braziliyadan 2002-ci ildəki məğlubiyyətinin (0:2) revanşını aldı.

Bu məğlubiyyət Braziliya futbol komandasının tarixində ən böyük hesablı olmuşdur: yeganə olaraq komanda altı qol fərqi ilə təxminən 96 il əvvəl məğlub olmuşdu (1920-ci ildə Çilidə keçirilən futbol üzrə Cənubi Amerika çempionatında Uruqvay yığma komandasına 0:6 hesabı ilə məğlub olmuşdu). Həmçinin, Braziliyalılar rəsmi turnirlərdə ev oyunlarında ilk dəfə olaraq 1975-ci ildə məğlub olmuşdular. Onların məğlubiyyətsizlik seriyası 62 matç davam etmişdi.

Bu oyun Braziliya ilə yanaşı dünya miqyasında da "Mineyraso" adı ilə tanınır.

TarixiRedaktə

Bu turnirə kimi Braziliya yalnız bir dəfə Futbol üzrə dünya çempionatına sahiblik etmişdi: 1950-ci ildə keçirilən futbol üzrə dünya çempionatında Braziliya finalda Uruqvaya 1-2 hesabı ilə məğlub olmuşdu. Braziliyanın 5 titulu olduğu təqdirdə, Almaniyanın bu oyuna kimi 3 titulu var idi. Ümumilikdə isə, bu iki komanda arasında 21 oyun keçirilmişdir.[1] Lakin, bu komandalar yalnız bir dəfə dünya çempionatının finalında: 2002-ci qarşılaşmışdılar. Bu oyunda Braziliyalılar Ronaldonun vurduğu iki qol sayəsində 2-0 hesabı ilə Almaniyanı məğlub etmişdilər.[2][3] Braziliya sonuncu titulunu 2002-ci ildə, Almaniya isə sonuncu titulunu 1990-cı ildə qazanmışdı. Braziliya 2002-ci ildən bəri, ilk dəfə yarımfinalda iştirak edirdi. Amma, Almaniya artıq 4-cü dəfə yarımfinalda iştirak edərək bir rekorda imza atmış oldu.[4]

OyunRedaktə

Birinci hissəRedaktə

 
Braziliya yığma komandasının kapitanı David Luis (ortada) 23-cü dəqiqədə qol vuran Almaniya yığma komandasının oyunçusu Miroslav Kloze ilə top uğrunda mübarizə aparır

Hər iki komanda hücum futboluna üstünlük verirdilər, amma, matçın əvvəllərində Braziliyalılar daha çox hücum edirdilər. Artıq 3-cü dəqiqədə Braziliya yığma komandasının oyunçusu Marselo qapıya doğru zərbə endirdi, lakin top qapıya daxil olmadı. 7-ci dəqiqədə Almaniya yığma komandasının oyunçusu Sami Hediranın zərbəsi komanda yoldaşı Toni Kroosa dəydi. 11-ci dəqiqədə Almanlar matçın ilk küncdən zərbəsini yerinə yetirdilər. Tomas Müller Toni Kroosun küncdən zərbədən ötürdüyü topan sonra hesabı Almaniyanın xeyrinə 1-0 olaraq dəyişdi. Matçın 23-cü dəqiqəsində Miroslav Kloze hesabı 2-0 etdi. Bu qol Miroslav Klozenin 16-cı qolu oldu və Braziliyalı Ronaldonun rekordunu da üstələyərək ən yaxşı bombardir oldu.

Hesab Almaniyanın xeyrinə 2-0 olduqdan sonra, Braziliya ardıcıl səhvlərə yol verməyə başladı. Toni Kroos qısa zamanda içində Braziliyaya ardıcıl olaraq 2 qol vurdu. O, 24-cü dəqiqədə Filipp Lamın pasından sonra hesabı 3-0 olaraq dəyişdi. 26-cı dəqiqədə topu Braziliyalılardan alan Toni Kroos, topu Sami Hediraya ötürdü. Sami Hedira da boş qalmış Toni Kroosa topu ötürdü və hesab 4-0 oldu. Birinci hissənin sonuncu qolunu Məsud Özilin pasından sonra Sami Hedira Vurdu. Beləliklə, birinci hissənin yekun hesabı 5-0 Almaniya yığma komandasının xeyrinə oldu. Almanlar altı dəqiqə ərzində dörd qola imza atdılar. Braziliyalılar dördüncü qolun oyundan kənar vəziyyətdən vurulduğunu desələr də, hakim qayda pozuntusunu qeydə almamışdı. Videotəkrardan sonra da düzgün qərarı vermək olmamışdı.

İkinci HissəRedaktə

 
Braziliya hücumçusu Fred, Almaniya müdafiəçisi Jerom Boatenq ilə top uğrunda mübarizə aparır. Fred oyundan çıxarkən Braziliyalı azarkeşlər tərəfindən fitə basılmışdı.

Fasilədən sonra Braziliya yığma komandasının baş məşqçisi Luis Filipe Skolari iki oyunçunu əvəz etdi: Fernandinyo və Xalkın əvəzinə Ramires və Paulinyo oyuna daxil oldu. Almaniya yığma komandasından isə Per Mertezaker Mats Hummelsin əvəzinə meydana daxil oldu. İkinci hissə başlayanda Braziliya yığma komandası Manuel Noyerin qapısı qarşısında təhlükələr yaratdılar. Amma, Manuel bir neçə dəfə komandasını qol vəziyyətlərindən xilas etdi. Matçın 60-cı dəqiqəsində Braziliya yığma komandasının qapıçısı Julio Sezar, Almaniya yığma komandasının oyunçusu Müllerin zərbəsini son anda dəf etdi. 58-ci dəqiqədə Miroslav Klozenin yerinə gəlmiş Andre Şürrle, 69-cu dəqiqədə hesabı 6-0 etdi. 79-cu dəqiqədə Andre Şürrle, Müllerin pasından sonra hesabı 7-0 etdi. Oyunun sonlarında Məsud Özil 8-ci qolu vurmağa çox yaxın idi, amma, o, bu şansı qaçırmışdı. Yalnız matçın 90-cı dəqiqəsində Oskar Almanların qapısına yol taparaq hesabı 1-7 etdi və matç elə bu hesabla da başa çatdı. Bu oyundan sonra Braziliyanın 62 matçlıq ev oyunlarında məğlubiyyətsizlik seriyası pozuldu.

Matçın detallarıRedaktə

8 iyul, 2014
17:00 UTC-3
Braziliya   1:7   Almaniya
Oskar   90' Hesabat Müller   11'
Kloze   23'
Kroos   24'26'
Hedira   29'
Şürrle   69'79'
Mineyran, Belu-Orizonti
Tamaşaçı: 58 141
Hakim:   Marko Rodriges
 
 
 
 
 
 
 
 
 
Braziliya
 
 
 
 
 
 
 
 
 
 
Almaniya
GK 12 Julio Sezar
DF 23 Maykon
DF 4 David Luis (c)
DF 13 Dante   68'
DF 6 Marselo
MF 17 Luis Qustavo
MF 5 Fernandinyo   46'
MF 7 Halk   46'
MF 11 Oskar
MF 20 Bernard
FW 9 Fred   69'
Əvəzetmələr:
GK 1 Cefferson
DF 2 Dani Alves
MF 8 Paulinyo   46'
DF 14 Maksvell
DF 15 Enrike
MF 16 Ramires   46'
MF 18 Ernanes
MF 19 Villian   69'
FW 21 Jo
GK 22 Viktor
Baş məşqçi:
  Luis Felipe Skolari
 
GK 1 Manuel Noyer
DF 16 Filipp Lam (c)
DF 20 Jerom Boatenq
DF 5 Mats Hummels   46'
DF 4 Hövedes
MF 6 Xedira   76'
MF 7 Bastian Şvaynştayger
MF 13 Müller
MF 18 Toni Kroos
MF 8 Məsud Özil
FW 11 Miroslav Kloze   58'
Əvəzetmələr:
GK 12 Ron-Robert Tsiler
DF 2 Kevin Qrosskroyts
DF 3 Matties Ginter
FW 9 Andre Şürrle   58'
FW 10 Lukas Podolski
MF 14 Yulian Draksler   76'
DF 15 Erik Durm
DF 17 Per Mertezaker   46'
MF 19 Mario Götze
GK 22 Roman Vaydenfeller
MF 23 Kristof Kramer
Baş məşqçi:
  Yoahim Löv

Matçın oyunçusu:
  Toni Kroos[5]

Baş hakimin köməkçiləri:
  Marvin Torrentera
  Markos Kintero
Dördüncü hakim:
  Mark Geyger
Beşinci hakim:
  Mark Şon Hörd

Matçın StatistikasıRedaktə

 
Almaniya yığma komandasının futbolçuları vurduqları qolu bayram edirlər
Statistika[6] Braziliya Almaniya
Qollar 1 7
Qapıya doğru zərbələr 18 14
Hədəfə doğru zərbə 8 10
Topa Nəzarət 52% 48%
Ötürmələrin sayı 547 592
Ötürmələrin dəqiqliyi 79% 82%
Küncdən zərbələr 7 5
Qayda pozuntuları 11 14
Offsaydlar 3 0
Sarı vərəqələr 1 0
Qırmızı vərəqələr 0 0

İstinadlarRedaktə

Xarici keçidlərRedaktə