Bukidnonlar

Bukidnonlar—(bisayya dilində "dağ sakinləri"),xiqaonanlar (özlərini "dağlılar" adlandırırlar) Mindanaonın Bukidnon əyalətinin şm. və mərkəzi hissələrində Filippinin dağ xalqlarından biri. Sayları 110 min nəfərdi (1995). Manobolara yaxındırlar və qismən onlarla qaynayıb-qarışmışlar. Qərbi Avstroneziya qrupuna aid bunukid dilində danışırlar. İngilis və taqal dilləri də yayılmışdır. Ənənəvi inanclarını saxlayırlar, xristianları da var. Ənənəvi məşğuliyyətləri toxa əkinçiliyidir (quru dərələrdə becərilən çəltik, qarğıdalı, abaka, tənbəki). Öküz-karabao və it yetişdirirlər. Balıqçılıq, ovçuluq və yığıcılıq yayılmışdır. Abaka liflərindən toxuculuq, toxuma, dulusçuluq tənəzzül etmışdir. Evləri yortacəsaslıdır, bəzən ağac üzərində qurulur. Betel çeynəmə, dişlərin mişarlanması və qaraldılması, tatu (tatuirləmə) yayılmışdır. Geyimləri (qısa jaket, enli parçadan hazırlanmış kəmər, qadınlarda-uzun yubka, kişilərdə-şalvar) tikmə və aplikasiya ilə bəzədilər. Kişilər naxışlı çalma, qadınlar tunc və sədəflə bəzədilmiş iri daraqlar taxır, yaylıq bağlayırlar. Naxışlı çantalar, sırğalar, bilərziklər, boyunbağılar, həmayillər, metal və balıqqulağıdan üzüklər yayılmışdır. Əsas yeməkləri düyüdən hazırlanır. Kədlərdə qohum ailələr yaşayır. Formal olaraq icma tərəfindən seçilən və prezident adlanan başçı ənənəvi rəhbər daqonun əlamətlərini saxlayır. Nigah neolokaldır, uşaq yaşlarında adaxlanma və gəlin üçün başlıq səciyyəvidir.

One of the "tulugan" at Kaamulan Park, Malaybalay